عايز اجيب لمبه للنور الواطى و اريال لل frv

**M.Ayman** · 29-09-2011 04:06 PM

[justify]

السلام عليكم
العربيه بتاعتى اتفاجئت بان النور الواطى فى اللمبه مش شغاله و بتشتغل على العالى عادى فكنت عايز اجيب لها لمبه واطى بس تكون اصليه و زى اللمبه اللى فى الناحيه الثانيه فى الاضائه و اللى يركبهم يكون بيفهم علشان ميبوظش زاوية العدسه ولا حاجه

.... و كمان لقيت الاريال مكسور فكنت عايز اجيب اريال اصلى برضه .... ارجوكم يا جماعه لو حد يقدر يقولى اعمل ايه علشان اخوكم تايه

و التوكيل يقولك استنى اسبوعين و يقعدنى جمبه اليوم كله حرام بصراحه

و شكرا مقدما ليكم

[/justify]

**M.Ayman** · 29-09-2011 04:49 PM

معلش يا جماعه انا كتبت الموضوع بالغلط هنا ارجو من الادمن نقل الموضوع فى قسم البريليانس و شكرااااا

تم النقل حسب رغبتكم

مشرف عام 2

**M.Ayman** · 30-09-2011 03:34 AM

شكرا لذوقك

**M.Ayman** · 30-09-2011 03:48 AM

يا جماعه لو حد عنده فكره او يقدر يساعدنى ياريت يقولها :)

**faragtec** · 30-09-2011 05:31 AM

السلام عليكم

ممكن حضرتك تلاقيهم فى محلات قطع الغيار اللى بتشتغل فى الصينى ودى أرقام اكتر ناس انا سمعت عنهم وممكن حضرتك تكلمهم وتسألهم

مركز بكين لقطع غيار السيارات الصينية
21 ش دمشق روكسي مصر الجديدة
ت 22562936 موبايل 0113288068

ده الأول عشان لو انت موجود فى القاهرة

الوكيل لقطع غيار السيارات
27 شارع المطبعه متفرع من شارع الهرم - الجيزة.
تليفون / 0118208247 – 0100564485

وده الثانى فى الهرم علشان لو حضرتك من سكان الجيزه

بس السؤال بقى الأريال لما اتكسر له تأثير كبير على اشارة الراديو ... لأنى ساعات بفك الأريال لما اركن فى مكان غريب وبانسى اركبه لما ارجع ومش بحس ان فى اى تأثير الا بعد ما اوصل واركن الاقى الأريال مش راكب

تحيــــــــــاتــــــــــ ـــــــى

**M.Ayman** · 30-09-2011 02:24 PM

الف شكرا ليك
فعلا انا كان بيحصل كده معايا و كان الارسال بيبقى كويس بس لاحظت من فتره ان الارسال مش مظبوط يعنى Nogom FM و Mega FM بقوا ساعات يشوشوا و دول يعنى اقوى ارسال سمعته بصراحه فشكيت ان الاريال بايظ بصيت لقيت القطعه السوده مش موجوده و مش باقى غير صاموله كده و حديده صغيره قوى شكلها مقطومه :( ........... طيب انا سمعت ان فى مركز فى جسر السويس واخد من التوكيل ايه رأى حضرتك فيه و اقدر اتواصل معاهم ازاى ؟!

**faragtec** · 02-10-2011 01:40 AM

انا بصراحه لسه ما عملتش للعربيه صيانات ومش عارف ايه اخبار مراكز الصيانه ... بس فى واحد صاحبى قالى ان فى ميكانيكى من التوكيل فاتح ورشه فى السيدة زينب .... لو تحب اجيبلك رقمه اجيبهولك
عندى سؤال يمكن تقدر تجاوبنى عليه بخصوص موتور العربيه
حد بيقولى ان موتور ال 1500 ده موتور اللانسر شارك ... وانا فعلاً ميال جداً للرأى ده لأن الشارك فعلاً موتورها 1500 سى سى بالإضافة الى ان تابلوه الشارك فيه كثير جداً من ال frv
تفتكر ان هو نفس الموتور والا عندك رأى ثانى
اسف للإطالـــــــــــــــــــ ـــــــــــــــــــــــــ ـــــــــــــــــــــــــ ـه

**sabbahcenter** · 02-10-2011 02:26 AM

ايوة صح يا باشا في ميكانيكي من التوكيل في السيده زينب وده صاحبي اوووووووي وراجل زي العسل ومحترم اوي واسعاره ببلاش والشغل اللي بيعمله كأنك في التوكيل بالظبط ويا ريت من اي واحد معاه عربيه بريليانس ميعملش شغله عند اي ميكانيكي خاااااااااالص لان العربيه دي فيها حاجات كتير الصنايعيه مش بيفهموها وممكن يبوظو حاجات تانيه فمتخلوش حد يلعب في العربيه الا اذا كان فاهمها لان العربيه دي مش زي بقيت العربيات واسف علي الاطاله

**faragtec** · 02-10-2011 05:55 PM

طيب تمام يعنى الراجل ده مضمون .... نعمل عنده شغل يعنى اكيد والا ايه ؟؟؟

**M.Ayman** · 02-10-2011 11:19 PM

المشاركة الأصلية كتبت بواسطة faragtec

انا بصراحه لسه ما عملتش للعربيه صيانات ومش عارف ايه اخبار مراكز الصيانه ... بس فى واحد صاحبى قالى ان فى ميكانيكى من التوكيل فاتح ورشه فى السيدة زينب .... لو تحب اجيبلك رقمه اجيبهولك
عندى سؤال يمكن تقدر تجاوبنى عليه بخصوص موتور العربيه
حد بيقولى ان موتور ال 1500 ده موتور اللانسر شارك ... وانا فعلاً ميال جداً للرأى ده لأن الشارك فعلاً موتورها 1500 سى سى بالإضافة الى ان تابلوه الشارك فيه كثير جداً من ال frv
تفتكر ان هو نفس الموتور والا عندك رأى ثانى
اسف للإطالـــــــــــــــــــ ـــــــــــــــــــــــــ ـــــــــــــــــــــــــ ـه

أولا شكرا للتفاعل و المساعده
ثانيا
لا ياباشا موتورها مش بتاع شارك لسببين اولا ان بتاع شارك ميفيك تكنولوجى يعنى لو اتحط على الاف ار فى هيقلبها و حش بجد ثانى حاجه انه للاسف موتورها صينى و هو نفسه بتاع التيوتا بس صينى و هو احسن ال 2009 لانه 2 كامه بس فيه عيب واحد ان التسارع بتاعه بحساس كهربا و ده بيخلى رد الفعل بطىء كثير عن ال2009 بس ان شاء الله هجيب جهاز بيركب على الموتور بيزبط الموضوع ده موجود عند عادل وجدى او ممكن ريماب برضه يزبطها

الموضوع: عايز اجيب لمبه للنور الواطى و اريال لل frv

LinkBack

أدوات الموضوع

عرض

عايز اجيب لمبه للنور الواطى و اريال لل frv - انشر الموضوع فى :

-

-

-

-

-

المواضيع المتشابهه

بالصور........طريقة تصليح ذراع الاشارة (العالى-الواطى) للنور فى الفليشيا

عايز اجيب اريال tv اللى فى الdvd

عايز اعلى النور الواطى ؟

عايز اجيب اريال tv اللى فى الdvd

عايز اللمبات الزرقا للنور الواطى

الكلمات الدلالية لهذا الموضوع

المفضلات

المفضلات

ضوابط المشاركة