أفكار و نصائح لتغيير المزاج السيئ

**WalidAdel** · 12-05-2011 12:29 AM

والله الناس مش مخليه حاجه الواحد يقولها بس هازود حاجات غيرها بقي :
الصديق ثم الصديق ثم الصديق انك تحكي لحد همومك دي ييييييييييياااااااااااااا ااه جميله جميله جميله و خصوصا لو واحد متفهم لطبعك اوي هايريحك في الكلام مش هتلاقي بيدافع من غير سبب
ليا واحده صديقتي بتعمل حاجه ظريفه قاعدة تسابيح ماشاء الله تهدي نور الاوضه و تولع بخور جنبها و تقعد تسبح ساعه هيا و راحتها و بتخرج ماشاء الله واحده تانيه خاااااااااااالص
حاجه بقي للخروج من الملل بردوا تشوفي هوايه تعمليها و تكون حاجه في البيت مش شرط بره البيت حاجه تفصلك عن اللي انتي فيه و خلاص
بالنسبه للبنات بيبقي شغل كنفاه و سيرما و تريكوه رسم او كتابة خواطر كده يعني حتي لو تتعلمي اهي حاجه تشغلي بيها دماغك بردوا و تبقي مركزه فيها
بس بقي شوفي ايه اللي يناسب حضرتك فيهم يعني

**فتح الباب** · 12-05-2011 12:47 AM

الحياه لا تتم على وتيره واحده فلا تفرح كثيرا وايضا لا تزعل كثيرا . انا بلاقى نفسى مخبوط فى المشكله ولازم اواجهها وساعتها بحتكر كل الغم اللى فى الكون والعكس ايضا صحيح

**m3_dolphen** · 12-05-2011 12:53 AM

القراءة فى كتاب الله من أهم أسباب انشراح الصدر وكذلك كثرة الإستغفار .... وعن تجربة بإذن الله

**dr.amr** · 12-05-2011 12:57 AM

المشاركة الأصلية كتبت بواسطة KHALED AYMAN

بنزل اخد العربيه و اطلع على الطريق ...لحد ما اوصل لمكان ضلمه فى الطريق
اقوم راكن و قافل على نفسى و قاعد فى العربيه
ربع ساعه نص ساعه ,,,وامشى
مش هنسى
مره من المرات كنت مخنوق اوى نزلت روحت لحد اسكندريه ..ولفيت و رجعت
حاليا لما بتخنق ..بخنق نفسى زياده
لانى مش بلاقى حاجه اعملها ..الطريق بقت خطر
والبلد بقت تقرف
والحياه زى الزفت
فبقيت بفضل قاعد كده ...بفكر الجأ للمخدرات بقى هههه

جرب تبرشم الاول

**KHALED AYMAN** · 12-05-2011 12:59 AM

المشاركة الأصلية كتبت بواسطة dr.amr

جرب تبرشم الاول

هجرب و اقولك

**نور القمر** · 12-05-2011 12:59 AM

شكولاتاااااااااية كادبوري كبيييييييييييييييرة
يااااااااااااااه احساس جميل تلاقي نفسك بعد العصبية بقيتي كووووول
بس لو استمريتي عليها هاتحسي انك عايزة تزودي الجرعة كل مرة
بلاش تطاوعي نفسك
لاني وصلت لدرجة اكل نص علبة ومتأثرش فيا
اقلعت عنها فترة لحد ماخفيت ورجعت لها تاني
ملاقيش مع حد سيجارة قصدي شكولاتاية

**Akram** · 12-05-2011 01:04 AM

بقابل حد من صحابي برتاحله قوي و نخرج سوا ,
ممكن نروح أي مول و نلف و نشوف و نشتري ,
ممكن نروح وسط البلد و نلف شوية و نقعد في كافيه هادي ,
ممكن نسافر لأي شاطئ و دي بالذات بتغير المود خالص ,
و حالياً بمارس الرياضة و دي من الحاجات الي لقيت ليها تأثير كويس بس بيكون وقتي يعني اثناء ممارسة الرياضة فقط .

**AboELsoud** · 12-05-2011 01:10 AM

انزل اتمشى كتييييييييييير
و الشيكولاته طبعا دي حاجه متجربه و اطباء الصحه النفسيه بينصحوا بيها
و انا لسه مجربها النهارده :)

**waelfarid** · 12-05-2011 01:16 AM

اكل يعني الدم حيروح للمعدة ويقلل التفكير وشيكولاتة من خواصها تحسين المزاج عموما
فضفض لحد مش حينكد عليك
ابعد عن مسبب الزعل
اشغل نفسك باي حاجة
شغل قرآن او شريط لمثلا الشيخ عمر عبد الكافي ومدد جنبه شوشو حيدلعك آخر دلع وتنام وتفوق زي الفل بعدها