أفكار و نصائح لتغيير المزاج السيئ

**_Ahmed_casper_** · 12-05-2011 11:42 AM

كل ده تمام و معظمها حلول حلوه لتغيير المود
...‏ طب اللى عايز ينسى حاجه و الحاجه دى لازم تتنسى و فى نفس الوقت مش عارف اعمل ايه؟

**زينة الله** · 12-05-2011 11:43 AM

المشاركة الأصلية كتبت بواسطة eng/muhamad

انا اقعد على البحر اقعد مربع و ابص للبحر و اتامل فيه و اعيش فى لحظات صمممممممت و تامل للبحر

معاك حق والله قعدت البحر جميلة جدا و التأمل فيه سبحان الله على قدرته بيشعرنى إنى شئ صغنن جدا جنبه لدرجة تنسى الواحد مشاكله

و كمان هوا البحر فيه شئ غريب فعلا بيروق المزاج و يهدى الأعصاب ...

بس بخاف واترعب من البحر بالليل هو حلو بالنهار بس .. إلا إذا كان بالليل فى أضواء كتير معكوسة على وش الميه بتكون مبهرة

المشاركة الأصلية كتبت بواسطة phantom0xx0

أنا أول مرة أخد بالي من حكاية القلم دة .... علي طول مع الستات

و لو ديه طريقة علاج ، لكانت اطبقت علي الكل ....

أنا قصدى سماع صوت الرصاص زى ما بتحب بيعمل صدمة بيفكرنى بالصدمة اللى بيعملها الدكتور للمريض النفسى ..

عشان كدا بيستخدموا جلسات الكهرباء تقريبا

لكن الأقلام دا شغل أفلام تقريبا ههههههههه

الواحد لم بيشوف مشاكل غيره ، بيحمد ربنا على مشكله ..........علشان كدة مهم أوي إن الواحد كل فترة ينزل يشوف الأماكن إلي فيها ضيق حال و يشوف حال غير الحال و ساعتها هيتعلم يعني أيه رضا

اكيد معاك حق و الأحلى إن الواحد يحاول يسعد غيره من المحتاجين .. فرحتهم و تخفيف الألم عنهم يسعد أى أنسان عنده رحمة

المشاركة الأصلية كتبت بواسطة osama.m

بطلع اجري على الكورنيش بس بدري قوي يعني من بعد الفجر كدا

الجرى حقيقى بيفجر الطاقات و يهدى ... أنا فعلا نفسى أجرى بس الموضوع عايز مكان مخصص لكن المشى الرياضى متاح أكتر

أما حكاية الفجر دى عظيمة جدا زمان وأنا صغيرة كنت أحب أصحى الفكر و أفتح الشباك و أقعد أشم هوا الفجر المندى

لما جابلى جيوب أنفية ههههههه الحمد لله خفيت منها و مش عايزة ترجع لى تانى ههههههه :b4_611:

**م.احمد زكريا** · 12-05-2011 11:49 AM

شوية طرق ممتازة:

1- تتوضأ وتصلي ركعتين

2- تمسك سبحة وتستغفر وتصلي على النبي (عليه الصلاة والسلام)

3- تنزل تخرج وتتمشى في مكان فيه ناس كتير (مول مثلا أو محلات)

**azmeralda** · 12-05-2011 12:18 PM

اللى عايز ينسى الزمن كفيل بس حسب قوة الحاجة هتاخد وقت

**أبو إياد** · 12-05-2011 12:22 PM

اقفل تليفوناتى واخد عربيتى واسافر اقعد عند قبر والدى الله يرحمه واتكلم معاه وارجع وماعديش على حد من قرايبنا كمان
الاقى نفسى وانا راجع عاوز اوصل بسرعه لانى حاسس ان كل حاجه اتحلت

فى مره رجعت لقيت الدنيا مقلوبه علشان كان فى شغل وكده لقيت واحد من صحابى خدنى على جانب وقالى انت سافرت لوالدك صح ؟

دلوقتى بقا مافيش حد بيحس بحد ولا بيعرف عن اقرب الناس اليه حاجه

خلاصه الموضوع لازم تقعدى مع حد بتحبيه تثقى فيه حتى لو انتى اللى هاتتكلمى وبس

**azmeralda** · 12-05-2011 12:34 PM

دلوقتى بقا مافيش حد بيحس بحد ولا بيعرف عن اقرب الناس اليه حاجه [/quote]

لأ لأ متجمعش

انا بعيش مشاكل الآخرين لدرجة المرض بس فى ناس كتييييييييير مبيتمرش فيها

**SENNI55** · 12-05-2011 12:39 PM

المشاركة الأصلية كتبت بواسطة زينة الله

أنا كنت بحب أمشى جدا لوحدى وخصوصا لو طريق مزروع أو كورنيش و طول ما أنا ماشية أحلل فى سبب زعلى و فى المواقف المتداخلة

لأن ساعات الواحد بيقعد يقاوم الزعل و المشاكل بالتجاهل و نظام ... أنا جدع ... هههههه

لكن مع تراكم المشاكل بيقع مرة واحدة و يحس إنه أتقفل و كره الدنيا

بس للأسف صعب المشى حاليا فى ظل الظروف اللى أحنا عايشنها و الأوضاع المتوترة

أما إن الواحد ينام .. للأسف ساعات مع التوتر الواحد يشوف كوابيس كتير و يقلق ... بس هو حل كويس لو الواحد فعلا نعس بيصحى رايق شوية

انا كمان بنزل امشى و الف البلد بالعربية ممكن

**زينة الله** · 12-05-2011 12:44 PM

المشاركة الأصلية كتبت بواسطة walidadel

والله الناس مش مخليه حاجه الواحد يقولها بس هازود حاجات غيرها بقي :
الصديق ثم الصديق ثم الصديق انك تحكي لحد همومك دي ييييييييييياااااااااااااا ااه جميله جميله جميله و خصوصا لو واحد متفهم لطبعك اوي هايريحك في الكلام مش هتلاقي بيدافع من غير سبب

طبعا حل جميل جدا لو موجود !!!! هو مش الخل الوفى من رابع المستحيلات برضك !!!

ليا واحده صديقتي بتعمل حاجه ظريفه قاعدة تسابيح ماشاء الله تهدي نور الاوضه و تولع بخور جنبها و تقعد تسبح ساعه هيا و راحتها و بتخرج ماشاء الله واحده تانيه خاااااااااااالص

حلو التسبيح ما شاء الله بس أنا بتخنق من البخور ههههه

أما الضوء الخافت ساعات بيهدى و ساعات بتضايق منه ... لو كانت الدنيا مغيمة مثلا

حاجه بقي للخروج من الملل بردوا تشوفي هوايه تعمليها و تكون حاجه في البيت مش شرط بره البيت حاجه تفصلك عن اللي انتي فيه و خلاص
بالنسبه للبنات بيبقي شغل كنفاه و سيرما و تريكوه رسم او كتابة خواطر كده يعني حتي لو تتعلمي اهي حاجه تشغلي بيها دماغك بردوا و تبقي مركزه فيها
بس بقي شوفي ايه اللي يناسب حضرتك فيهم يعني

هويات جميلة جدا .. بس دى للخروج من الملل زى ما حضرتك بتقول أنا بحب كتابة الخواطر و التريكو و الرسم

لكن ساعة الزعل ما بيكونش فى مزاج و روح لها

المشاركة الأصلية كتبت بواسطة KHALED AYMAN

بنزل اخد العربيه و اطلع على الطريق ...لحد ما اوصل لمكان ضلمه فى الطريق

لا ياعم أنا بخاف من الضلمة

اقوم راكن و قافل على نفسى و قاعد فى العربيه
ربع ساعه نص ساعه ,,,وامشى
مش هنسى
مره من المرات كنت مخنوق اوى نزلت روحت لحد اسكندريه ..ولفيت و رجعت
حاليا لما بتخنق ..بخنق نفسى زياده

ليه كدا بس

لانى مش بلاقى حاجه اعملها ..الطريق بقت خطر
والبلد بقت تقرف
والحياه زى الزفت
فبقيت بفضل قاعد كده ...بفكر الجأ للمخدرات بقى هههه

المشاركة الأصلية كتبت بواسطة dr.amr

جرب تبرشم الاول

و نعم النصايح

المشاركة الأصلية كتبت بواسطة tjp

الحياه لا تتم على وتيره واحده فلا تفرح كثيرا وايضا لا تزعل كثيرا . انا بلاقى نفسى مخبوط فى المشكله ولازم اواجهها وساعتها بحتكر كل الغم اللى فى الكون والعكس ايضا صحيح

يعنى أيه تحتكر كل الغم اللى فى الكون هو الواحد ناقص !!!!!! والا قصد حضرتك تركز عليها أكتر عشان تحلها

المشاركة الأصلية كتبت بواسطة m3_dolphen

القراءة فى كتاب الله من أهم أسباب انشراح الصدر وكذلك كثرة الإستغفار .... وعن تجربة بإذن الله

ساعة الغضب أبليس بينسى الواحد الذكر للأسف لكنه فعلا بيهدى و يخلى الواحد يفكر بذهن صافى فى حل مشكلته

-

-

الموضوع: أفكار و نصائح لتغيير المزاج السيئ

LinkBack

أدوات الموضوع

عرض

-

-

-

المواضيع المتشابهه

استفسار بخصوص المزاج

إختيار لمبات الإضاءة للبروتون على المزاج

الكلمات الدلالية لهذا الموضوع

المفضلات

المفضلات

ضوابط المشاركة