أين الدور الرسمي للكنيسة في مانمر به؟!

**yousef1978** · 11-05-2011 11:54 PM

عفوا أنا ذكرت حزب العمل وجريدة الدستور - وحتى لا يساء الفهم
فإبراهيم عيسى كان يتحاور على جريدة الشعب بينه وبين بعض الإسلاميين وهي جريدة تابعة لحزب العمل ونعلم جميعا أنه أكثر حزب محترم

وأما جريدة الدستور فكانت منذ عشرين سنة بتطلع من قبرص بواسطة إبراهيم عيسى وتم حظرها بهذه الحجة - انها بتطلع من خارج مصر

**Forever.Leo** · 11-05-2011 11:54 PM

المشاركة الأصلية كتبت بواسطة otefa

تحليل منطقي أحييك عليه
ماكنتش أعرف أنهم أجتمعو في الأزهر
كده الصورة أوضح

اشكرك .. واضح انه حتى حياد الازهر لا تقبله الكنيسة .. الزيارة دي رسالة معناها .. يا أزهر .. ياتبقى معانا ياتبقى معاهم !

**yousef1978** · 12-05-2011 12:13 AM

أنا في رأيي لو عايزين نفكر بعملية وما نبقاش بنلف في دائرة مغلقة
لازم نخش في جوهر الموضوع

انا هأعرض عليكم نقطة مهمة ويا رب تفيدونا فيها

دلوقتي الواضح للجميع إن فيه تجاوزات من قادة الكنيسه الشرقية المصرية الأرثوذكثية
التجاوزات دي غالبيتها كانت في عصر مبارك اللي كان مستعد يضحي بالمسلمين والمسيحيين كمان من أجل توريث ابنه
ودلوقتي أعتقد الوضع اختلف والكنيسه وصلتلها رسالة قوية إن عصر التجاوزات انتهى

لكن هل الأفيد لمصر اللي كلنا عايشين عليها هو التضحية ببعض المظالم القديمة وكذلك التضحية بحقوق بعض المسلمين المحتجزين او المتعقلين داخل دور العبادة المسيحية - هل الأفيد التغاضي عن كل ما سبق وإن كان بعض آثاره مستمرة - من أجل وأد الفتنة والمرور بالبلد من هذا المنعطف التاريخي - خصوصا لأن قادة الكنيسه للأسف يمثلون طائفة كاملة وإن كانت أقلية أما مبارك فيمثل أسرته فقط - ونحن في مصر في ظل وجود النظام الكهنوتي والأبوي لم يستطيع المسيحيين للأسف الخروج كليا من هذه السلطة ولم يتسوعبوا فكرة الحرية ختى الأن

أم أن الواجب الديني والشرعي والوطنى يتحتم علينا الإستمرار في الضغط عن طريق المظاهرات أو التوجه للنيابة العامة والمنتديات وجمعيات حقوق الإنسان من اجل أن يسود القانون على الجميع وأن يتم معاقبة كل من أظلم حتى ولو كان شيخ الأزهر والبابا شنودة وحتى لو كان الشيخ محمد حسان والدكتور محمد بديع

**mikology** · 12-05-2011 12:55 AM

اللى مضايقنى ان هنا فى المنتدى ده وفى الاجتماعى بالاخص -الاغلبيه من الناس دماغها راكبه شمال مؤمنه ان فيه ناس بتتعذب و ناس بتتقطع جوه الكنايس ولا كاننا فى عصر الظلمات او مثلا الكلام ده ماينفعش يبقى عكسه او نزل من عند الله
وعمالين يجيبو فى كلام و يحكو مع بعض فى دلالات و شواهد وولا واحد فيهم شاف بعينه او مر بتجربه بنفسه - وفى نفس الوقت سايبن كل الدلالت و البراهين اللى تثبت العكس ولا يقتنعون بها
يعنى بصراحه واللى يزعل يزعل - لازم يبقى الكنيسه فيها مسلمات محتجزه والسلام ومهما يحصل هو ده اللى جوه الكنيسه
البابا شنوده اللى مغلطش فى ولا واحد فيكو بكلمه - وكل لقاء ولا عيد بيشكر فى الاخوه و السلام اللى ما بينا - بقى كل واحد يقول اللى فى نفسه عليه - يلا ما هى ديموقراطيه
المهم بقى و اللى مزعلنى اكتر
ان هنا مفيش اى مواضيع بقراها تنصف الكنيسه ولا المسيحين امثالى - كل المواضيع هنا تقولشى معموله عشان تسخن المسلمين على المسيحين و معلش انا بحس فعلا ان الاجتماعى بقى تياره اسلامى اكتر ماهو اجتماعى ولا مدنى
على الفيس بووك مثلا فى فيديوهات من هنا ومن هنا و الدنيا فيها الرأى والرأى الاخر - لكن هنا الرؤيه من زاويه واحده
صدقونى انا بقول الكلام ده و قلبى حزين فعلا كان نفسى الاقى هنا زى بره مفيش اتجاه معين وانا عن نفسى هابطل افتح الاجتماعى ولا هشارك معاكو
والسلام ختام

**نور القمر** · 12-05-2011 01:09 AM

بالعكس في كل مواضيع المنتدى الاعضاء بيقولوا المسحيين جيرانا وزملاء العمل ومتربيين مع بعض ولا نكن لهم اي كراهية
واذا كان في انتقاد للمسيحيين فهوموجه للقادة منهم اللي معتبرين نفسهم فوق الناس وفوق القانون وموجه للمسيحي الموطن العادي اللي معتبر السيد شنودة او اي قس او راهب فوق الناس وفوق القانون

**otefa** · 12-05-2011 01:11 AM

والله خليك حقاني ألي بيتعامل بأنه فوق القانون هو الأحق بتوجيه الكلام ليه
ألي بيحتجز الناس بدون أي وجه حق هو المطالب بتصحيح سلوكه وأفكاره
غير كده الحلول ماهي ألا مسكنات

**CryptonX** · 12-05-2011 01:11 AM

المشاركة الأصلية كتبت بواسطة mikology

اللى مضايقنى ان هنا فى المنتدى ده وفى الاجتماعى بالاخص -الاغلبيه من الناس دماغها راكبه شمال مؤمنه ان فيه ناس بتتعذب و ناس بتتقطع جوه الكنايس ولا كاننا فى عصر الظلمات او مثلا الكلام ده ماينفعش يبقى عكسه او نزل من عند الله
وعمالين يجيبو فى كلام و يحكو مع بعض فى دلالات و شواهد وولا واحد فيهم شاف بعينه او مر بتجربه بنفسه - وفى نفس الوقت سايبن كل الدلالت و البراهين اللى تثبت العكس ولا يقتنعون بها
يعنى بصراحه واللى يزعل يزعل - لازم يبقى الكنيسه فيها مسلمات محتجزه والسلام ومهما يحصل هو ده اللى جوه الكنيسه
البابا شنوده اللى مغلطش فى ولا واحد فيكو بكلمه - وكل لقاء ولا عيد بيشكر فى الاخوه و السلام اللى ما بينا - بقى كل واحد يقول اللى فى نفسه عليه - يلا ما هى ديموقراطيه
المهم بقى و اللى مزعلنى اكتر
ان هنا مفيش اى مواضيع بقراها تنصف الكنيسه ولا المسيحين امثالى - كل المواضيع هنا تقولشى معموله عشان تسخن المسلمين على المسيحين و معلش انا بحس فعلا ان الاجتماعى بقى تياره اسلامى اكتر ماهو اجتماعى ولا مدنى
على الفيس بووك مثلا فى فيديوهات من هنا ومن هنا و الدنيا فيها الرأى والرأى الاخر - لكن هنا الرؤيه من زاويه واحده
صدقونى انا بقول الكلام ده و قلبى حزين فعلا كان نفسى الاقى هنا زى بره مفيش اتجاه معين وانا عن نفسى هابطل افتح الاجتماعى ولا هشارك معاكو
والسلام ختام

ياباشا متضايقش نفسك ...
انا الحمد الله بطلت اشارك في المواضيع دي لاسباب واضحة .. بقراها بس للتسلية او للعلم بخبر او حاجة جديدة و خلاص .

انما كمناقشة ... مفيش حد هنا يسمع حد ولا حيناقش حد ... وحتى لو اقتنع بكلامك و اقتنعت بكلامه انت على منتدى افتراضي اعضائه مهما كان عددهم ... لا يمثلوا 1% من شعب مصر ! و بالتالي المهاترات و المناقشان البيزنطية بين اي طرف و اخر انا مش بتكلم عن ناس معينة .. لن تاتي بجديد ولن تاثر على حد في النهاية .

والايام دي بس حتبقى سخنة شوية و حتستقر ان شاء الله بعدين ... فاهدى كدة و نفض للاخبار دي و مش كل الناس متطرفة ( كان مسلم او مسيحي ) و العقل و المنطق هو الي حيرجح الكفة في الاخر .

يعني حناخد شوية وقت على مانطلع من زجاجة التعتيم و الفساد و القمع الى حالة فوضوية شوية زي منت شايف الان ان ان يستقر الحال و المواضيع دي حتتلاشى..

**AboELsoud** · 12-05-2011 02:22 AM

المشاركة الأصلية كتبت بواسطة نور القمر

بالعكس في كل مواضيع المنتدى الاعضاء بيقولوا المسحيين جيرانا وزملاء العمل ومتربيين مع بعض ولا نكن لهم اي كراهية
واذا كان في انتقاد للمسيحيين فهوموجه للقادة منهم اللي معتبرين نفسهم فوق الناس وفوق القانون وموجه للمسيحي الموطن العادي اللي معتبر السيد شنودة او اي قس او راهب فوق الناس وفوق القانون

مظبوط و كلام 100/100