نصائح للمبتدئين حالاتى

**Dr_ahmedrady** · 12-05-2011 04:00 PM

انا عارف ان الموضوع ده اتكرر ستلاف مرة بس المرة دى بقى غير كل مرة
المرة دى انا هستلم ان شاء الله الاوبترا نبيتى يوم السبت و هرخصها

وعشان المواضيع كترت اوى والنصايح اتكررت كتير انا عاوز حد يقولوهملى متجمعين هنا
عاوز نصائح الاستلام
و نصايح الترخيص
و نصايح فترة التليين

ملحوظة العربية جاية من الاسكندرية مرفوعة على تريلا ، يعنى ايه الحجات اللى اقبلها ساعة الاستلام وايه الحجات اللى مقبلهاش خالص؟ و ايه الحجات اللى تخلص محليا ف قنا مع التوكيل
فاهميين قصدى؟؟
مش هينفع بعد ما تيجى اقوله مش هستلمها عشان الولاعة ناقصة او فى خدش بسيط ف الاكصدام مثلا
ولا انتو رايكو ايه؟؟
عاوز كل نصايحكو

وو فى مشكلة كمان:
انا مش بيرفكت اوى ف السواقة و خايف اسوق انا العربية تتخبط،
هل اخلى حد مالمعرض يسوقهالى و لا ايه؟

**Usama Nagi** · 12-05-2011 05:26 PM

بص اول حاجة تركز فيها هي معاينة السيارة من الخارج اولا ثم الداخل

من الخارج ركز علي الدهان و اتاكد ان كله نفس درجة اللون "علشان ما يكونش في حاجة مرشوشة" و بردوا اتأكد ان الاماكن اللي فيها فواصل زي الأكصدام و الرفرف ان الفواصل دي مش بعيدة عن بعضها و بعدين مشي ايدك كده علي البودي و بالأخص الحتت اللي فيها بومبيه و اتاكد انها مافيهاش نقر او حاجة

من الداخل اعمل فحص لكل الزراير و الكراسي و حرك الكراسي للأخر و اتاكد ان الطابلوه مافيهوش خدوش و نفس الموضوع للأبواب

افتح الأكصدام و بص علي حوض العربية و شيك ان مفيش مشاكل او اثر خبطات او حاجة مفكوكة
افتح الشنطة و اتاكد من العزل و اتاكد من وجود الأستبن و الكوريك و كيس جلد فيه شويه عدة بسيطة

بعد كده دور العربية و اسمع صوت الموتور و شغل التكييف و جرب كل الأوبشن "ازاز كهربا و كاسيت و الأنوار"

و مبروك عليك مقدما

**Usama Nagi** · 12-05-2011 05:30 PM

بالنسبة لموضوع السواقة الأفضل تاخد حد معاك من قرايبك او صاحبك يقعد معاك في العربية لو بتعرف تسوق شوية بس حاول تتعود علي ابعاد العربية و ما تحاولش تجري بيها الا لما تتمكن من ابعادها كويس

**fawzyyyy** · 12-05-2011 05:36 PM

المشاركة الأصلية كتبت بواسطة Dr_ahmedrady

انا عارف ان الموضوع ده اتكرر ستلاف مرة بس المرة دى بقى غير كل مرة
المرة دى انا هستلم ان شاء الله الاوبترا نبيتى يوم السبت و هرخصها

وعشان المواضيع كترت اوى والنصايح اتكررت كتير انا عاوز حد يقولوهملى متجمعين هنا
عاوز نصائح الاستلام

حتبص علي البوية كلها اللي علي العربية عشان الخدوش او اي حد معالجها بقلم بوية....حتبص علي كهربا العربية يعني الانوار الكلاكس و تجرب التكييف و الباور ......تفتح شنطتك و تشوف العدة اللي هي الاستبن و الكوريك و مفتاح العجل و المفك....و جوه الصلون حتشوف الولاعة موجودة ولا لأ

و نصايح الترخيص

مفيش نصايح ولا حاجة......بس لو انت مشتريها كاش بيبقي احسن ترخصها 3 سنين ...بيبقي ارخص في الفلوس حوالي 100-200 جنيه...و اريح بدل ما تروح كل سنة المرور

و نصايح فترة التليين

انك متحرقش علي العربية ...يعني ال rpm بتاعك ميعديش 2.5 و متشغلش التكيف اول 1000 كم.....بس كدة

ملحوظة العربية جاية من الاسكندرية مرفوعة على تريلا ، يعنى ايه الحجات اللى اقبلها ساعة الاستلام وايه الحجات اللى مقبلهاش خالص؟ و ايه الحجات اللى تخلص محليا ف قنا مع التوكيل
فاهميين قصدى؟؟
مش هينفع بعد ما تيجى اقوله مش هستلمها عشان الولاعة ناقصة او فى خدش بسيط ف الاكصدام مثلا
ولا انتو رايكو ايه؟؟

طبعا لو في خدش صغير في العربية متستلمهاش......لازم تكون كل حاجة سليمة .....انت دافع فلوس مش قليلة خالص......و لو المفك ناقص ....متستلمش العربية........بص علي كل حاجة في العربية كأنك بتشتري عربية مستعملة.....و يا سلام لو يكون معاك حد بيفهم في الدهان او السمكرة....انا مش عايز اخوفك ...بس العربيات ديه بتيجي علي مراكب و تريلات ....يعني ممكن تتحك هنا او هنا ...و هما بيعالجوها و يبيعوها عادي
من حقك انك تكون واخدها مفيهاش الهوا

عاوز كل نصايحكو

وو فى مشكلة كمان:
انا مش بيرفكت اوى ف السواقة و خايف اسوق انا العربية تتخبط،
هل اخلى حد مالمعرض يسوقهالى و لا ايه؟

توكل علي الله متقلقش.....انت حتلاقي سواقتها سهلة جدا....و علي مهلك و ربنا يباركلك فيها ان شاء الله و يكفييك شرها

**Usama Nagi** · 12-05-2011 05:38 PM

موضوع الترخيص و اورق انا صراحة ما عنديش فكرة قوي اصل خليت حد من المعرض "اوتو سمير ريان" هو اللي يخلصلي الموضوع ده

بالنسبة لموضوع التليين اهم حاجة في اول 1000 كم ما تخليش الأر بي ام يزيد عن 3 و يستحسن ما تشغلش التكييف في الفترة دي "رغم انا شغلته خفيف و مكنتش بزيد عن 3 ار بي ام" و ده معناه انك ما تزيدش عن سرعة 100 او 110 في الفترة دي

هتلاحظ ان الموتور سحبه ضعيف سنة و بيستهلك بنزين شوية هو بعد ال 1000 كيلو الأداء بيتحسن و استهلاك البنزين بيقل شوية

و بردوا في الفترة دي ركز في العربية و لو فيها اي اصوات غريبة او حاجة مش مضبوطة لازم تراجع الوكيل علطول