الموضوع: الحمدلله رب العالمين انقلبت بالعربيه

السلام عليكم ورحمة الله وبراكاته

رمضان كريم وكل عام وانتم بخير

انا صورت العربيه كدا فى مرحلة اختبارات ما بعد التقفيل والحمدلله احساس انها رجعت للحياه جميل
وكل ما اطلع بيها جوا الواحد شعور بالسعاده والحمد والشكر لله على كل شىء والحمدلله اني صلحتها
بس المضحك فى الموضوع ان الناس عاوزه تبص للعربيه بس اول ما يفتكروا انها كانت مقلوبه يقولوا لبعض دا عربيه مقلوبه وانا نفسيتي مرتاحه جدا للكلام دا الحمدلله لان بجد قبل الحادث انا مكنتش بحب اركب العربيه بسبب تعليقات الناس الي ما كنتش بتخلص ابسط حاجه ان انا تقريبا من اول الناس الي ركب زينون فى عربيته فى المنطقه ودا موش منظره ولا حاجه دا عشان انا نظري ضعيف والحمدلله بليل مكنتش بششوف حاجه بالمبات الصفرا والزينون ريحني فى السفر والسواقه عموما عشان كدا موش قادر استغني عنه الفكره بقى الجديد اني لما نزلت اشتريت حاجه العربيه كنت اشتريت فوانيس النوبيرا بريميم الي هى استيراد بتبقى لمبتين واحده للنور الواطي بعدسة بروجيكتور والعالي من غير عدسه دلوقتي ركبت فى العدسه زينون وبصراحه فرق كبير الفوانيس الاصلي الزينون فيها كت بحس انا ماشي انور لفسي وللعربيات الماشيه جمبي بس العدسه مركزه الضوء وبيجي فى اخر مداه فارش على الطريق مشاء الله تبارك الله ربنا يكملها علينا بكل خير وصالح لينا وفى النهايه كل شىء قضاء وقدر والحمدلله رب العالمين المهم فى مقوله ان من نسى ماضيه فقد حاضره ومستقبله ومن هذا المنطلق احب احط لينك صور العربيه بعد الحادث وبعد كدا صور ما بعد التصليح والتشطيب .
1.صور ما بعد الحادث
ImageShack Album - 8 images
2.صور ما بعد التصليح والتشطيب :
ImageShack Album - 3 images

اخر حاجه احب اقلها طبعا بعد شكر الجميع على الردود والنصايح والاراء الي استفدت منها جدا فى تجربتي محدش يزعل على حاجه فى الدنيا لاها زائله لا محاله وربنا لما بيعرض انسان لاي موقف او مشكله ربنا سبحانه وتعالى عارف ان الانسان دا يقدر يعديها ويكمل
بسم الله الرحمن الرحيم
{لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ }
وقوله ( لا يكلف الله نفسا إلا وسعها ) أي لا يكلف أحد فوق طاقته وهذا من لطفه تعالى بخلقه ورأفته بهم وإحسانه إليهم.
فالحمدلله على كل شىء والانسان لما بيصبر ربنا بيجازيه خير
ربنا يحفظنا جميعا من شر انفسنا وشر الطريق اللهم امين
كل عام وانتم بخير ورمضان كريم على الجميع اللهم اجعلنا من عتقائك من النار وادخلنا الجنه برحمتك وعفوك عنا ربنا لا تؤخذنا ان نسينا او اخطأنا ربنا ولا تحمل علينا اصرا كما حملته على الذين من قبلنا ربا ولا تحملنا مالا طاقة لنا به واعف عنا واغفر لنا وارحمنا انت مولانا فانصرنا على القوم الكافرين واجعلنا من اهل الجنه اجمعيا واخر دعوانا ان الحمدلله رب العالمين والصلاة والسلام على اشرف المرسلين شفيعنا وسيدنا محمد عليه افضل الصلاة واتم التسليم اللهم هذا الدعاء ومنك الاجابه وهذا الجهد وعليك التكلان اللهم امين امين امين

كل سنه واتم طيبن وبكل صحه وسلامه وسعاده ورضا وكل حاجه حلوه .

اسف على الاطاله
شكرا للجميع