الموضوع: الحمدلله رب العالمين انقلبت بالعربيه

حمد الله على سلامتك. الفلوس تتعوض

السلام عليكم ورحمة الله وبراكاته

اخباركم ايه يا رب يكون الكل بخير

النهرده والحمدلله رب العالمين بدأت رحلة التصليح واول خطوه كان اني اروح بالعربيه لحد السمكري حوالي 12 كيلو وعلى طريق زراعي الساعه 3 العصر وطبعا لازم يطلعلك واحد ولا اتنين يتريقوا على حالة العربيه الي يقلك الله ينور والي يقلك اشطه عليك

والي يقلك ايه الحلاوه دي والي يقلك تمام كدا بس اذا كانوا بشمتوا فا ربنا يسامحهم ما علينا
المهم ابن خالتي هوه الي كان سايق العربيه وربنا يكرمه وصلنا فى اقل من 10 دقايق هههههه كان بيجري شويه

وصلنا للسمكري ودخلنا العربيه الورشه وكانت المفاجأه الاولى

فت واحد عنده قلت انا شفته قبل كدا فين المهم اول ما نزلت كان لمح العربيه جه جري وبصلي قلي انت موش فكرني قلتله بشبه عليك بس فاكر اني شفتك بس فيني انا ناسي قلي انا السروجي الي عملتلك الدواسه وركبتلك الفرش قلت يا سبحان الله انا دماغي كانت هتكلني عشان افتكر ان فته فين زهايمر بقى بس قلي انا هفكلك الفرش ومتقلقش على حاجه وهوه فعلا راجل تمام فى شغله وبتاع ربنا اوي

بس اخدنا السمكري ونزلنا طنطا لفينا فى شارع اسمه سكة المحله فيه تقريبا الاغلبيه العظمى من بتوع الاستيراد وقطم العربيات بس رحنا عند واحد اسمه الحج مصطفى عنده محل اسمه الشناوي راجل محترم جدا وكانت المفجأه التانيه لما رحنا معاه المخزن ما شاء الله دخلنا لفينا لفه تمام ولقينا 2 باب شمال وشنطه نفس لون العربيه بالظبط
وجبنا سقف زيرو بس لونه اسود

و 2 فانوس امامي الي هما مقسمين عدسات زيرو برده كوري

وفانوس خلفي شمال ومرايه شمال
بس وظبطنا اوي فى السعر بس طبعا بعد ما ابن خالتي قلب المخزن كله هههههههههههههه
بس والحمدلله الاسعار كانت اقل ما توقعنا والحمدلله رب العالمين وصلنا الحاجات للسمكري وهيبدأان شاء الله بكره فى الشغل وربنا يكرمنا جميعا

كنت قعدت مع ابن الحاج مصطفى اسمه محمد شاب من دوري وقلي ان السمكري الي معانا من احسن الناس وشغله تمام وبيشتغل فى العربيات الجديده واغلبها المرسيدس و بيمر والعربيات الجديده وفاهم جدا فى شغله فا طمني

يا رب العربيه تطلع تمام ان شاء الله

ودعواتكم

استنوا هبقى اقلكم على اسعار الحاجت الي اشتريناها

وفى انتظار ارائكم وردودكم وشكرا

اللهم احفظنا من شر انفسنا

السلام عليكم ورحمة الله وبراكاته


النهرده رحت للسمكري عشان اشوف عمل ايه فى العربيه انا كنت ودتها ليه اول امبارح بليل واشتربنا الحاجات المطلوبه عشان يبدأشغل فيها


المهم وصلت لقيته شغال جواها والراجل ماشاء الله شغال تمام طبعا انا موش بفهم اوي فى الحاجات دي بس الشكل العام فى تحسن واضح جدا والحمدلله طبعا كان معايا ابن خالتي عشان هوه بيفهم فى القصص دي وكان مبسوط اوي يعني السمكري قلنا هتاخد شغل حوالي 3 اسابيع بس الي احنا شفناه النهرده ان شاء الله موش هتاخد اكتر من 10 ايام لانه موش بيشتغل فى اي عربيه غيرها عنده عربيتين تنين النترا واسكودا وعربيه جيب مركونه تقريبا لسه جياله بس الحمدلله رب العالمين فاضل بس نجيب الرفرف الشمال ورا وتقريبا هندوخ عليه لان محدش بيجيبه لانه غالي سألنا واحد بتاع استيراد قلنا موش عندي بس سعره حوالي الف جند


طبعا ان معرفش سعره كام وهلاقيه فين الله اعلم بكرا هنزل ادور عليه ويارب يكون ارخص من كدا يا رب

لو حد يعرف سعر الرفرف الشمال ورا كام يا ريت يعرفني والله المستعان ويا رب تتم على خير عملية التصليح اللهم امين



دا لينك الصور بعد الحادث بيوم وانا مصورها فى الجراش


ImageShack Album - 8 images






ودا لينك لصور العربيه وانا عند السمكري النهرده

ImageShack Album - 11 images



اسف على الاطاله ومتنسوش الي يعرف يسالي على الرفرف الشمال سعره كام اكون شاكر ليه جدا



اللهم لا تجعل الدنيا اكبر همنا ولا مبلغ علمنا وحفظنا من بين ايدينا ومن خلفنا ومن فوقنا ونوعذ بعظمتك ان نغتال من تحتنا اللهم امين

فى نتظار الردود وشكرا