كيف تضع تكييف البيت فى السياره

**yuyu0000yuyu** · 15-05-2011 10:11 PM

متاااااااااابع ومهتم جدا جدا ال 128 سوناااااااااااااااااااااا اااااااااااااااا

**malibu** · 15-05-2011 10:27 PM

المشاركة الأصلية كتبت بواسطة essamenen

كنت بحب ان اضيف حته صغيره السونا عباره عن هواء ساخن ليس هواء بارد زى مانا عوز اعمل انا مش هحط حاجه تسخن الجو

الهواء البارد حضرتك هتجيبو منين .. لازم ثلج او مياه ساقعه و كل نص ساعه تزود ثلج ؟؟؟؟؟؟؟؟
هتركب موتور تبريد فريون بتاع الثلاجه علشان يبرد المياه ؟؟؟؟؟؟
يعنى معملتش حاجه

من الآخر يا تكييف فريون او مروحه فقط غير كده مفيييييييييش ...

**malibu** · 15-05-2011 11:04 PM

الرطوبه (بخار الماء ) اذا ذادت فى الجو عن 60 % ينتج الاتى
1-لا يشعر الانسان بالراحه
2- يحس الانسان بالاختناق
3- لايتبخر العرق او الاجسام المبلوله او الملابس المنشوره
4- اذاوصلت الى 100% تحدث الشبوره او الضباب
اذا قلت عن ذلك ينتج الاتى
1- يشعر الانسان بعدم الراحه
2- يجف جلد الانسان

@#$%^&*!@$%
علل ؟؟

**malibu** · 15-05-2011 11:15 PM

المشاركة الأصلية كتبت بواسطة essamenen

على فكره انا مهندس تبريد وتكييف
- التكييف العادى (يعمل بالفريون )يعمل على رفع نسبه الرطوبه ولكن ليس كالتكييف المائى لذلك نجد تساقط ماء من الوحده الخارجيه والداخليه
اكمل ولا كفايه كده

تساقط المياه من تكييف الفريون معناه رفع نسبه الرطوبه ولا تقليلها ؟؟؟
معلش علشان مش فاهم بس

**dr.hazem** · 16-05-2011 02:27 AM

المشاركة الأصلية كتبت بواسطة essamenen

كنت بحب ان اضيف حته صغيره السونا عباره عن هواء ساخن ليس هواء بارد زى مانا عوز اعمل انا مش هحط حاجه تسخن الجو

ياباشا انا كنت عايش في السعوديه وعارف التكييف الصحراوي وعايز اقولك انه فعلا بيستخدموه بس مش في جده ولا الدمام اللي هما عالبحر ورطبين خلقه والناس بتشغل التكييف في الشتا بسبب الرطوبه
الناس بتحطه في الرياض اللي نسبة الرطوبه فيها مفيش والجو اساسا التكييفات الفريون بتقف عاجزة امام الحر الفظيع عندهم وبيحتاج يبرد النسمه في البيت ومبيحطوش غير تكييف واحد صحراوي في البيت يخدم عالبيت كله...
ولو كنت بصيت على اي تكييف صحراوي (ولا اعتقد انك شفته في مصر لو كنت شفته) فهوا عباره عن جهاز كبير جدا
مكعب ابعاده عالاقل 75*75*75 سم
يحتوي عللا بلاور كبييييييييييييييييييييييي ييييييير بقوة لا تقل عن اتنين حصان
يحتوي على طرمبة مية
الجدران كلها معموله من القش ومعزوله بالفلين
طرمبة المية بتفضل تقلب المية جوة جسم التكييف والبلاور بيشتغل عشان يدوبك بعد كل التركيب ده يبعتله حبة نسيم مرطب والحقيقه كنا بنطفيه في السعوديه لانه كان للاسف بعد سنه شغل بيولع ويتحرق وتظطر تجيب واحد جديد.....

المشاركة الأصلية كتبت بواسطة malibu

الهواء البارد حضرتك هتجيبو منين .. لازم ثلج او مياه ساقعه و كل نص ساعه تزود ثلج ؟؟؟؟؟؟؟؟
هتركب موتور تبريد فريون بتاع الثلاجه علشان يبرد المياه ؟؟؟؟؟؟
يعنى معملتش حاجه

من الآخر يا تكييف فريون او مروحه فقط غير كده مفيييييييييش ...

انا هموت واعرف هنجيب هوا بارد منين في عز الظهر؟؟؟
مهو مكنش حد غلب يا عزيزي ومن باب اولى كان مصنع السياره (زي الماروتي مثلا) زي مجهزها للتكييف وفيها بلاور كان شافله صرفه ناخد بيها الهوا الرطب

انا هقولك على تجربة تعملها وهتفهم يعني ايه بيت ساونا متحركه

هاتلك زجاجة مية لتر ونص واملاها ميه وحطها في العربية الصبح وغطاها مفتوح

تعال الظهر بقا واركب العربية وشغل البلاور
اولا لو متخنقتش من كمية الرطوبه في العربية قبل اما تشغل البلاور لوحده استحمل بقا كمية الصهد اللي طالع في وشك

مش شايف اي متعه في الموضوع الحقيقه ولا بروده من اساسه

من الآخر

التكييف الصحراوي مينفعش في بلد رطبه
ده حتى اسمه صحراوي!!!!!!

نحاو في حاجه تانيه ان شاء الله

تحياتي

**mahmoudalutec** · 16-05-2011 11:29 AM

بعد التحية و السلام على الاعضاء الكرام
موضوع التكييف ده كان فى بالى ودورت على النت لاقيت طرقتين ممكن يتنفذو بسهولة فى عربيتنا وهما باستخدام الثلج
الطريقة الاولى : مكوناتها ( سربنتينة العربية اللى موجودة اصلا فيها - قطعة خرطوم - طلمبة مناسبة - وعاء بلاستيك معزول "ايس بوكس" مقاس مناسب - مروحة التابلوه)
طبعا المروحة و السربنتينة موجودين فى العربية اصلا يتبقى الوعاء و الخرطوم و الطلمبة
فكرة العمل عبارة عن وعاء معزول حراريا به ماء مثلج وضاف اليه ملح لزيادة التبريد و الحفاظ على الثلج اطول مدة
اسفل الوعاء يركب الخرطوم ثم تركب الطلمبة ثم يركب الخرطوم داخل السربنتية ثم يركب الخرطوم فى الطرف الاخر من السربنتينة ليصب داخل الوعاء وبكده بقى عندنا دورة مياة بارده وسوف يتكثف البخار على السربنتينة لتقوم المروحة بشفطه داخل السيارة

الطريقة الثانية:
المكونات ( ايس يوكس او علبة فل بتعة حفظ السمك اللى عند بياعين السمك - مروحة التابلوه - خرطوم فريكسبل مقاس 2 بوصة)
طريقة العمل
يتم قياس قطر المروحة و عمل فتحة اكبر من قطر المروحة 1 سم فى غطاء الايس بوكس على جانب الغطاء وعمل فتحة للخرطوم الفريكسبل على الجانب الاخر
يتم وضع زجاجات بلاستيكية "زجاجات الحاجة الساقعة " مثلجة داخل الايس بوكس و غلقة تماما
ويتم تشغييل المروحة لدفع الهواء داخل الايس بوكس فيتم تبريد الهواء وخروجه من فتحة الخرطوم الفريكسبل داخل السيارة
ومن الممكن وضع الايس بوكس فى شنطة السيارة وعمل فتحتين خلف الكرسى الخلفى لتثبيت الخرطوم جانب السماعات لتوجيه الى سقف السيارة لتوزيع الهواء و من الممكن عمل خرطومين (يمين و يسار) السماعات لضمان توزيع الهواء داخل السيارة

وانى اميل الى الطريقة الثانية حيث انا عامل فقد الحرارة اقل من الطريقة الاولى
ملحوظة: جارى التجربة على الطريقتين
نوع السيارة 128
و فى انتظار اراكم واسف لعدم تمكنى من ارفاق صور توضيحية

**linkin2008** · 16-05-2011 01:26 PM

المشاركة الأصلية كتبت بواسطة mahmoudalutec

بعد التحية و السلام على الاعضاء الكرام
موضوع التكييف ده كان فى بالى ودورت على النت لاقيت طرقتين ممكن يتنفذو بسهولة فى عربيتنا وهما باستخدام الثلج
الطريقة الاولى : مكوناتها ( سربنتينة العربية اللى موجودة اصلا فيها - قطعة خرطوم - طلمبة مناسبة - وعاء بلاستيك معزول "ايس بوكس" مقاس مناسب - مروحة التابلوه)
طبعا المروحة و السربنتينة موجودين فى العربية اصلا يتبقى الوعاء و الخرطوم و الطلمبة
فكرة العمل عبارة عن وعاء معزول حراريا به ماء مثلج وضاف اليه ملح لزيادة التبريد و الحفاظ على الثلج اطول مدة
اسفل الوعاء يركب الخرطوم ثم تركب الطلمبة ثم يركب الخرطوم داخل السربنتية ثم يركب الخرطوم فى الطرف الاخر من السربنتينة ليصب داخل الوعاء وبكده بقى عندنا دورة مياة بارده وسوف يتكثف البخار على السربنتينة لتقوم المروحة بشفطه داخل السيارة

الطريقة الثانية:
المكونات ( ايس يوكس او علبة فل بتعة حفظ السمك اللى عند بياعين السمك - مروحة التابلوه - خرطوم فريكسبل مقاس 2 بوصة)
طريقة العمل
يتم قياس قطر المروحة و عمل فتحة اكبر من قطر المروحة 1 سم فى غطاء الايس بوكس على جانب الغطاء وعمل فتحة للخرطوم الفريكسبل على الجانب الاخر
يتم وضع زجاجات بلاستيكية "زجاجات الحاجة الساقعة " مثلجة داخل الايس بوكس و غلقة تماما
ويتم تشغييل المروحة لدفع الهواء داخل الايس بوكس فيتم تبريد الهواء وخروجه من فتحة الخرطوم الفريكسبل داخل السيارة
ومن الممكن وضع الايس بوكس فى شنطة السيارة وعمل فتحتين خلف الكرسى الخلفى لتثبيت الخرطوم جانب السماعات لتوجيه الى سقف السيارة لتوزيع الهواء و من الممكن عمل خرطومين (يمين و يسار) السماعات لضمان توزيع الهواء داخل السيارة

وانى اميل الى الطريقة الثانية حيث انا عامل فقد الحرارة اقل من الطريقة الاولى
ملحوظة: جارى التجربة على الطريقتين
نوع السيارة 128
و فى انتظار اراكم واسف لعدم تمكنى من ارفاق صور توضيحية

منتظرينك يا باشا على احر من.... ولا بلاش سيرت الحر اصلا دا احنا بنحاول نلاقى حل

بردو عربيتى 128

**essamenen** · 16-05-2011 02:23 PM

المشاركة الأصلية كتبت بواسطة malibu

الهواء البارد حضرتك هتجيبو منين .. لازم ثلج او مياه ساقعه و كل نص ساعه تزود ثلج ؟؟؟؟؟؟؟؟
هتركب موتور تبريد فريون بتاع الثلاجه علشان يبرد المياه ؟؟؟؟؟؟
يعنى معملتش حاجه

من الآخر يا تكييف فريون او مروحه فقط غير كده مفيييييييييش ...

نظريته التبريد تعتمد على تحول الماده من الحاله السائله الى الحاله الغازيه نتيجه اكتساب حراره فنعمل على تحوله ليسحب حراره
فعندما نغلى الماء على البتوجاز نكسبه حراره
وعندما نجبر الماء على التبخر يتم سحب الحراره من الوسطالمحيط
عندما ترش البرفان من الزجاجه الحاله السائل فيخرج فى حاله بخار فيتم سحب حراره من يدك فتشعر ببروده
السبرتو سائل عندما يتبخر يسحب حراره من الوسط الموجود فيه فتشعر ببروده(يستخدمونه فى تخفيض درجه الحراره )
اصحاب المحلات يرشو ماء امما محلاتهم لكى يتبخر الماء فيتم سحب حراره من الارض فتشعر ببروده
فله الماء ( القله القناوى )تكون بها مسام ليخرج الماء منها فتتبخر فيبرد الماء الموجود بداخلهالانه يتبخر
اصحاب سيارات النقل يضعو خيش ويبلوه بماء حول جركن الماء ويضعوه فى اتجاه الهواء لكى يبرد الماء
تلك الامور السابقه اصحابها يقومون بعملها وهى تعتمد على نظريه التبريد مع انهم لم يدرسوها
انا برضو مبخترعشى نظريه لانها موجوده فعلا
تبريد الفريون يعمل بتلك النظريه مع بعض الاختلاف .
هناك انواع كثيره للتبريد
تبريد الانضغاطى (الفريون )
التبخيرى (الماء )
الامتصاص (الامونيا )زى افلام زمان لما الواحد بيختنق لما يحطوه فى الثلاجه زى فريد شوقى
نظام الكهرباء زى الثلاجات الى بتتحط فى السيارات والمكاتب الصغيره
انا برضو منتظر اى سؤال او نقد او اعتراض

**essamenen** · 16-05-2011 02:55 PM

المشاركة الأصلية كتبت بواسطة malibu

تساقط المياه من تكييف الفريون معناه رفع نسبه الرطوبه ولا تقليلها ؟؟؟
معلش علشان مش فاهم بس

هناك نوعين من
الرطوبه النسبيه relative humidity وهى كميه بخار الماء الموجوده داخل الهواء على كميته عندما تكون اقصى كميه يحملها الهواءمن بخار الماء فعندما تكون نسبه الرطوبه 100 % لا يستطيع الهواء على حمل اى بخار ماء اخر فنجد ان الماء بدا ينزل على الاسطح الناعمه والارض وهى التى تحدد راحه الانسان
تتاثر الرطوبه بتغير درجه الحراره فنجد ان الرطوبه تنزل باليل عند انخفاض درحه الحراره وتنسحب بالنهار عند ارتفاع درجه الحراره
نسبه الرطربه ممكن تكون 100% فى درحه حراره 40 ْ وممكن ايضن 100 % فى درجه صفر
لو جبنا كيس هواء ونفخناه ووضعناه فى الفريزر نجد انه يوجد بعض النقاط والقطرات الثلجيه على جدار الكيس
الثلاجه ليه بتعمل ثلج فى الفريزر منيين جه التلج ده جه من بخار الماء الموجود فى الهواء نتيجه زياده نسبه الرطوبه نتيجه تبريده فيتكثف فى الفريزر
فنجد ان انخفاض درجه الحراره تزيد من نسبه الرطوبه النسبيه الى هى تهمنا والى العداد موجود وبنستعمله
النوع الثانى من الرطوبه هى الرطوبه النوعيه هى كميه بخار الماء الموجوده فى كميه من معينه من الهواء
ارجو ان اكون اوصلت المعلومه ولو اى نقطه مش واضحه انا مستعد للشرح

-

الموضوع: كيف تضع تكييف البيت فى السياره

LinkBack

أدوات الموضوع

عرض

-

-

-

-

-

المواضيع المتشابهه

سؤال بخصوص شحن تكييف البيت

تكييف السياره

تكييف السياره

تكييف البيت

تكييف السياره A5 (برجاء الرد )

الكلمات الدلالية لهذا الموضوع

المفضلات

المفضلات

ضوابط المشاركة