الموضوع: كيف تضع تكييف البيت فى السياره

المشاركة الأصلية كتبت بواسطة hm414

ياباشا انا كنت عايش في السعوديه وعارف التكييف الصحراوي وعايز اقولك انه فعلا بيستخدموه بس مش في جده ولا الدمام اللي هما عالبحر ورطبين خلقه والناس بتشغل التكييف في الشتا بسبب الرطوبه
الناس بتحطه في الرياض اللي نسبة الرطوبه فيها مفيش والجو اساسا التكييفات الفريون بتقف عاجزة امام الحر الفظيع عندهم وبيحتاج يبرد النسمه في البيت ومبيحطوش غير تكييف واحد صحراوي في البيت يخدم عالبيت كله...
ولو كنت بصيت على اي تكييف صحراوي (ولا اعتقد انك شفته في مصر لو كنت شفته) فهوا عباره عن جهاز كبير جدا
مكعب ابعاده عالاقل 75*75*75 سم
يحتوي عللا بلاور كبييييييييييييييييييييييي ييييييير بقوة لا تقل عن اتنين حصان
يحتوي على طرمبة مية
الجدران كلها معموله من القش ومعزوله بالفلين
طرمبة المية بتفضل تقلب المية جوة جسم التكييف والبلاور بيشتغل عشان يدوبك بعد كل التركيب ده يبعتله حبة نسيم مرطب والحقيقه كنا بنطفيه في السعوديه لانه كان للاسف بعد سنه شغل بيولع ويتحرق وتظطر تجيب واحد جديد.....


انا هموت واعرف هنجيب هوا بارد منين في عز الظهر؟؟؟
مهو مكنش حد غلب يا عزيزي ومن باب اولى كان مصنع السياره (زي الماروتي مثلا) زي مجهزها للتكييف وفيها بلاور كان شافله صرفه ناخد بيها الهوا الرطب

انا هقولك على تجربة تعملها وهتفهم يعني ايه بيت ساونا متحركه

هاتلك زجاجة مية لتر ونص واملاها ميه وحطها في العربية الصبح وغطاها مفتوح

تعال الظهر بقا واركب العربية وشغل البلاور
اولا لو متخنقتش من كمية الرطوبه في العربية قبل اما تشغل البلاور لوحده استحمل بقا كمية الصهد اللي طالع في وشك


مش شايف اي متعه في الموضوع الحقيقه ولا بروده من اساسه


من الآخر

التكييف الصحراوي مينفعش في بلد رطبه
ده حتى اسمه صحراوي!!!!!!

نحاو في حاجه تانيه ان شاء الله


تحياتي

اخى العزيز انا من مواليد الرياض سنه 76 وعشت طول عمرى فى السعوديه لحد الثانويه العامه واعرف ايه هو التكييف الصحراوى وفكيته حته حته كان الحرم المكى فبل نظام التكييف المركزى الى بيجى من خارج مكه الان عن طريق انفاق والى بيعتمد على نضام الشليرات الى تعمل بالماء ايضا كانت كلها تكييف صحراوى يعنى اكيد شفته ( والله عرفه )
التكييف الصحراوى كان بيولع لنقص المياه او انقطاعها طول لما فيف ماء مش هيحصله حاجه
انا عاوزك تجرب تجربه وياريت كل الاعضاء يجربو ويقولو رايهم
جيب طرحه او شاشه وبلها بالماء وحطها امام المروحه الى موجوده عندك فى البيت وشغل المروحه وقلى الهواء الى طالع ايه اخباره ( كل واحد يجرب ويقلى رايه )
انا معك ان الرطوبه هتزيد لاكن بعد فتره ممكن ساعتها تفتح الشباك وتقفله تانى
انابرضو بقول مايعلاش عن تكييف الفريون بس فى عربيات الناس الغلابه وبعض العربيات ماينفعش يتركب فيها تكييف فريون ممكن نستعمل التكييف التبخيرى( الماء) نص العما ولا العما كله
وانا معاك فى الى نقد بس بعد ما تجرب الشاشه المبلوله والمروحه

المشاركة الأصلية كتبت بواسطة ofaashash

انا عملت نفس فكرتك بس بطريقه ليس بها مشاكل فى عربية 127
الادوات
1-كويل من مواسير النحاس وريش الومنيوم
2- مروحة التابلوه
3- طرمبة مياه وانت هنا لم تذكر جبتها منين لأنى احترت فى طرمبه 12 فولت الى ان احضرت طرمبة رشاشات المساحات
4- كولمن الخاص بالحفاظ على تبريد المياه وانا وضعت الكولمن فة الشنطة والكويل والمروحة جنب السماعات فى الخلف
6- ضع ثلج فى الكلمن واستمتع بتكييف اصلى مش صحراوى ولا يسحب من البطارية ولا يجهدها

فكره حضرتك جميله ولكن بها بعض المشاكل
1- الكويل والمواسير مش هينفع يمشى فيها غير ماء بارد وليس ثلج والماء البارد هيكون درجه حرارته اعلى من الصفر معدل مرور الماء ودرجه حرارته وسرعه الهواءالمسلطه على الكويل ليست كافيه لتبريد الهواء داخل السياره وتعويض معدل الفقد من النوافذ وغيرها
2- الثلج الموجود فى الكولمن مش هيفضل فتره كبيره
3- لوجبت الكولمن وحطيته بالثلج داخل السياره هيبقى افضل
على فكره
1-الطرمبه انا ذكرت فى المشاركه انها طرمبه المسحات
2-الجهاز لايسحب من البطاريه ولا يجهدها