انا معايا عربية بيجو 305 عملت لها عمرة من شهرين والحمد لله كله تمام المهم كنت بغير بوجيهات وضبط تاكيهات وبعدين مش عارف ايه اللى خلانى ابص على الموبينة لاقيت حاجة غريبة راكبة بالمقلوب اى والله يعنى مكان الكهرباء ال + رايح للكوندنسر والجز ءالارضى ال - هو اللى واصله الكهرباء اه ده رحت اسال الميكانيكى قالى ايه اللى بتقوله ده مينفعش لان لو كده وفتحت كونتكت سلك الكوندنسر هيتحرق ومشط الاسبراتير يضرب قلت للصبى تعالى يابنى بص قالى ايه ده دى صحيح راكبة بالمقلوب جبت الميكانيكى اول ما جه قالى هو انت غيرت مكان الاسلاك قلت ياعم لا مش انت اللى معمر ومركب الموتور من شهرين قالى انت مش فاكر يمكن نوع الموبينة دة معكوس الاطراف قلت ياعم هى بطارية المهم فك السلوك وعكسها ودورت ومشيت وانا مستغرب هى الموبينة ممكن تتعكس وتشتغل ولا ايه اللى حصل معايا ده وهى بوبينة عادية انجليزى