المشاركة الأصلية كتبت بواسطة fepsceasar
طيب انا راضى ذمتكوا واحد بيقول انا سلفى _على فكرة نفسى يقول انا مسلم وبس
طيب ما هو الشيعة بيقولوا احنا مسلمين يبقى ايه اللى يفرقك عنهم والقرآنيين الذين ينكرون السنة بيقولوا احنا مسلمين .. يبقى ايه اللى يفرقك عنهم .. والبهائيين بيقولوا احنا مسلمين .. يبقى ايه اللى يفرقك عنهم .. وفرق كتير بيدعوا الإسلام .. يبقى ايه اللى يفرقك عنهم ... حاجة واحدة بس اللى تفرقك عنهم انك تبقى على نهج السلف الصالح ( يعنى مسلم سلفى وليس بهائى او شيعى او او او .... )
- ويرى انه مع الفرقة الناجية من النار، يعنى الاخرين رايحين النار طيب بالمنطق ده تفتكروا هيقدر يسمع من الاخرين افكارهم طب ازاى ان كان هو اللى هينجوا من النار يبقى اقفل دماغى وانجوا بنفسى، بالطريقة دى هقدر اتفاعل مع الاخرين ولا ابصلهم انهم ضايعين
لو قصدك على الآخرين اللى هما مسلمين ومعتقدين بإن طريق السلف الصالح هو الصح يبقى هما سلفيين بس مش بيطبقوا كل المنهج .. لكن بالنسبة للفرق الأخرى مثل الشيعة والبهائيين والقرآنيين وغيرهم فهم من الفرق الضالة والداخلين فى 72 فرقة من اهل النار .
وكمان افرض عليهم راى فقهى معين، مع ان الفقه فيه خلاف غير مبادئ الشريعة طبعا الخلط كبير بين الاتنين وكل واحد سمع شريط او شيخ او قرا كتاب او حتى صفحة منه وكان بيتكلم عن راى فقهى معين يبقى شايف ان ده الصح وغيره من الاراء غلط. تخيل بقى لو سمعت الراى ده من شيخ بيقولك احنا اللى هننجوا من النار هل هتسمع راى فقهي اخر فى المسالة ولا تنجوا بنفسك مع محتكرى الحقيقة.
.
من قال لك ان السلفيين يفرضون رأيا معينا على الكل ... خد مثال ... الشيخ الألبانى يرى ان النقاب مستحب وليس فرض والشيخ أبى اسحاق الحوينى يرى أنه فرض وكل ملتزم برأيه ولم يفرض الشيخ الألبانى على الشيخ أبى اسحاق رأيه ... بص يا اخى الفاضل فى حاجة اسمها رأى الجمهور يعنى رأى الأغلبية من العلماء المشهود لهم بالعلم هو الرأى المأخوذ به واذا خالف أحد العلماء رأى الجمهور وكان عنده دليل على رأيه فله أن يأخذ بهذا الرأى ولا يلزمه اخذ رأى الجمهور لأنه اجتهد وله اجتهاده ... خد مثال ... شيخ الإسلام بن تيميه افتى بعدم جواز قضاء الصلاة التى تعمد صاحبها إضاعتها ولكنه يكثر من النوافل للتعويض .. والجمهور قال بجواز ذلك وكل له دليله فى المسألة
.
يبقى ايه الحل برضه ابقى مسلم واعمل اللى عليا وما احاولش احكم على الاخرين ولا اصنفهم ولا اصنف نفسي
يا حبيبى التصنيفات دى مش احنا اللى اخترعناها لو قرأت فى كتب السلف هتعرف ان الفرق دى من زمان ووجب علينا ان نحذر من اى فرقة شذت عن نهج الصحابة والتابعين
لان الاسلام دين الجماعة وليس دين الجماعات
بالظبط كده الجماعة اللى هيا ماشية على سنة النبى مش الجماعة اللى ماشيين على مزاجهم