المشاركة الأصلية كتبت بواسطة seiffoz
الحقيقة أنا شايف إن حاليا بقى إسم السلفية مطلق على طريقة معينة أو سلوك مذهبى معين ...
و أنا لست على هذا المنهج .. يعنى انا مش سلفى .. ولا صوفى ... و لا أى حاجة من الكلام ده ..
أنا ماشى كوكتيل ... إللى يعجبنى من كل حتة بعمله .. و إللى مش بقتنع بيه ولا كأنى سمعته ..
بس أنا رأيى حاليا .. و محدش يزعل .. أنا شايف إن السلفية تعنى إن الفكر توقف عن التطور منذ 1400 عام ..
مش شايف غير السلفيين طالعين على المادة التانية من الدستور و البرادعى بنته متجوزة كافر و كاميليا و حرب الكنائس ..
حسيتهم مايهمهش غير جامع و قران و أكل و شرب .. على حبة فلسطين ...
فين بقى التقدم ؟؟؟ فين بقى بقيت الحاجات ؟؟ أنا مش شايف ...
الفكر السلفى بيصور إن الإنسان مخصص للعبادة فقط ... و بيستشهدوا بأيه " و ما خلقت الجن و الإنس إلا ليعبدون " ..
و سايبيين بقيت كل حاجة .. إن دور الإنسان عبادة الله ... عمارة الأرض .. و تزكية النفس ..
و إن كل على حسب عصره بيظبط أموره .. و على حسب الدنيا ماشية إزاى ..
ده غير إن السلفية تعتبر إن الحرية و الديموقراطية شئ باطل .. و هم لا يؤمنوا بالديموقراطية ..
و لا يؤمنوا بالإختلاف خالص .. حتى فى الدين يرفضوا و أحيانا يكفروا كل من يعارضهم ...
و عشام كده مش بيحبوا المسيحيين ....
ده رأيى كله فى الفكر السلفى الحالى ..
أنا عن نفسى بعتبر نفسى ... مسلم علمى ...
أنا خرجت عن الموضوع .. بس أخوكم كان مزنوق فى كلمتين