حساسا الحراره ...ابيزا 98

**Mohamed_hemdan** · 21-04-2008 12:40 AM

--------------------------------------------------------------------------------

السلام عليكم يا شباب ...انا بجد محتاج مساعده من الناس الخبرة اللس في المنتدي الجميل ده.. انا ربنا وفقني و اشتريت ابيزا 98 من حوالي شهر ..لقيت فيها شويت عيوب بسيطة و قات ان شاء الله اظبتها اولها كان عداد البنزين مكنش شغال ...المهم رحت لواحد ابن حلال كهربائي سيارات جنبي .. و بعد الكشف عليها قاللي ان غالبا العيب عندك مش من الطلمبة العيب في العداد .. قولتلوا المهم تعملها .. الحمد لله بعد ساعة من اللعب العشوائي في العداد ... العداد كلة قطع ...مبينطقش ... بعد سلسله من الخنافات و المداولات استقر بيا الحال اني ادور علي عداد استيراد .. المهم جربت 5 عدادات و كلهم شغالين ما عدا البنزين و الحراره (الحرارة دي جديدة) ..فا بجد انا مش عارف اعمل اية ...ناس قالولي حساس الحراره اتحرق ...و ناس مش عارفة العيب منين ... فيا ريت تقولولي اجيب حساسا الحراره ده منين؟؟؟مع العلم انس مشتريها و كان متسقطلها موتور 1400 ... و ايضا اكتشفت ان البنزين طاع ان مفيش عوامه اساسان..... أنجدوني

**dr_3eshoo** · 21-04-2008 01:55 AM

بص خلاصه القول
حضرتك تنزل زي الباشا جسر السويس تنزل عند واحد ابن حلال اسمه محمد سمير ورا حديقه بدر
ترمي الحساس ده و تدفع 120 جنيه تمن الحساس الجديد و خليه يكشف على الحساسات كلها بالجهاز
ثانيا نصيحه من واحد فلوكساوي قديم لو حسيت ان الي قدامك بيفتي مش فاهم او بيقولك هندور و نشوف خد عربيتك و امشي و خصوصا في الحجات الكهرباء لان غلطه بسيطه ممكن تتضيعلك جهاز الكنترول و ده تمنه استيراد 2000 جنيه الله اعلم بالجديد كام
و انا تحت امرك في اي وقت والي يفيدك اكتر الاخ السيتاوي سيات لفر

**Ahmad** · 21-04-2008 01:13 PM

سنسور الحرارة في التوكيل ب 140 جنيه.
ممكن تروح تكشف علي العدادات بالكمبيوتر و لو السنسور هو المشكلة غيره هناك و خلاص. انما لو طلع في حاجة أكبر لا قدر الله, يبقي اكتفي بالكشف بس .
التوكيل أضمن مكان تظبط فيه كهربة العربية.

**shady_elkady** · 21-04-2008 01:51 PM

علشان تقدر تحكم مشكلة العداد او الحساس الحل الوحيد انك تفك فيشة عداد الحرارة و تعمل كوبرى بين طرفى الفيشة و الكونتاكت شغال لو العداد اترفع يبقى العيب فى الحساس و بردة نفس الكلام للبنزين علما بان حساس الحرارة موجود فى الشجرة بتاعة المياة و البزين موجود تحت الكنبية ناحية اليمين مكنش المفروض تلعب فى العداد خالص لان العداد دة اخر حاجة ممكن تفكر فيها و ممكن تلاقى الفيشة بتاعة الحساس هى السبب (كان معايا ابيزا و غيرت حساس الحرارة مرتين فى 7 سنين)

الموضوع: حساسا الحراره ...ابيزا 98

LinkBack

أدوات الموضوع

عرض

-

المواضيع المتشابهه

امكانية تركيب تابلوه ابيزا mk3 على ابيزا 94 !!!

اية يا جماعه انا اتجننت خلاص...هو كله ابيزا ابيزا ...مافيش توليدو خالص

اللى قدامة ابيزا 93 او اقل للبيع (مطلوب ابيزا)

الكلمات الدلالية لهذا الموضوع

المفضلات

المفضلات

ضوابط المشاركة