مشكلة بالبطارية ياريت مساعدة

**yascro** · 15-05-2011 01:51 PM

المشاركة الأصلية كتبت بواسطة tafa17

سؤال تاني ؟
لما النور يكون مطفي بيكون صوت الكلاكس عالي
ولما بشغل الانوار بيكون صوت الكلاكس واطي ؟
فهل ياتري ده عيب بطارية ولا دينامو ؟؟؟؟؟؟ ولا ايه ؟

الكلام ده وانت سايق ولا وانت واقف

**hassan_gost** · 15-05-2011 04:51 PM

انا كان عندى مشكله زى ديه كده تقريبا
و فى الاخررررررررر طلع الاكتفاير
مع العلم انا معايا هوندا 250 cbr

**KHALED2010** · 15-05-2011 04:55 PM

المشاركة الأصلية كتبت بواسطة tafa17

واحدة واحدة عليا يعني ايه بلاطة الشحن ودي فين مكانها ؟
ماتقولش ان دي المربع الظاهر في جنب الموتوسيكل هل هو ده
وكم سعره ؟
وانا حاسس فعلا ان كلامك صح الاستهلاك عالي عن الشحن هو ده فعلا التشخيص السليم !!!!! متابع

بالضبط كده

**tafa17** · 16-05-2011 01:14 AM

المشاركة الأصلية كتبت بواسطة yascro

الكلام ده وانت سايق ولا وانت واقف

الاثنين وانا واقف وانا ماشي
الكلاكس بيضعف لما بشغل النور وصوته بيتخنق

طيب حد يعرف كهربائي كويس يكون قريب من مدينة نصر وبيفهم في الموتوسيكلات ؟

**tafa17** · 16-05-2011 09:29 PM

يا جماعة عايز حل ؟؟؟؟؟

**johnghaly** · 18-05-2011 10:01 AM

طمنى يا تافا على البيك عملتو واتظبت ولا لسه ولو اتعمل قلنا تلع اه وانشاء الله يكون بقى كويس

**tito29** · 18-05-2011 02:53 PM

في الغالب ده عيب مزدوج يعني أعتقد أن الركتفاير به مشكلة و كذلك البطارية ضعيفة
للتأكد من ذلك يجب قياس الشحن أثناء الموتور شغال و النور العالي شغال المفروض تكون القراءة من 12 حتي 14 و لو أقل من كده يبقي فيه مشكلة
بس عادة بيكون الريكتفاير و من النادر أنه يكون الملف
بالنسبة للبطارية من الأفضل شراء يطارية ياباني جافة و ماركة جيدة من نفس السعة الموصي بها من المصنع و أعتقد أنها 14 أمبير بس أتأكد الأول من الورك شوب مانيوال
مع خالص تحياتي

**tafa17** · 18-05-2011 03:47 PM

فعلا يا جماعة العيب طلع من البطارية
وانا اكتشفت كهربائي بايك تحفة بعد العباسية
ولقيت عنده بايكات كتير هوندا
وانتا ماشي في شارع لطفي السيد بعد ميدان العباسية وانتا رايح علي غمرة تعدي مستشفي الدمرداش وبعدين تخش تالت شمال في الشارع الواسع وهاتلاقي الشارع نازل بيك وتفضل ماسك شمال لغاية لما تلاقي سور كنيسة خلي السور علي ايدك الشمال وامش قدام شوية هاتلاقي علي ايدك الشمال محل صغير ده بتاع كهربائي موتوسيكلات وغالبا الراجل ده مشهور
وفك ضفيرة كهربا من عندي وجاب جهاز قاس بيه البايك وهو شغال و بعد كده والنور شغال وندوس بنزين وفي الاخر طلع الموضوع كله الحمد لله سليم فيما عدا البطارية قالي لازم تركب حاجة نضيفة بلاش الصيني ونصحني ببطارية توب لاين تايلاندي عند واحد اسمه شاهين ب حوالي 260 وسألت عليها في مدينة نصر واحد قالي ب 300 والتناي قالي ب 370
ورحت عند تامركو بالليل اللي في جسر السويس ناحية مصر الجديدة وسألت علي بطارية كويسة ولقيت عنده نوع امريكي ب 360 جنيه
فأنا مش عارف دلوقت اجيب التايلاندي ب 260 ولا الامريكي ب 360
والحمد لله ان العيب اتشخص في البطارية مش حاجة تانية
وده درس اتعلمت منه ان الحاجت الهارد وورك محتاحة حاجة نظيفة وغالية ماتكونش صيني ابعد عن الصيني خالص علشان انا اتعذبت في زق البايك وكان شكلي وحش قوي

**tafa17** · 18-05-2011 03:51 PM

المشاركة الأصلية كتبت بواسطة johnghaly

طمنى يا تافا على البيك عملتو واتظبت ولا لسه ولو اتعمل قلنا تلع اه وان شاء الله يكون بقى كويس

يا جو الحمد لله الموضوع طلع بطارية والواحد اكتسب خبرة من مشاكل الموتوسيكل
وأشكرك لأهتمامك
وطمني جبت بايك الاستيد ولا لسه ؟؟؟؟؟؟؟؟؟

**tafa17** · 18-05-2011 03:53 PM

المشاركة الأصلية كتبت بواسطة tito29

في الغالب ده عيب مزدوج يعني أعتقد أن الركتفاير به مشكلة و كذلك البطارية ضعيفة
للتأكد من ذلك يجب قياس الشحن أثناء الموتور شغال و النور العالي شغال المفروض تكون القراءة من 12 حتي 14 و لو أقل من كده يبقي فيه مشكلة
بس عادة بيكون الريكتفاير و من النادر أنه يكون الملف
بالنسبة للبطارية من الأفضل شراء يطارية ياباني جافة و ماركة جيدة من نفس السعة الموصي بها من المصنع و أعتقد أنها 14 أمبير بس أتأكد الأول من الورك شوب مانيوال
مع خالص تحياتي

الله ينور عليك فينك من زمان شكلك كده مش بتخش علي المنتدي كتير مع ملاحظة ان عندك خبرة كويسة وشكرا لأهتمامك وسألت الكهربائي علي الركتفاير او الاوكتفاير قالي تمام كذلك الدينامو وبلاطة الشحن وقالي تمام المشكلة بطارية