هتشتري شنطة الإسعاف والمثلث منين؟

**elpasha009** · 21-04-2008 02:33 AM

طبعا كلنا عارفين إن قانون المرور الجديد بيجبرك على إن يكون في العربية شنطة إسعافات أولية ومثلث عاكس.
طيب مش المفروض نبدأ نشتريهم من دلوقتي بدل ما نفضل لأخر لحظة وأسعارغم تولع زي أيام الحزام كده لما وصل ل300 جنيه ويمكن أكتر:)
حد يعرف بتتباع فين الحاجات ده وبكام؟؟؟

**Hossam.Hamdy** · 21-04-2008 02:39 AM

اه ياريت حد يقول عشان من زمان نفسى اجيب المثلث ده

**ahmedezzat78** · 21-04-2008 03:20 AM

المثلث فى شارع دمشق عند محلات الاكسسوارات او التوفيقية او ما شابه

بس انا اول مرة اسمع موضوع شنطة الاسعافات دى

عموما المحلات امام كليه طب عين شمس و صيدلة القاهرة بتبيع شنط للوازم المعامل للطلبة بمقاسات مختلفة

انا جبت من عندهم اكبر مقاس و عامله شنطة عده :(:(:(

**elpasha009** · 21-04-2008 03:32 AM

(انا جبت من عندهم اكبر مقاس و عامله شنطة عده )

أستاذ أحمد أنت قصدك شنطة إسعافات أوليه فيها الأدوات بتاعة الإسعافات ولا شنطة فاضية؟؟؟:)أنا قصدي شنطة فيها أدوات إسعافات أولية يعني شوية مايكروكروم على شوية قطن على مش عارف إيه والكلام الفارغ ده:)
هو طبعا كلام فارغ لأن مش هتلاقي حد بيعرف يعمل إسعافات أولية مع إنها للأسف مهمة جداااااااااااااااااااا وليها فضل كبير في حياة المصاب.وأنا للأسف من الناس اللي مش بتعرف في الموضوع ده.

**eng_mkhalaf** · 21-04-2008 09:49 AM

أية يا جماعة الموضوع دة - هو فعلا القانون الجديد قال كدة ومن امتى هيطبق - دة أنا طلعت فى غيبوبة خالص

**Akram** · 21-04-2008 10:21 AM

الحزام ولّع لما أصبح إلزامي ,
يبقى فعلاً لازم نتحرك من دلوقتي و نجيب الحاجات دي ,
بالنسبة للمثلث انا فعلاً عايز أجيبه من فترة لأني شايف انه مهم خاصة لو حصل مكروه لا قدر الله و في مكان ضيق أو سريع ,
بالنسبة للشنطة ممكن نجيب أي شنطة و لو جلد و نجيب المستلزمات من أي صيدلية , يعني مش لازم تكون جاهزة من مكان معين ,

انا متهيألي لازم يكون فيها : ميكروكروم , مطهر للجروح ، قطن ، شاش ، لازق طبي (للشاش) , لازق للجروح ، مقص صغير ,
بالإضافة لدواء في حالة وجود تسمم أو مغص ,

يا ريت أخواننا الدكاترة يفيدونا في الموضوع ده و يقولولنا على المحتويات المفروض نجيبها في الشنطة.