انهي احسن هوندا سيفيك ولا جيتا

**body** · 19-05-2011 01:53 AM

انا كنت محتار زيك بالظبط الحمد لله جبت جيتا هاى لاين خليجى زيرو بقالها معايا اسبوع عربية محترمة تستحق اكتر من سعرها ثباااااااات مايتحكيش عليه وهمى العربية بتقولك اجرى اثبت

**salahlaw** · 19-05-2011 04:21 PM

ممكن تقولي الخليجي جابتها من فين وعامله كام وليه ضمان في مصر جوه ولا بره التوكيل.

وشكرا

**ahmzd** · 20-05-2011 03:49 AM

إخواني أرجو ألا يتضايق أحد من كلامي فلقد تعودنا في هذا المنتدى الجميل - بذاته وأعضائه - أن الاختلاف في الرأي لا يفسد للود قضية..
لا أعتقد أنني سأدفع في السيفيك - التي هي ياباني - 158000 لأقل فئة لمجرد الاستمتاع بلوحة قيادة شكلها جميل وجديد..
لقد استأجرت سيفيك 2006 في السعودية عندما كنت هناك في 2008 وبالرغم من أنها هناك محركها 1800 سي سي وليس 1600 كالذي هنا في مصر إلا أنني لم أستمتع بقيادتها.. لماذا؟ لأن ناقل الحركة بها - وعلى الرغم من أنه 5 سرعات أوتوماتيكية على حد علمي - إلا أنه عادي تماما تحس معه بكل النقلات!! صحيح أن النقلات ناعمة كعادة الياباني لكن ما الفائدة؟! إنني أستمتع بقيادة سيارتي البومة 2006 لأني بسبب فتيسها ال cvt لا أحس بنقل السرعة نهائي!!
صحيح قوة محرك الهوندا ونعومته لا تقارن لكن ناقل الحركة - من وجهة نظري - هام جدا للاستمتاع بالقيادة.. أما بالنسبة للوحة القيادة الجميلة والمبتكرة فالواحد يتعود عليها مع الوقت ويحس أنها عادية وانبهاره بها يتناقص مع الوقت.. لا أريد أن يعتقد أحد أنني أقلل من شأن الهوندا التي هي أكثر سيارة ياباني أحترمها.. إلا أني لا أفهم كيف أن السيارات اليابانية - عموما - والهوندا - خصوصا - أصبح التطوير فيها بطيئا جدا لهذه الدرجة حتى رأينا السيارات الكورية - عل الأقل على مستوى سوقنا المحلي - تفوقت عليها في الانتشار والتصميمات والكماليات وخاصة مع أسعارها التي هي أقل من الياباني بكثيييييييييييييير!!
الجيتا لم أركبها ولم أقدها ولا أعرف عنها شيئا ولكني أحترم الألماني جدا وخصوصا مع اقتراب أسعار الفولكس بالذات من الياباني على كثرة كماليات الفولكس.. آسف جدا على الإطالة.. وشكرا

**JapRuleZ** · 20-05-2011 04:24 AM

فى حد يشترى عربية و يأتمنها على اطفاله made in mexico
و يسيب made in japan
فاهم يعنى ايه الكلمة دى ؟؟؟
معاش اصل انا Quality control و ادارة انتاج

عجائب الزمن يا مصريين !!!!
الالمانى ده وهم و انتهى....اصدى المكسيكى

تقارير جودة 2011 lexus افضل من porsche
http://carscoop.blogspot.com/2011/03...11-top-jd.html

http://carscoop.blogspot.com/2011/05...orld-most.html

**ghazy12** · 20-05-2011 02:35 PM

اسمحولي اعلق على بعض المشاركات مع تصحيح بعض المعلومات بعد اذن الجميع...

أولا: السيفيك مش اوطى من الجيتا... بل العكس... الجيتا هي اللي اوطى من السيفيك

السيفيك ارتفاعها 15 سم... الجيتا ارتفاعها 14 سم... لكن قاعدة عجلات السيفيك 2700 مم
و هو ده تحديداً السبب اللي بيخلي معظم الناس يحسوا ان السيفيك اوطى خصوصاً مع المطبات

ثانياً: الجيتا مش (Made In Mexico) لكن (Assembled In Mexico) و هناك فرق...
يعني مكونات ألمانيه 100%, لكن بتتجمع في المكسيك و ده بسبب ان تكلفة العماله في المكسيك اقل
بكتييير من ألمانيا, و نفس الوضع في الصين... و في شركات كتيييير عامله كده مش بس فولكس,
زي مرسيدس اللي بتجمع عربياتها في مصر, لكن اكيد كل مكوناتها ألمانيه من مرسيدس + اداره و مراقبة جوده
من ألمانيا بردو... يعني مافيش اي مشكله... اكيد في فرق بين اللي بتتصنع و بتتجمع في ألمانيا
و بين اللي بتتجمع في مصر, فرق تقفيل مش اكتر, لكن الأساس واااااااااحد, و نفس الكلام الجيتا...

بشكل عام و من وجهة نظري الشخصيه لو هنقارن جيتا هاي لاين بـ سيفيك هاي لاين VTI...

- موتور: السيفيك اقوى
- جيربوكس: الجيتا أفضل
- قاعدة العجلات: السيفيك أفضل
- مساحه داخليه: الاثنين يعتبروا ديقيين, الــ Leg Space في الجيتا افضل, الـ Width في الكنبه الخلفيه في السيفيك افضل
- شكل داخلي و خارجي: اذواق
- ثبات: الاثنين ممتازين (قد تكون السيفيك اثبت نسبياً بسبب الـVSA و قاعدة العجلات)
- عفشه: الجيتا افضل
- راحة ركوب: الجيتا أفضل
- خامات و جوده: الجيتا تتفوق و بفرق واضح جدااا في النقطه دي تحديداً
- كماليات: الجيتا افضل

بشكل شخصي لو انا اللي هشتري و هختار بينهم, هجيب جيتا هاي لاين او اوكتافيا فانتازيا هاي لاين...

تحيــاتي...

**amr_2010** · 20-05-2011 10:12 PM

بشكل عام الجيتا أفضل
الجيتا تقفيل و خامات و ركوبة احسن
السيفيك احسن فى التسارع
فى رايى الجيتا تكسب

**Mahmode** · 25-05-2011 06:53 PM

هوندا

**moro14** · 26-05-2011 05:13 AM

Geeeta of course

**ahmzd** · 28-05-2011 01:27 AM

أستاذ غازي مشاركاتك كلها قيمة ومفيدة أتابعها عن كثب وباهتمام بالغ.. جزاك الله خيرا.

**Ahmed.Fahmy** · 28-05-2011 06:33 AM

المشاركة الأصلية كتبت بواسطة SYD

مجهود رائع
بس اعتقد حضرتك بالغت شوية في بعض الحاجات
يعني بالنسبة لموضوع العزل في الياباني مش للدرجادي

بص يا باشا انا بتكلم فى موضوع نسبى اكيد جدا الاوروبى عزل اقوى بكتييييييييير من اليابانى شوف الباب وزنه ايه فى العربيتين

وقطع غيار الجيتا مش بالرخص الي حضرتك صورته دة

قطع الغيار مش رخيصة لكن ارخص من الهوندا ومعمرة اكتر

وبالنسبة للتعديلات فالفولكس اصل لتعديلات والتسقيط والمواتير والجنوط و اساسا مش محتاجة اي تعديلات هي منها فيها عتب وجنوط وعدسات وزينون وممكن تطلبها اسبيشيال وتجيلك تربو تشارجر جي تي اي 2400 170 حصان

انا بتكلم على اللى موجود فى مصر محدش هيشترى عربية واول ما يركبها هيسقط موتور انا قصدى بودى كيت و اكسسوار الهوندا اكتر بكتير

والهوندا مش ضعيفة وغير معمرة لهذه الصورة وتعالي شوف الهوندا 83 و 78 عاملة ايه

الهوندا كانت زمان اقوى من دلوقتى شوف واحدة سيفيك بقالها 4 سنين بدون اهتمام وجيتا وانت تعرف انا بتكلم على ايه

وبعدين اعتقد الكماليات مش واحدة ولا حاجة فولكس منزلة شوية انظمة ثبات وتحكم اعتقد اعلي من الهوندا
بصراحة احلي منظر ممكن تشوفه في حياتك لو بصيت علي عدادات الهوندا من خلال الدريكسيون الي مش شكل دائري وهما قسمينه بشكل جميل اوي عشان مايعملش تشتيت للنظر اثناء القيادة

العدادات دى مش مقياس والكماليات هى تلاجة، زينون، فتحة سقف، جنوط، كاسيت، سينسورز...... اللى انت بتتكلم عليه دا Safety للركاب مش كماليات

انا معاك ان الهوندا اعلي كماليات وتكنولوجيا في العربيات الياباني
بس بصراحة الجيتا لا يمكن تنزل في مقارنة مع الياباني كله

طبعا

الياباني تكنولوجيا غير عادية في التوفير والالكترونيات بس المواتير والثبات والجري المانيا طبعا طبعا طبعا
والله المستعان

الثبات يا باشا فى مطبات الهوا (اللى هو فى كل شوارع مصر) بيتحكم فيه الوزن يعنى الجيتا تكسب بكتييييييييييير...
،
،