لا حول ولا قوة إلا بالله
لييه كده .. أيه اللي حاصلك .. واضح إنها عين
عرض للطباعة
Niceeeeeeeeee
ههههههههههههههههههه
فعلا كلامك مقنع ورائع جدا يا استاذ " محمد علاء " بس كان فيه نقط ضحكتني :d
هو مش غرور اد ماهو حب انى اكسر على الماشى جنبى بس طبعا بحرفنة مش تنحة(بس لا الكارو
ولا الميكروباص) انا عارف ان هى حاجة مش ظريفة لكن والله انا ركنت العربية اسبوع علشان
ابطالها الحمد الله بطلتها بس بدات ارجعلها تانى ده حتى لو حد شد معايا بسيبوا ومرداش اشد معه
بس لو قبلته بعد كده فى حتة زحمة بطلع عينه ;)
بس اوعدكوا هحاول ابطلها نهائيا :)
فيه مبدأ مهم جداااا بامشى بيه فى الحياه وهو (بص للى تحت منك وماتبصش للى فوقك) والرسول عليه افضل الصلاه والسلام كان قال المعنى ده فى حديث شريف بس انا مش فاكر نصه بصراحه دلوقتى
يعنى دايما فكر فى الناس اللى انتا ربنا فضلك عليهم وادالك عربيه ايا كانت نوعها وممكن يكون فيهم ناس اقرب الى الله منك وفى مرتبه اعلى من مراتب الايمان بس هوا فضلك عليهم لحكمته وتقديره وماتبص خالص للى اعلى منك فى الفلوس او الجاه علشان ماتملاش قلبك بالحسد والحقد وماتنساش فضل ربنا سبحانه وتعالى عليك
الواحد بيكون خايف على العربية لتتخبط ........ مش غرور
أعتقد إن ده برده يعتبر شعور بالغرور الذي يتملك الشخصيه في لحظه معينه
ليييييييييييييييييييييييي ييييييه
إنت ماشي في امان الله .. لقيت واحد بيشد جانبك وقاعد ياخد في غرز يمين شمال يمين شمال .... إنت ربنا أكرمك بنعمة الهدوء والقدره على التفكير المنطقي وقدرت تتمالك نفسك وماخليتشي الشعور ده يتملكك
فجأه وبقدرة قادر .. تلاقي الأنا الداخليه اللي موجوده في كل إنسان بتقله ( هو إنت هاتسيبه يشد جانبك كده وياخد غرز قدامك وإنت ساكت وماتعملشي حاجه ... هو إنت فاكر عربيتك أقل منه ولا إيه.. يابني شد معاه ومتخلهوش ياخد في نفسه قلم كده ويفتكر نفسه ياما هنا ياما هناك ) والموضوع ده بيزيد لو جانبك واحد صحبك بقى وبيسخنك او مجموعة صحاب ( ده بقى المشكله الكبرى ) لأنك لو قدرت إنك تتمالك نفسك لوحدك هاتلاقي الصحاب بيعكسوا الموضوع ده بقوه والفاصل في الموضوع ده هو قوة الأراده والتفكير الصحيح
وهب تلاقي الأنا الداخليه طلعت على سطح الشخصيه وغلفتها تمام وفي اللحظه ده هاتحس بإحساس الغرور طلع فجأه وهايزيد لو حصل وشديت معاه وطلعت أحسن منه .. وقتها الإحساس ده هايتعاظم ويكبر
للأسف الشديد في بعض الأحيان بتبقى نهاية الموضوع ده أليمه لو حصل حادثه لا قدر الله
علشان كده الواحد لازم ولا بد يتمالك نفسه جامد ويركز أوي مع الأنا الداخليه بتاعته ومايخلهاش تغلبه أبدا
وذي ما قلت قبل كده .. الغرور ده بيشعر بيه كل إنسان .. بس الشطاره إنك تغلبه مش العكس:)
يارب تبطلها خالص .. بجد ده احسن وأامن ليك وللي راكب معاك
:( rabena yb3d 3anna el gorour ya rab.sorry ana dakhla men el mobil we mesh fih arabic
الله ينور عليك
هو ده الكلام الصح
بس على فكره .. لازم الإنسان برده يبص للي تحت منه وللي فوقيه
اللي تحت منه ... هايخليه يحس من جواه بالنعم اللي ربنا أنعمها عليه وفضله عن غيره
اللي فوق منه ... هايخليه يتحفز إنه يعمل بجد وبإخلاص علشان ربنا يكرمه ويحققله اللي نفسه فيه .. لأن أي إنسان بيبقى عنده طموح واهداف عايز يحققها ودائما يتمنى من الله أن يحقق له طموحاته واهدافه ( بس من غير حسد او حقد ) لأن الإنسان ده هايبقى عايز يحقق ذاته مش يتمنى للي فوقيه إنه يبقى زيه وأقل منه .. لأن لو حصل كده .. إحساس الغرور هايتملكه بشده ولن يستطيع التغلب عليه
قوة إيمان الإنسان وقوة إيرادته وتفكيره المنطقي هما اللي يقدروا يخلوه يبتعد عن هذا الشعور ويتغلب عليه في كل مره يحاول إنه يتقرب منه