يانهارك أبيض... من الموبايل :eek::eek::eek:
الحمد لله إنك مابتحلميش بالمنتدى وإنت نايمه :p:D
يارب يا نهى يارب
عرض للطباعة
على فكره الخوف ملهوش دعوه بالغرور لا من قريب ولا من بعيد
وعلى فكره برده .. العربيه ممكن تتخبط عادي خالص وهيه واقفه تحت العماره .... الغرور بقى هايجي إزاي هنا.. هايخبط على الباب :D:D:D
وعلى التخبيط.. الواحد دلوقتي بيسوق وهدفه الأول والأخير إنه يروح للمكان اللي عايز يروحه سليم معافى والعربيه سليمه برده
ده انا متهيألي إن من مبادئ تعليم السواقه في مصر " كيف تتفادى الغير "
وفي إمتحانات السواقه المرور يأجرله كام ميكروباص على كام نقل وشوية عربيات ركبها ناس ماتعرفشي تسوق ويحطوا الممتحن الغلبان في عربيه صغيره جو ساحة قتال عربيات ( ذي اللي بنشوفها في الأفلام:D) ويقولوله
لو قدرة تصمد لمده ساعة زمن هاتاخد الرخصه علطول وفوري.. وهب تلاقي الجرس ضرب وبدأ الطحن على ودنه
وبخ بقى ياباشا .... يبقى يقابلني لو طلع رخصه في مصر او طلع سليم من ساحة الموت ده.... :D:D:D
انا الصراحه لما سوقت لاول مره لواحدى حسيت بالغرور
بس غصب عنى كنت راكب Bmw525
وكان فى طلبه من الازهر ماشيين قعدوا يبصوا على العربيه و يندهوا لاصحابهم يشوفونى
او يشوفوا العربيه بس يا خساره اتباعت
وتقرفه لييييييييه بس .. هو عملك حاجه
ما إنت ممكن ربنا يبعتلك واحد يقرفك برده:).. داين تدان.. وعلى فكره الطريق وقف عليك وعليه
ليه بقى نقعد نقرف في بعض.. ما هو الواحد قرفان خلقه من الطريق .. يجي واحد يقرفني ويكسر عليا.. هي مناكفه وخلاص:D:D
لو كل واحد قعد يقرف في اللي ماشي جانبه في الشارع .. هاتلاقي الناس كلها مش طايقه بعضيها
على العموم المحاوله ذات نفسها إنجاز عظيم وتعتبر بداية التغلب على الأنا الداخليه :D:D شد حيلك وتغلب عليها بقوه وربنا يكرمك يا باشا:)
الغرور لازم يصيب البني ادم مننا من حين لاخر ..حتي لو ماشي في الحر و مش معاك عربية و ركبت الاتوبيس المستكيف و انت واقف في الاشارة ييجي الاتوبيس العادي يقف جنبك .. و تبص للناس تلاقيها بتبظ من الشبابيك و الابواب .... ساعتها بتلاقي نفسك ركبك عفريت العظمة .. و اتجعصت في الكرسي .. و انت و لا أي حاجة ..
و ممكن اقل واحد من الناس المدلدلة من الاتوبيس يكون عند ربنا احسن مني الف مرة
********
بالنسبة لغرور العربيات ..
حاليا مش معايا عربية .. لكن بركب كتير .. و كلها حديثة و لله الحمد ..ساعات و الله و انا خارج الصبح اقوم امر عمدا علي محطة الاتوبيس اللي جنب البيت .. يمكن الاقي حد اعرفه يكون في طريقي ..
************
مكان الشغل عندنا ليه 3 بوابات .. و المساحات بالداخل شاسعة و مترامية الاطراف .. لذلك تلاقي اوقات كتير موظفين داخلين و رايحين مكان بعيد جوه .. يقفوا يشاوروا لأي عربية داخلة .. هما دول اللي بحط عيني عليهم لما بيكون معايا عربية .. و الحمد لله بلاقيهم دايما .. و اللي عايز ياخد ثواب يقوللي و أقوله علي المكان :)
*********
و حاقولكوا علي حاجة حلوة جدا .. من فترة والدي كان نازل رايح مشوار الصبح ( و هو راجل مسن )و اتمشي لحد المحطة ووقف عليها و استني .. لقي واحد جه سلم عليه .. و قالوا سلام عليكم .. ازيك يا حاج .. انا فلان الفلاني بصلي مع حضرتك في المسجد .. و كان معاه عربية ماتريكس .. و اخد الوالد و صله مشواره .. و كمان قعد معاه لغاية ما خلص .. و رجعه تاني :)
الشاهد : اسع في الخير و انتظر الاجر من الله .. مش في الاخرة بس .. لا .. ربنا كريم جداجدا .. و اجرك ان شاء الله دنيا و اخره
*********
لكن مع ذلك .. يظل الشيطان شغال و مبيهمدش ..ربنا يعيذنا جميعا من شروره .. و يمن علينا بالرضا و القناعة وحب الناس .