برجاء رأيكم فى اختيار العربيه

**DarkMagician** · 18-05-2011 07:23 PM

لو حتدخل في الكيا شوف السول احسنلك
سكودا فابيا جميلة وعندك اوبل كورسا اعلى فئة ب 130 الف
لو عاوز نيسان ربنا يكرمك بتيدا جديدة يا اما تزود حبة وتجيب السيلفي ماشاء الله عليها وربنا يرزقك باحسن الخيارات

**graffittiii** · 18-05-2011 07:54 PM

بس أنت كده يباشا مع أحترامي ليك هتدوخ نفسك ..
أنت مش محدد أولويات العربية ليك ايه .. وكمان حاطط حجات هتشباك مع سيدان وبكده هتحتار كتير ..

**MMMKASEM** · 19-05-2011 09:13 AM

يا جماعه الف شكر على الردود كلها بجد ربنا يخليكوا و انتوا اكتر من الاخوات
على فكره انا مش محدد اولويات العربيه من حيث الشكل لكن اهم حاجه يكون توكيلها كويس و سمعته كويسه و خصوصا فى اسكندريه عشان انا عايش هناك و قطع غيارها متوفره و تكون عربيه بتسحب و مشاكلها قليله
اما سيدان او هاتش باك مش فارقه قوى مع انى بحب الهاتش باك بس الاولويه للحاجات اللى قلت عليها ( التوكيل - قطع الغيار- السحب - الخدمه)
انا مش عايز ادخل فى موضوع مستعمل عشان كده مستبعد اى عربيه مستعمله ايا كانت
و يا ريت يا جماعه اللى جري اوبل كورسا او فابيا او سول يكتبلى تعليقاته على التلاته لانى جربت التيدا هنا و كنت عايز اعرف التلاته التانين نظامهم ايه

**samoreception** · 19-05-2011 09:23 AM

بص انا هقول لحضرتك على نصيحة وفعلا مش هتندم عليها ان شاء الله هات سكودا اوكتافيا a5 وبجد عمرك ما هتندم ابدا ان شاء الله عربية راااااااااااااااااااااااا اااااااائعة فى كل حاجةوعلى فكرة انا فى دبى ومعايا كرولا جديدة يابانى وانا المالك الاول وفضلت انى اشترى اوكتافيا عنها