الموضوع: برجاء رأيكم فى اختيار العربيه

أنا معايا الفابيا الجديدة و هي أكثر من رائعة، ثبات خرافي، متانة ، شكل جميل ,واااسعة جدا من جوة و كفايا إنها سكودا ... و لكن أنا معايا المانيوال عشان كدة عايز أبيعها و أجيب الأوتوماتيك بتاعها .
و أي إستفسار عن العربية دي أنا تحت أمرك .

أنا معايا الفابيا الجديدو و هي بصراحة تحفة ، ثبات عالي جدا، شكل جامد (في رأيي)، متانة و واااسعة جدا من جوة و كفاية إنها سكودا .
أنا معايا المانيوال و عايز أبيعها و أجيب الأوتوماتيك بتاعها .
و أي إستفسار عن العربية دي أنا تحت امرك .

يا جماعه واللهى انتوا اكتر من الاخوات واللهى عايز اشكركم واحد واحد على وقتكو وانكو بتنصحوا لوجه الله
طبعا انا بحب اليابانى و كانت معايا هنا تيدا اول عربيه ركبتها فى حياتى و كانت تحفه بس كنت جايب اول موديل فيها هاتش باك 2007 وطبعا كانت ممتازه بس كان عيبها الفرامل و كان ده بشهادة التوكيل هنا فى قطر بس هما راعوا ده فى المويلات بعد كده و ضافوا absو ظبطوا الفرامل
انا شفت الهوندا سيتى و هيا طبعا تحفه و كله بيشكر فيها بس اللى مخوفنى منها هوا قطع غيارها اللى بيقولوا نار فى مصر و توكيلها سمعت انه وحش بس ده طبعا كلام سمعته ف مش متأكد منه و خايف لو جبتها البس طبعا وانتوا عارفين السواقه فى مصر ازاى
اما الفابيا ف ان كنت بموت فيها من اول ماشوفتها فى معرض سكودا هنا وكان عاجبنى فيها امكانياتها و انها من جوا الموتور والتجهيزات فولكس فاجن بس هيا اصغر من التيدا شويه
انا مش بدافع عن التيدا انا اصلا محتار و عايز اعرف و ياريت الاخ اللى كاتب عن الفابيا يشرحلى مميزاتها و عيوبها من وجهة نظره و خصوصا انه استخدمها يعنى هيكون اقدر منى على المعرفه و يا ريت من غير ما ازود انه بس يقولى اخبار التوكيل بتاعها ايه و قطع الغيار و الصيانه
اما موضوع ان التيدا بقت مش يابانى ف هيا حتى هنا فى قطر و الخليج مش يابانى دلوقتى و تجميع مكسيكى عشان سعرها كان عالى اوى بمقارنتها باللى فى نفس فئتها عشان كده جابوا منها المكسيكى هنا كمان عشان ترجع للمنافسه
الف شكر بجد على اراءكوا و اتمنى برده نتواصل و نشوف رأى الاغلبيه ايه

انا شخصيا افضل تيدا هاتش باك هي شكلها مش اوي من بره بس تقفيلها جميل جدا و خاصه من الداخل