فيرنا vs بروتون ساجا ؟؟

**mememsaid** · 19-05-2011 08:29 PM

المشاركة الأصلية كتبت بواسطة memo13

الحمد لله طمنتى انى مش لوحدى

طب اخبار الساجا اية يعنى مشاكلها معاك فى ملاحظات عليها ولا لا وقطع غيارها غالية ولا فى المعقول كده يعنى معلش اصلى حاسس انى اعمى وبدور على حد يدلنى

العربيه الحمد لله عربيه ممتازه وانا ارشحلك الاوتوماتيك ولك حق الاختيار
مشكلتها الوحيده بالنسبه لي وبكل امانه هي استهلاك البنزين بس لو بصتلها بنظره تانيه هتلاقي ان انت مش راكب عربيه 1300 لا انت راكب عربيه 1600 في ادائها وكفائتها وايضا في استهلاكها
اما بقي في قطع الغيار انت قلقان ليه انت عندك ضمان 3 سنوات مش هتعمل فيه حاجه غير الصيانات الدوريه زيها زي اي عربيه تكلفتها زيها زي اي عربيه
هتقولي المستهلاكات
هقولك اهم حاجه فيها تيل الفرامل ومتقلش منه تيل الافيو بيركب عليها وب90 جنيه وده نتيجه بحث وتجربه زميلنا صلاح حكيم

**M_SALLAM** · 19-05-2011 08:54 PM

المشاركة الأصلية كتبت بواسطة mememsaid

اعتقد المقارنه بالشكل الجديد ده محتاجه اعاده نظر

مع احترام لكلام حضرتك و للعربية و لكل ملاكها الى ان اللوجان افضل من الساجا فى التقفيل الحق يتقال و كان فى عضو فى المنتدى عامل مقارنة بالصور و اللوجان تفوقت
ثانيا: حضرتك بتقول الساجان تشد مع الفيرنا اما اللوجان متقدرش !!
انا اول مرة اسمع الكلمة دى بصراحة , المعروف عن اللوجان انها بتجيب 180 بسهولة تامة , انا واحد من الناس قفلت بيها الأمبير و لو عاوزنى اعرضلك الفيديو هعرضهولك والله ( اللوجان اسد على الطريق يا باشا )
انا جبت باللوجان 100 على التالت و 150 على الرابع و 180 على الخامس , قفلت بيها الأمبير و الحمد لله ...
اللوجان تشد مع الأوكتافيا و السيراتو و الصنى مش مع الفيرنا , المعروف عن الفيرنا انها بعد 120 بتعوم و محدش بيعرف يتحكم فيها ..
و انا ركبت الساجا مع واحد صاحبى و بكل امانة احب اقول لحضرتك ان اللوجان ناعمة اثناء قيادتها من الساجا ..
اما بخصوص التوكيل فهو سىء السمعة و غير محترم بالمرة و الكلام دة عن تجربة مع واحد صاحبى معرفش دلوقتلى اتعدل ولا لأ الصراحة ..
اعتقد ان بكدة المقارنة مش محتاجة اعادة نظر ولا اى حاجة ..
و مش معنى كلامى دة انا الساجا وحشة , بالعكس يا باشا الساجا محترمة و افضل من الفيرنا و الانوس و ربنا يباركلك فيها و يكفيك شرها .

**eng.m7md.ali** · 20-05-2011 04:14 PM

المشاركة الأصلية كتبت بواسطة m_sallam

مع احترام لكلام حضرتك و للعربية و لكل ملاكها الى ان اللوجان افضل من الساجا فى التقفيل الحق يتقال و كان فى عضو فى المنتدى عامل مقارنة بالصور و اللوجان تفوقت
ثانيا: حضرتك بتقول الساجان تشد مع الفيرنا اما اللوجان متقدرش !!
انا اول مرة اسمع الكلمة دى بصراحة , المعروف عن اللوجان انها بتجيب 180 بسهولة تامة , انا واحد من الناس قفلت بيها الأمبير و لو عاوزنى اعرضلك الفيديو هعرضهولك والله ( اللوجان اسد على الطريق يا باشا )
انا جبت باللوجان 100 على التالت و 150 على الرابع و 180 على الخامس , قفلت بيها الأمبير و الحمد لله ...
اللوجان تشد مع الأوكتافيا و السيراتو و الصنى مش مع الفيرنا , المعروف عن الفيرنا انها بعد 120 بتعوم و محدش بيعرف يتحكم فيها ..
و انا ركبت الساجا مع واحد صاحبى و بكل امانة احب اقول لحضرتك ان اللوجان ناعمة اثناء قيادتها من الساجا ..
اما بخصوص التوكيل فهو سىء السمعة و غير محترم بالمرة و الكلام دة عن تجربة مع واحد صاحبى معرفش دلوقتلى اتعدل ولا لأ الصراحة ..
اعتقد ان بكدة المقارنة مش محتاجة اعادة نظر ولا اى حاجة ..
و مش معنى كلامى دة انا الساجا وحشة , بالعكس يا باشا الساجا محترمة و افضل من الفيرنا و الانوس و ربنا يباركلك فيها و يكفيك شرها .

كلام حضرتك يدل ان الساجا فعلا عربية لعبة واللوجان بتجري مع فيراري

على فكرة الفيرنا اللي مش عجبة حضرتك دي بتطلع من اوكتافيا وسيراتو وصني بس مفهاش ثبات كويس زيهم

**M_SALLAM** · 21-05-2011 04:04 PM

المشاركة الأصلية كتبت بواسطة felix

كلام حضرتك يدل ان الساجا فعلا عربية لعبة واللوجان بتجري مع فيراري

على فكرة الفيرنا اللي مش عجبة حضرتك دي بتطلع من اوكتافيا وسيراتو وصني بس مفهاش ثبات كويس زيهم

يا باشا الساجا عربية محترمة و انا مقولتش كلمة وحشة فى حقها انا بقول عيوبها الشااااااااائعة و المعروفة ..
و انا برضه مقولتش ان الفيرنا مش عجبانى بالعكس يكفى ان قطع غيارها عند البقال ...
اما اللوجان سحبها رهيب و ثباتها راااااااااائع باس مش لدرجة انها تشد مع فرارى .....

**ashouhdy** · 21-05-2011 04:24 PM

المشاركة الأصلية كتبت بواسطة m_sallam

المعروف عن الفيرنا انها بعد 120 بتعوم و محدش بيعرف يتحكم فيها ..

محدش مين يعنى ؟؟!

**ashouhdy** · 22-05-2011 03:38 PM

فى ناس عشان اشترت حاجة لازم تقنع نفسها انها احسن حاجة وان اختيارهم كان سليم 100% ولا يشوبة الخطأ ولأ عايزة الناس كلها تشترى نفس الحاجة عشان من جواها يزيد اقتناعهم بيها ويستريحوا نفسيا ودول تلاقى كلامهم غير مقنع و مبالغ فية بدرجة عنيفة ودايما يحتوى على اخطاء علمية وعملية لأنة يشوبة العاطفة وليس العقل ...

**mxz911** · 22-05-2011 04:27 PM

بصراحه انا كان معاى عربيه لوجان ف فتره هيه بتاعت واحد صحبى بس كانت معاى على طول والعربيه جامده جدا وحلوه فى مصر جدا ارتفاعها العالى ده يقيها من شر مطبات مصر ووسعها الداخلى اقل ما يقال عنه رهيب !!! وموتور لذيذ بس الدبرياش بتاع اللوجان هو اللى غريب شويه بحسه لزج جدا

بالنسبه للفيرنا واللانوس هما يعتبروا ال 128 الحديثه ف مصر .. من ناحيه تانيه العربيتين رقم 1 فى قطع الغيار المتوفره بسعر حلو ,, صيانه سهله . اى ميكانيكى او كهربائى يشتغل فيهم .. مش لازم تروح ا لتوكيل ويخيطك ف السعر من الاخر

بالنسبه للشد وبكل أمانه الفيرنا دى تخيط اى عربيه فى الشد ف السرعات الاولى وممكن غايت 100 - 120 بعد كده هتبقى ف البالالاه .. بصراحه عليها طلعه فظيعه !!

انا قلت بكل أمانه مع العلم انى لا املك دى او دى لكنى سقت ا لاتنين فتره مش قليله وانا كلامى على المانيوال و ليس اوتوماتيك