فيرنا vs بروتون ساجا ؟؟

**memo13** · 15-05-2011 05:55 PM

والله محتار حيره مايعم بيها الا ربنا انا عيز اجيب حاجة فى نفس الرينج ده يعنى حوالى 70000 افيدونى افادكم الله

**ayman1204** · 16-05-2011 02:38 PM

لو اتوماتيك يبقى ساجا
حرام حد يدفع 75 الف جنية فى فيرنا اتوماتيك
لو عاوز مانيول
اللوجان واتوكل على الله

**alaasaid** · 16-05-2011 03:53 PM

المشاركة الأصلية كتبت بواسطة ayman1204

لو اتوماتيك يبقى ساجا
حرام حد يدفع 75 الف جنية فى فيرنا اتوماتيك
لو عاوز مانيول
اللوجان واتوكل على الله

نفس الرأى

**ZOTYE** · 16-05-2011 06:38 PM

الساجا عربية محترمة و افضل من الفيرنا بمراااااااااااحل باس انا شايف ان اللوجان افضل من الساجا

**M_SALLAM** · 16-05-2011 07:28 PM

لوجان افضل كعربية , كسحب ,قوة ماتور , ابشنز ,توكيل و مركز خدمة , اعتمادية , اقتصادية , عالية , قوية , تكيفها ثلاجهة , ثباتها راااااائع على السرعات العالية , اوسع , شنطة ينام فيها فيل , اسم عريق , المواد الداخلية للصالون و التابلوه محترمة و شيك , عالية عن الأرض , عفشة مريحة جداااا , فرامل قوية , صاج قوى , كلاسيكية , شبابية , عائلية , شيك ....

**ashouhdy** · 16-05-2011 08:24 PM

طبعا الفيرنا ! ومتنساش تسأل على اسعار قطع غيار اللوجان عشان ترييح بالك

**memo13** · 16-05-2011 08:39 PM

انا متشكر جدا لكل الناس اللى اهتمت
المشكلة ان كل عربية فيها ميزه وفيها عيب واضح ان الرينج ده لازم يخلى الواحد يستغنى عن حاجات عشان خاطر حاجات على حسب احتياج الشخص نفسة
فى بس استفسار بالنسبة للوجان بصراحة انا سمعت من اكتر من حد ان الموتور بتاعها خشن شوية وبيبقى فى زنة فى دواسة البنزين هل ده صحيح ولا لأ........ تحياتى لجميع اصدقائى

**amazingahmed** · 16-05-2011 09:54 PM

أنا كنت مكانك بالضبط. محتار بين فيرنا أوتو و ساجا أوتو. سألت الناس كلها و قريت المواضيع كلها المتعلقة بالفيرنا و الساجا على كل المنتديات. و في الآخر صليت استخارة و الساجا هي اللي كان فيها النصيب و الصراحة أنا مش ندمان أبدا على الاختيار ده.
لكن لازم تعرف 3 حاجات:
1- مفيش حاجة مفيهاش عيوب
2- مش هتاخد كل حاجة. لازم تفكر هتقدر تتنازل عن إيه و متقدرش تضحي بإيه
3- انت شاري حاجة في الرخيص. يعني مش مرسيدس ولا بي إم

أنا الساجا بعد ما ركبتها مبقيتش عاوز أنزل منها و بزعل لما المشوار يخلص
و مع احترامي لكل الفيرناوية أنا منبسطش خالص و أنا راكب الفيرنا. و على العموم دي أذواق.

على العموم زي ما الأستاذ سيد قالك. اختر اللي قلبك يستريحله.

**ashouhdy** · 16-05-2011 10:24 PM

شوف عشان اكون ريحت ضميرى وحقول على اللى افهم فية و اوى كمان :)))

الفيرنا الاوتوماتيك افضل فتيس اوتوماتيك اتجرب بلا اعطال عن تجربة فى عربية موديل 2004 الى الان

مشكلة الفيرنا الوحيدة: عدم الاتزان على السرعات العالية (اوى) يعنى 140 وطالع .... حلها جنوط 15 وكاوتش محترم مقاس 195 50 15

بكدة انت غطيت عيبها واخدت كل مميزاتها

-

الموضوع: فيرنا vs بروتون ساجا ؟؟

LinkBack

أدوات الموضوع

عرض

-

-

-

-

المواضيع المتشابهه

اشترى اية ؟؟ ( هيونداى i10 فيرنا لوجان بروتون ساجا byd )

بروتون ساجا ولا i10

بروتون ساجا

بروتون ساجا

بروتون ساجا

الكلمات الدلالية لهذا الموضوع

المفضلات

المفضلات

ضوابط المشاركة