والله محتار حيره مايعم بيها الا ربنا انا عيز اجيب حاجة فى نفس الرينج ده يعنى حوالى 70000 افيدونى افادكم الله:11:
عرض للطباعة
والله محتار حيره مايعم بيها الا ربنا انا عيز اجيب حاجة فى نفس الرينج ده يعنى حوالى 70000 افيدونى افادكم الله:11:
لو اتوماتيك يبقى ساجا
حرام حد يدفع 75 الف جنية فى فيرنا اتوماتيك
لو عاوز مانيول
اللوجان واتوكل على الله
الساجا عربية محترمة و افضل من الفيرنا بمراااااااااااحل باس انا شايف ان اللوجان افضل من الساجا
لوجان افضل كعربية , كسحب ,قوة ماتور , ابشنز ,توكيل و مركز خدمة , اعتمادية , اقتصادية , عالية , قوية , تكيفها ثلاجهة , ثباتها راااااائع على السرعات العالية , اوسع , شنطة ينام فيها فيل , اسم عريق , المواد الداخلية للصالون و التابلوه محترمة و شيك , عالية عن الأرض , عفشة مريحة جداااا , فرامل قوية , صاج قوى , كلاسيكية , شبابية , عائلية , شيك ....
طبعا الفيرنا ! ومتنساش تسأل على اسعار قطع غيار اللوجان عشان ترييح بالك
بص انا مش ها اتعب قلبك معايا !!!
مش عشان ادور على قطع غيار وسعر اعادة بيع في التلاجة !! مدام قلبك مرتاح لحاجة تفكرش في غيرها !!!!
فتيس الفيرنا الأوتو انا معرفش عنه حاجة ومقدش اقول اني عارف عنه حاجة ولكن الناس كلها عارفة فتيس بروتون ايه ونظامه ايه !! والعربية كانت خلصانة الأوتو منها اصلا من 10 2010 !!! فحضرتك الموضوع كله راجع ليك ونصيحتي ليك خد لفة في قسم بروتون وقسم هيونداي ها تتوضح معاك الأمور
انا متشكر جدا لكل الناس اللى اهتمت:16:
المشكلة ان كل عربية فيها ميزه وفيها عيب واضح ان الرينج ده لازم يخلى الواحد يستغنى عن حاجات عشان خاطر حاجات على حسب احتياج الشخص نفسة
فى بس استفسار بالنسبة للوجان بصراحة انا سمعت من اكتر من حد ان الموتور بتاعها خشن شوية وبيبقى فى زنة فى دواسة البنزين هل ده صحيح ولا لأ........ تحياتى لجميع اصدقائى
أنا كنت مكانك بالضبط. محتار بين فيرنا أوتو و ساجا أوتو. سألت الناس كلها و قريت المواضيع كلها المتعلقة بالفيرنا و الساجا على كل المنتديات. و في الآخر صليت استخارة و الساجا هي اللي كان فيها النصيب و الصراحة أنا مش ندمان أبدا على الاختيار ده.
لكن لازم تعرف 3 حاجات:
1- مفيش حاجة مفيهاش عيوب
2- مش هتاخد كل حاجة. لازم تفكر هتقدر تتنازل عن إيه و متقدرش تضحي بإيه
3- انت شاري حاجة في الرخيص. يعني مش مرسيدس ولا بي إم
أنا الساجا بعد ما ركبتها مبقيتش عاوز أنزل منها و بزعل لما المشوار يخلص :crying2:
و مع احترامي لكل الفيرناوية أنا منبسطش خالص و أنا راكب الفيرنا. و على العموم دي أذواق.
على العموم زي ما الأستاذ سيد قالك. اختر اللي قلبك يستريحله.
شوف عشان اكون ريحت ضميرى وحقول على اللى افهم فية و اوى كمان :)))
الفيرنا الاوتوماتيك افضل فتيس اوتوماتيك اتجرب بلا اعطال عن تجربة فى عربية موديل 2004 الى الان
مشكلة الفيرنا الوحيدة: عدم الاتزان على السرعات العالية (اوى) يعنى 140 وطالع .... حلها جنوط 15 وكاوتش محترم مقاس 195 50 15
بكدة انت غطيت عيبها واخدت كل مميزاتها
بص يا باشا
لازم تدور على حاجة تقدر تصرف عليها(قطع غيارها متوفرة , و سهل تلاقى ميكانيكى يشتغل فيها)
والله لو امكانياتك انك تجيب البروتون ربنا يباركلك فيها و لو هتجيب الفيرنا كمان ربنا يباركلك فيها
وأهم حاجة صلاة الاستخارة
والله انتو ناس محترمين فعلا انا فعلا مبسوط جدا من ارائكو اللى اكيد للصالح العام سواء ليا او اى حد تانى عنده نفس الحيره اللى انا فيها دى فعلا لا خاب من استشار وان شاء الله ربن يهدينى للى فية الخير ....آمين
على الرغم ان معى فيرنا بس انا زهقت من شكلها غير يا عم وتوكل على الله وجيب لوجان او ساجا او ام11 اسبرانزا او بريليانس
انا اقدر اقولك ان الحيره ديه مش اول واحد يقع فيها وانا منهم واستقريت علي الساجا ولو رجع بي الزمن تاني كنت هختار الساجا بردو بس ده لو كنت بتتكلم علي المانيوال
اما بقي لو بتتكلم علي الاوتوماتيك (وانصحك بيها جدا) يبقبي الاختيار محسوم للساجا عشان مافيش عربيه اوتوماتيك في الفئه السعريه ديه او حتي اعلي منها بشويه ودخلت الساجا معاها الا والساجا كسبت المقارنه
انا اقدر اقولك اني كنت بقارن الساجا بالاكسنت قبل ما اشتريها والساجا كسبت في الفلوس والاوبشن والثبات مقابل الاكسنت في الانتشار
استخير ربنا وتوكل علي الله
انا اول مرة اسمع الكلمة دى بالعكس موتور اللوجان ناعم هو نفسه موتور الميجان1 .....
و بعدين الدليل على ان اللوجان عربية محترمة انها انتشرت الأنتشار الرهيب و اكتسحت السوق خلال سنتين فقط و بعدين رينو مش هتنزل عربية غير و هى واثقة انها تحقق نجاح و متبوظش سمعتها و بالفعل العربية محققة نجاح باهر و الحمد لله و كل الناس بتشكر فيها بفضل الله تعالى ثم التوكيل المحترم للغاية ....
الساجا عربية محترمة باس الناس كلها بتقول ان توكيلها زبااااااالة و نصابين و موتورها ضعيف شوية و المواد الداخلية للصالون و التابلوه كويسة باس اللوجان افضل منها بمراحل و صاجها ضعيف الى حد ما و مش محققة نجاح زى اللوجان و بالتالى لسة منزلهاش قطع غيار مبنش ايه مميزاتها و ايه عيوبها و بالتالى سعر اعادة بيعها غير متزن باس فى النهاية تدرب الفيرنا بستين جاااااااااازمة ....
اما الفيرنا صاج ورق و ضعيف بشكل لا يذكر , قريبة جدااااا من الأرض , التكيف بيأثر على العربية و بيخليها تسحب بنزين , مواد داخلية و صالون زبالة و بيتبهدل بسرعة , خفيفة جدااااا , بعد 100 كم بتعوم و فرملها بتضعف و بتدبدب و مش هاتعرف تتحكم فيها و كمان تقفيل الفيرنا زبالة ......
اعتقد ان المقارنة بقة بين اللوجان و الساجا ....
اتفرج على كل عربية و شوف كلام الناس عليها ايه و ادخل على قسم اللوجان و شوف الناس بتشكر فيها ازاى و متنساش ان اللوجان فرنساوى تقفيل مصنع رينو ( صوماكا) فى الدار البيضاء بالمغرب , اما الساجا تقفيل ماليزى و صناعة ماليزى !!
و ربنا يوفقك و مع خااااااااالص تحياتى
أكيد طبعا الساجا وده عن تجربة في عربيات اصحابي و سفر وسرعات وشد. الفيرنا بعد ال 120 بتبقي بتتهز والتحكم صعب. الفيرنا غير متزنة تماما. انما الساجا عربية محترمة جدا. والتوكيل اللي فيه مشاكل بتاع العجوزة انما بتاع ابو رواش فوق الممتاز وفيه موضوع هنا في الموقع لو قبلتك اي مشكلة بتكلم المهندس المشكول وبتتحل معاك بسرعة. والساجا بقي ثبات ممتاز وعلي السرعات العالية والمحرك بتاعها ممتاز علي وزنها لانه 1300 بس غير الفيرنا 1500 و 1600 علي وزن خفيف. انا جبت بالساجا علي الدائري 165 والفرامل بتاعتها مش abs بس ممتازة بصراحة وعمرها ما عملت مشاكل لانها عربيت صديقي في السكن وبسوقها كتير. انا بصراحة بحب العربية قوي فممكن اكون عشان كده متحيز شوية بس انا بحب استعملها لانها موفرة في البنزين اكتر حتي من الكورولا اللي معايا. اتوكل علي الله انشاء الله وهات الساجا وربنا يبركلك فيها.
اخر تعقيب: اللوجان مجربيتهاش عشان احكم عليها بس باسمع عنها كلام كويس بس شكل الساجا احلي بكتير. بس نصيحة جرب الاتنين قبل ما تحكم بنفسك واللي ترتحله اختاره لانه اهم حاجة الراحة النفسية لانك لو مش مرتاح نفسيا اي حاجة هتضيقك من العربية. بس انا بأيد الناس المقارنة بين الساجا واللوجان.
طب وقطع غيار الساجا اخبارها اية يعنى فى المعقول ولا اية؟؟
اللوجان فرنساوى تقفيل مصنع رينو ( صوماكا ) بالدار البيضاء بالمغرب , اما الساجا ماليزى تقفيل ماليزى يعنى انا شايف ان التقفيل و الصناعة من حق اللوجان
من حيث الأنتشار اللوجان تكسب بمراااااااااحل لأنها اكتسحت السوق خلال سنتين فقط
من حيث التوكيل اللوجان تكسب لأن اللوجان توكيلها محترم للغاية
من حيث نعومة العفشة اللوجان تكسب لأن اللوجان عفشتها ريشة و الكل اجمع على كدة
من حيث الموتور اللوجان تكسب لأن موتور اللوجان 1600 اما الساجا 1300 خصوصا كمان لما تشغل التكيف فى الساجا اكيد هيأثر على الموتور جامد
من حيث الوسع و الشنطة اللوجان تتفوق بمراحل مساحة شنطة اللوجان رهيبة 510 لتر ما شاء الله
من حيث التسارع اللوجان تتفوق من 0 - 100 خلال 11.5 ثانية اما الساجا 15 ثانية ...
الثبات من صالح اللوجان انا جبت بيها 170 و كانت ثابتة بشكل راااااااائع
سعر اعادة البيع و انتشار قطع الغيار من حق اللوجان
المواد الداخلية للصالون و التابلوه من حق اللوجان
الصاج من حق اللوجان و الأبشنز برضه لأن اللوجان فيها اير باج و كمبيوتر رحلات
من حيث مستوى الأمان اللوجان افضل السيارة حاصلة على 3 نجوم من 5 نجوم فى اختبار السلامة الأوروبى ....
فى النهاية المقارنة بقت من صالح اللوجان يعنى توكل على الله و هات لوجان و خليك فى المضمون احسن
مع احترامي لملاك اللوجان
ايه جاب اللوجان في الموضوع يا جماعة؟؟؟ الراجل قال فيرنا ولا ساجا
على فكرة ملحوظة عايز اقولها
موتور الساجا اقوى من اللوجان والدليل ان الساجا بتطلع من الجين2 هل معنى كدة ان الجين2 وحشة؟؟معنى كدة برده ان الساجا مش بتجيب 100 في 15 ثانية (الساجا 94 حصان لكن اللوجان 90 حصان كامة واحدة)موتور قديم التكنولوجيا لكن الساجا تكنولوجيا حديثة
الثبات :طبعا الملاك من تجاربهم اثبتو انها متقلش حاجة عن الجين2 المعروفة بالثبات بس برده عايز افهم ايه مفهوم الثبات عند الناس؟؟ هل في طريق مستقيم ولا مناورات ولا ايه بالظبط
قطع الغيار:ارخص من اللوجان
بالنسبة لتقفيل اللوجان معروف ان اللوجان بتتقفل في المغرب يعني ملهاش علاقة اصلا بفرنسا لانها مش رينو
الاوبشانز :الاتنين زي بعض وزيادة للساجا
اختبارات الامان : ال2 واخدين 3 نجوم
طبعا الانتشار ده بسبب الاعلانات (رينو بتعمل اعلانات لكن بروتون مبتعملش )
هو كل اللى فى الموضوع ان احنا حبينا نضيف للراجل صاحب الموضوع عربية افضل و بقة محور حديث الناس اليومين دول و اكتسحت السوق بفضل الله تعالى و الناس كلها شكرت فيها بفضل الله ثم التوكيل المحترم .....
ثانيا: اللوجان 1600 سى سى 95 حصان اما الساجا 130 سى سى 90 حصان يعنى لما تشغل التكيف هتلاقى العربية شحرت منك ...
ثالثا: كمليات اللوجان زيادة عن الساجا لأن اللوجان فيها اير باج و كمبيوتر رحلات اما الساجا لا يوجد بها
رابعا: مينفعش نقارن بين رينو و بروتون انت لو قلت الكلام دة لواحد خواجة هيضحك عليك و هيقولك ايه البروتون دى اساسا
خامسا: اللوجان متشرة اكثر من الساجا بمراحل و قطع غيارها متوفرة عن الساجا اما الساجا قطع غيارها غالية و فى قطع غيار مش متوفرة فى التوكيل اساسا
سادسا: شوف المقارنة بتاعة الأستاذ m_sallam و انت هتعرف ان اللوجان افضل من الساجا بمراحل
سابعا: يكفينى فخرا و شرفا ان لما حد يسألنى راكب ايه افوله رينو مش بروتون ..
هو كل اللى فى الموضوع ان احنا حبينا نضيف للراجل صاحب الموضوع عربية افضل و بقة محور حديث الناس اليومين دول و اكتسحت السوق بفضل الله تعالى و الناس كلها شكرت فيها بفضل الله ثم التوكيل المحترم .....
ثانيا: اللوجان 1600 سى سى 95 حصان اما الساجا 130 سى سى 90 حصان يعنى لما تشغل التكيف هتلاقى العربية شحرت منك ...
بص حضرتك مرة كمان على النت هتعرف ان اللوجان 90 حصان والساجا 94 حصان
ثالثا: كمليات اللوجان زيادة عن الساجا لأن اللوجان فيها اير باج و كمبيوتر رحلات اما الساجا لا يوجد بها
[COLOR="rgb(65, 105, 225)"]الساجا فيها كل حاجة وفيها ايرباج وسنسور وايموبلايزر والحاجات دي كلها [/COLOR]
رابعا: مينفعش نقارن بين رينو و بروتون انت لو قلت الكلام دة لواحد خواجة هيضحك عليك و هيقولك ايه البروتون دى اساسا
[COLOR="rgb(65, 105, 225)"]لما تبقى رينو الاول يبقى فعلا مينفعش نقارنها بالبروتون بس دي مش رينو دي داتشيا الرومانيا وبتتصنع في المغرب يعني ملهاش اي علاقة بالرينو[/COLOR]
خامسا: اللوجان متشرة اكثر من الساجا بمراحل و قطع غيارها متوفرة عن الساجا اما الساجا قطع غيارها غالية و فى قطع غيار مش متوفرة فى التوكيل اساسا
[COLOR="rgb(65, 105, 225)"]بعد التدقيق في قطع الغيار والمقارنة بينهم اتضح ان قطع غيار الساجا ارخص من اللوجان بس طبعا عارفين ان انتشار اللوجان من كتر الاعلانات اللي بتتعمل
[/COLOR]سادسا: شوف المقارنة بتاعة الأستاذ m_sallam و انت هتعرف ان اللوجان افضل من الساجا بمراحل
[COLOR="rgb(65, 105, 225)"] ايه هيا المراحل؟؟؟ منكرش ان اللوجان انعم في السواقة
[/COLOR]سابعا: يكفينى فخرا و شرفا ان لما حد يسألنى راكب ايه افوله رينو مش بروتون ..
[COLOR="rgb(65, 105, 225)"]ربنا يباركلك فيها ويكفيك شرها[/COLOR]
يا استاذى الفاضل شركة رينو اشترت دشيا فى عالم 1987 تقريبا
اما اللوجان بتزل اسمها رينو فى مصر و اوروبا و المغرب اما فى الهند اسمها ماهيندرا لوجان و فى امريكا الجنوبية اسمها نيسان ابريو ...
و على فكرة اللوجان تقفيل مصنع رينو ( صوماكا ) فى الدار البيضاء بالمغرب بمعنى انها تقفيل ايدى فرنسية على ارض المغرب .....
و بعدين حتى لو اللوجان 1/4 حصان المهم انها اسد على الطريق و سحبها فوق الممتاز و ناعمة ...
و بعدين اللوجان متعملهاش اعلان غير فى بداية نزولها مصر زى الفيرنا و الماتريكس و الألنترا و العربيات دى ...
و بعدين اللى بيشترى مش مغفل اللى بيشترى واعى و بيروح يتفرج على العربيتين و يسأل عنها و بعد كدة بيختار اللوجان و الحمد لله ...
حاول باس تركب اللوجان و تسوققها و تتفرج عليها و انت هتغير فكرتك عنها و ممكن تبيع الساجا و تجيب لوجان ....
هى كدة دى طبيعة البشر كل واحد معاه قطة فكرها جمل و مفكر عربيته احسن عربية فى الدنيا و منزلش زيها مع ان فى عربيات تدرب عربيته بستين جازمة
ياسيدي انا معايا واجا الحمد لله يعني مبقارنش الواجا باللوجان
وبعدين انا قريبي معاه العربية دي وركبتها كتير وسقتها برده كذة مرة ولقيتها عادية يعني مفيش متعة في سواقتها زي مالناس بتقول
واسأله على الثبات ولا التسارع يقولي ثبات ايه اللي بتتكلم عليه والتسارع بالتكييف زي الزفت
يعني مبقولش حاجة من عندي او من غير تجربة بس طبعا الميزة اللي عجبتني انها ملهاش صوت موتور وعربية ناعمة ومريحة
وربنا يباركلك فيها ويكفيك شرها ويديك خيرها
بس مكنش فيه داعي لاخر جملة حضرتك قولتها
والله يا فيلكس كتير خيرك على دي جملة قلتها انا كان ناقص اسمع انه اللوجان دي فعلا بتطير !!!!!!!!!!!اقتباس:
مع احترامي لملاك اللوجان
ايه جاب اللوجان في الموضوع يا جماعة؟؟؟ الراجل قال فيرنا ولا ساجا
على فكرة ملحوظة عايز اقولها
موتور الساجا اقوى من اللوجان والدليل ان الساجا بتطلع من الجين2 هل معنى كدة ان الجين2 وحشة؟؟معنى كدة برده ان الساجا مش بتجيب 100 في 15 ثانية (الساجا 94 حصان لكن اللوجان 90 حصان كامة واحدة)موتور قديم التكنولوجيا لكن الساجا تكنولوجيا حديثة
الثبات :طبعا الملاك من تجاربهم اثبتو انها متقلش حاجة عن الجين2 المعروفة بالثبات بس برده عايز افهم ايه مفهوم الثبات عند الناس؟؟ هل في طريق مستقيم ولا مناورات ولا ايه بالظبط
قطع الغيار:ارخص من اللوجان
بالنسبة لتقفيل اللوجان معروف ان اللوجان بتتقفل في المغرب يعني ملهاش علاقة اصلا بفرنسا لانها مش رينو
الاوبشانز :الاتنين زي بعض وزيادة للساجا
اختبارات الامان : ال2 واخدين 3 نجوم
طبعا الانتشار ده بسبب الاعلانات (رينو بتعمل اعلانات لكن بروتون مبتعملش )
ده على كده اللوجان دي على اللي قريته متتقارنش مع ساجا من اساسوا تتقارن بقى مع s500 amg وتكون مطلوبة خصيصا عشان نقدر نوصلها لمستوى المقارنة العالمي :d :d
رحم الله امرء عرف قدر نفسه !!
وفيه كلمة انا ماسك نفسي من الأول مش عارف ارد عليه و اقول ايه
يبدو والله اعلم انه الأخ الزميل محتاج يا استاذ فيلكس الفيديو بتاع العملية التصنيعية في مصانع بروتون اللي مش بيتدخل فيها الأيدي العاملة نهائيا والتجميع للأجزاء الرئيسية والتقفيل معظمه بيتم على ايدي روبوتس يعني نسبة الخطأ اكيد معروفة الأكيوريسي واصلة لحد كام %اقتباس:
متنساش ان اللوجان فرنساوى تقفيل مصنع رينو ( صوماكا) فى الدار البيضاء بالمغرب , اما الساجا تقفيل ماليزى و صناعة ماليزى !!
+ ايه لزمة علامة التعجب على اه صناعة ماليزية هوة احنا لحد دلوقتي سمعنا عن عيوب في الصناعة الماليزية لم تصل الى حد علمنا زي فتيس بيعمل مصايب ولا ولا ولا ولا الحمد لله على كل شئ !!!!!
وتحياتي لك يا فيلكس بجد بجد انتا جبت من الأخر !!
حتى من حيث المقارنة المقارنة بدلاءل علمية واضحة فعلا :d :d :d :dاقتباس:
من حيث الموتور اللوجان تكسب لأن موتور اللوجان 1600 اما الساجا 1300
عشان دي 1300 يبقى غلبانة وعلى قدها :d :d :d
يارب :d :d
فيه فرق حضرتك لهورس باور لويت بالانس لسينتربوشن فورس عند الرمي للخلف في اير ريزيستنس وانا كمان بقول لحضرتك ماشي برضوا موتور الساجا الـ 1300 اللي بتقنية كامبرو من شركة من اعرق شركات سيارات السباق في العالم تعبان وعلى قده :d :d
اخي العزيز ringoo
اسمح لي يا اخي الفاضل ان ارفع لك القبعة على حوارك الأكثر من ممتاز والمقارنة العملية فعلا !!!
فعلا حضرتك جبت من الأخـــــــــــــــــــــ ـــــــــــــــــــــر كلام بمنطق وعقلانية بدون تعصب وكلنا بنحب عربياتنا وعارفين احنا بنتلك في فئة سعرية بكام :D :D
فالحمد لله اللذي رزقنا ايها ..
بارك الله فيك !!
اولا: انا بشكر كل اصدقائى اللى شاركو فى الموضوع ده واسمحولى انى اقول اصدقائى عشان انا حاسس بكده فعلا
ثانيا : انا فعلا بستفيد من ارائكو جدا
ثالثا : انا ملاحظ ان كل الناس اللى راكبة لوجان فى تحيز واضح جدا منها وده انا مش عارف سببة بصراحة يعنى بمعنى اصح مش طاقين اى حد يقول كلمة عنها وحشة مع انه اكيد فيها عيوب ومميزات بس للاسف هما مش عايزين اى حد يجيب سيره العيوب خالص وده انا مش عارف سببة بصراحة
رابعا : الفيرنا - الوجان - الساجا كل واحده من العربيات دى ليها عيوب ومميزات بس بصراحة مشكلة الوجان معايا ان شكلها مش عاجبنى خالص ومش معنى كده انها وحشة بس ده رأى شخصى بحت يعنى مايقللش من قيمة العربية (عشان الوجانية مايزعلوش :Copy of m-s5:)
خامسا : اسف للاطالة ..... تحياتى لجميع اصدقائى:B4_611:
انا اسف كل الأسف على الأنفعال الزائد عن اللزوم يا جماعة و البروتون مش عربية وحشة بالعكس والله انا بحبها و قلت انها افضل من الفيرنا و الانوس بمراحل .
و كلام حضرتكم صحيح كل عربية ليها مميزاتها و عيوبها هى كل عيوب اللوجان ان قطع غيارها غالية لكن معمرة و متوفرة فى التوكيل و بدا ينزلها قطع غيار خارج التوكيل و على فكرة قطع غيار اللوجان مش غالية للدرجة لأنها فرنساوى اصلى و عليها ضمان لمدة عام و من قلب التوكيل نفسه .
فى النهاية انا مش عاوز حد يزعل منى احنا كلنا بنكمل بعض و بنستفيد من اراء بعض ....