اين عصام شرف ؟ و لماذا يسكت على البلطجة العلنى امام ماسبيرو

**heshamzaky** · 16-05-2011 11:17 AM

أعتقد أن الى قال اسرائيل نسى حاجة صغيرة مش عارف مدى صحتها بس الى اعرفة ان المسيحين مش بيحبو اليهود منذ قديم الازل يبقى دة بيقول أية و الله مش فاهم هل قالها زلة لسان أو على سبيل انة مش طايق البلد فسيستعين بألد عدو لة و لا أية . التاريخ قديم شوية من ايام الرومان

**تامر.محمد** · 16-05-2011 11:22 AM

المشاركة الأصلية كتبت بواسطة ahmed1981

عصام شرف موجود

لكن هذا الموضوع ليس من إختصاصه

التعامل مع هذا النوع من الخيانة والبلطجة والتحريض الدولي على مصر وإفتعال الإعتصام للتغطية على فضيحة إمبابة مسئولية المجلس العسكري
-

بصراحة انا شايف ان المعتصمين حاليا بيستغلوا الضغط الخارجي لتحقيق مكاسب سياسية
و ده فيه استغلال للمتاعب اللي بيتعرض لها المسيحيين نفسهم و المسلمين كذلك (ازمة امبابة سقط فيها مسلمين كتير , ارواح , مش طوب كنيسة, يعني الخساير مشتركة و خساير المسلمين تكاد تكون اكتر , الكنيسة هاتترمم انما اللي ماتوا مين هايرجعهم ؟)

طول ما الأطراف اللي على الساحة بتقدم المصالح السياسية على استفادة عموم الناس , هانفضل على الحال ده

**heshamzaky** · 16-05-2011 11:27 AM

مش عارف هل هناك أنقسام داخل الكنيسة ما بين مؤيدين للأعتصام و معارضين و لا لآ لان معظم الاخبار فيها تضارب و مش عارف مين المتحدث الرسمى باسم الكنيسة .
............... الخبر منقول ..............................

أكد نيافة الأنبا موسى أسقف الشباب أن تظاهر الأقباط حق مشروع ودستورى ولكن الأمر زاد عن حده خاصة بعد أن استجاب المسئولون لبعض مطالبهم، ولقاء رئيس الوزراء مع وفد ممثل عنهم، وتلقى مطالبهم بحب واحترام وإنصات جيد.

وأضاف أسقف الشباب خلال مداخلة هاتفية لبرنامج العاشرة مساء أن المليونية التى أقيمت الجمعة الماضية من أجل الوحدة الوطنية كانت كافية، وما كان يجب على الأقباط أن يستمروا فى تظاهرهم أمام ماسبيرو بعدها، قائلا "الشىء لما يزيد عن حده ينقلب ضده، لأن اللى حذرنا منه الشباب من هتافات سلبية، أو استخدام العنف ضدهم قد حدث بالفعل".

وأشار الأنبا موسى إلى خطاب قداسة البابا الذى ألقاه الأنبا يوأنس بأنه جاء بعد أن استشعر البابا الخطر الذى يحيط بمصر أولا، ثم الأقباط المتظاهرين ثانيا، مؤكدا أن اللهجة التى استخدمها البابا لم يشهدها الأقباط من قبل، والتى وضحت فى عبارات مثل "صبر الحكام نفذ" أو "لو لم تستمعوا لكلامى ستكونون من الخاسرين".

مؤكدا أن موقف البابا حكيم، ومنطقى، وهو عدم الإصرار على المزيد من الاحتكاكات التى تؤدى للخسارة فى النهاية، قائلا "عدم طاعة الأقباط للبابا يمثل إساءة لأنفسهم، ولكنى أثق أن شباب الأقباط سيسمعون كلام البابا، رغم ما لديهم من حدة وانفعال الآن".

**heshamzaky** · 16-05-2011 11:36 AM

المشاركة الأصلية كتبت بواسطة meza

ممكن تفسير حضرتك يبقى صح ... أنا شخصياً إستغربت منه جداً و مش فاهم ايه أسبابه! ... فى كل الحالات أنا أعترض على هذا الكلام الخطير جداً.

بس معلش ممكن أقول ملحوظة مهمة ... الكلام بتاع طلب الحماية من إسرائيل ده جه على لسان المراسل اللى بينقل الكلام (اللى ممكن تكون أخدته الحماسة) و ده مكنش صوت الأب فيلوباتير ... فإحتمال يكون المراسل قال كده من نفسه مش أكتر.

مش حا اقولك لآ لانى أعتقد أن الى قال كدة شخص لابس عادى تقريبا مش لبس دينى .
بس لو حللت كلامة دة يبقى عذرة أقبح من ذنبة لانة كدة بيعكس حالة كرة شديدة للبلد و الى فيها و كلامة دة بيثير تساؤلات و استفسارات و فتح فتوحة على نفسة هو فعلا مش حا يبقى قدها أنا بعتبرة فى منهى الغباء بصراحة أنة يقول كدة و لما وكالات الانباء و الفضائيات تنقل الفيديو المصور محدش حا يقول دة أنسان غير مسؤل حا يتقال شوفو دة عاوز الاسرائيلى أحسن من الاضطهاد الى هوة عايشة فى بلدة

**meza** · 16-05-2011 11:42 AM

المشاركة الأصلية كتبت بواسطة heshamzaky

مش عارف هل هناك أنقسام داخل الكنيسة ما بين مؤيدين للأعتصام و معارضين و لا لآ لان معظم الاخبار فيها تضارب و مش عارف مين المتحدث الرسمى باسم الكنيسة .".

الموقف الرسمى واحد ... ومطلعش أى تصريح غير كده ... خبر التراجع عن التصريح كان نزل على الدستور من صحفى إسمه بيتر مجدى ... كان واضح فى الخبر إنه أخد جملة قالها البابا (عمري ما اضغط على ولادي في حاجة) و عمل منها خبر من نفسه إنه تراجع عن تصريحه ... و بعد كده إتنقل الخبر و فضل ناس تردده.

لكن لا زال التصريح الرسمى هو اللى جه على لسان الأنبا يوأنس و أكده الأنبا موسى بعد نزول الخبر ده.

**meza** · 16-05-2011 11:47 AM

المشاركة الأصلية كتبت بواسطة heshamzaky

مش حا اقولك لآ لانى أعتقد أن الى قال كدة شخص لابس عادى تقريبا مش لبس دينى .
بس لو حللت كلامة دة يبقى عذرة أقبح من ذنبة لانة كدة بيعكس حالة كرة شديدة للبلد و الى فيها و كلامة دة بيثير تساؤلات و استفسارات و فتح فتوحة على نفسة هو فعلا مش حا يبقى قدها أنا بعتبرة فى منهى الغباء بصراحة أنة يقول كدة و لما وكالات الانباء و الفضائيات تنقل الفيديو المصور محدش حا يقول دة أنسان غير مسؤل حا يتقال شوفو دة عاوز الاسرائيلى أحسن من الاضطهاد الى هوة عايشة فى بلدة

ده مش عذر أبداً و أنا مقولتش إنه معذور ... أنا بقول كان واضح إن ده صوت المراسل مش أبونا فيلوباتير بس.
طبعاً المراسل واضح إنه مش فاهم قدر المسئولية اللى عليه و الأمانة المهنية إنه ينقل الكلام بالظبط و ميقولش رأيه فيه ... طبعاً صاحبنا هنا ضرب بكل القوانين المهنية دى عرض الحائط و تطوع إنه يقول رأيه الغريب اللى يودى فى داهيه!

لانة كدة بيعكس حالة كرة شديدة للبلد و الى فيها و كلامة دة بيثير تساؤلات و استفسارات و فتح فتوحة على نفسة

فى رأيى التسمية الأدق .. هو حالة إحتقان شديدة و إحساس بالإضطهاد ... و لازم كل الكلام ده يتعالج قبل ما المشكلة (الطائفية) تتفاقم.

**human** · 16-05-2011 11:49 AM

ده موقف رسمى من الكنيسه

**heshamzaky** · 16-05-2011 11:54 AM

المشاركة الأصلية كتبت بواسطة meza

فى رأيى التسمية الأدق .. هو حالة إحتقان شديدة و إحساس بالإضطهاد ... و لازم كل الكلام ده يتعالج قبل ما المشكلة (الطائفية) تتفاقم.

طيب كدة مسكنا مع بعض نقطة نتناقش فيها .
ما هى حالة الاحتقان الشديدة و الاحساس بالاضطهاد الى حاسس بها الاخوة المتظاهرين فى ماسبيرو يعنى اية الاسباب الى محسساهم بكدة

**meza** · 16-05-2011 12:15 PM

المشاركة الأصلية كتبت بواسطة heshamzaky

طيب كدة مسكنا مع بعض نقطة نتناقش فيها .
ما هى حالة الاحتقان الشديدة و الاحساس بالاضطهاد الى حاسس بها الاخوة المتظاهرين فى ماسبيرو يعنى اية الاسباب الى محسساهم بكدة

كده دخلنا فى موضوع مهم جداً و أكبر ... أنا شايف إن أحداث إمبابة مش هى بداية المشكلة .. المشكلة بنعانى منها من زمان
أعتقد اللى زرع الطائفية هو النظام السابق لإضعاف الشعب و جعلها سلاح لإلهاء الشعب عن حالة الفساد اللى كنا عايشينها.
ده مش إتهام مجرد ... فيه دلائل قوية تثبت إن المتورط فى كده هو النظام السابق .. و هى ليست سابقه فى التاريخ .. تقريباً كل الأنظمة الديكتاتورية كانت تستخدم نفس الأسلوب.

حالة الإحتقان و الإحساس بالإضطهاد دى مجرد أعراض للمشكلة .. و حضرتك هتكتشف إنها مش موجودة عند المسيحيين بس لكن منتشرة وسط العديد من المسلمين برضه ... و دى هتلاقيها شكوى منتشرة وسط السلفيين!

سببها زى ما قلت هى المشكلة الأكبر ... الطائفية
الإحساس بالظلم و الإستهداف لمجرد إنك مسيحى ... ولازم كلنا نعترف إنه ده فيه جزء من الحقيقة و كلنا ممكن نكون بنشارك فيه حتى لو بدون قصد.
"كام مرة سألت نفسك قبل ما تتعامل مع شخص ده مسيحى ولا مسلم؟ و هل فرقت معاك"
"تعرف ايه عن التاريخ القبطى فى مصر"
"تعرف ايه عن الطائفة الأرثوذكسية و البلاد الموجودة بها"
"تعرف إن المنهج الأساسى اللى ماشيه عليه الكنيسة الأرثوذكسية من قرون هو المحبة" ... و عشان كده بستغرب جداً من الإتهامات الللى بسمعها اليومين دول.

المسيحيين يعرفون عن الإسلام أكثر مما يعرف المسلمين عن المسيحية ... بسبب نظامنا التعليمى.
على الرغم من ذلك العديد من المسيحيين لا زال عندهم حالة سوء فهم شديدة للإسلام.
التحريض على تجنب التعامل مع المسلمين موجود ... و من الصغر أطفال كتير أهاليهم يحذروهم من التعامل مع مسلمين (بيطلعوا على أولادهم عقدهم!)
لكن منقدرش ننكر إن التحريض ده موجود برضه عند المسلمين ... و أصابنى حالة ذعر و أنا فى ثانوى لما سمعت طفل فى إبتدائى بيأنب صديقه المسلم على إنه سب الدين لصديقه ... فكان الرد يا عم فكك ده مسيحى عادى!
ناهيك عن تدنى المستوى الأخلاقى .. لكن دى مصيبة
و أكيد سمعنا عن الأولاد اللى مبيرضوش يشربوا من زمزمية صديقهم المسيحى!

-------

أنا توسعت فى سرد المشكلة لكن إن شاء الله أبقى أفردلها موضوع منفصل.
و أعتقد بداية الحل هيكون بالتعرف على الآخر ... حالة سوء الفهم دى بيننا لازم تنتهى.

-

الموضوع: اين عصام شرف ؟ و لماذا يسكت على البلطجة العلنى امام ماسبيرو

LinkBack

أدوات الموضوع

عرض

-

-

-

-

-

المواضيع المتشابهه

لانسيا اوريليا فى المزاد العلنى بمليون دولار

تغطية بسيطة لاعتصام اهالي شهداء و مصابي الثورة امام ماسبيرو

حد يعرف يسكت الواد ده

الكلمات الدلالية لهذا الموضوع

المفضلات

المفضلات

ضوابط المشاركة