امبارح قلت اعمل فاهم وافتح كبوت العربية وبعدين بصيت مالقتش لادتير سألت واحد جاري قال لأ الدايو مافيهاش لادتير فيها قربة مية بتبقى مليانة للنص... وانهاردة قلت اسأل أهل الخبرة أفيدوني افادكم الله؟؟
وليد
عرض للطباعة
امبارح قلت اعمل فاهم وافتح كبوت العربية وبعدين بصيت مالقتش لادتير سألت واحد جاري قال لأ الدايو مافيهاش لادتير فيها قربة مية بتبقى مليانة للنص... وانهاردة قلت اسأل أهل الخبرة أفيدوني افادكم الله؟؟
وليد
اصدك الردياتير
و جار حضرتك دا ناصح اوى بصراحة هوا صحيح فيها قربة مياة بس بالعقل كدة المياة الى فيها بتروح فين !!!
بص على صدر العربية امام المتور هتلاقى مروحتين و امامهم مربع معدنى
و واصل فى خرطومين
هوا دا الردياتير
ازيك يا وليد:)
لو بتتكلم عن قربة المية يبقى انت تقصد الريدياتير
ودة اول ما تفتح الكبوت هتلاقي علبة معدنية كبيرة خلف
مكان الشبكة الامامية ،اللي عليها شعار دايو، ولها غطاء
وهتلاقي لها برضة قربة علشان تكمل مية لو نقصت.
شكرا جزيلا لسرعة الرد ... تمام كدة بس لو عاوز اعرف المية ناقصة ولا كويسة ولو عاوز ازود هل في غطا في الردياتير نفسه ازود منه ولا هزود من القربة ؟؟
اعذروني لجهلي بس مش عاوز اعك
سلام عليكم
مفيش اى منفذ للمياة غير القربة
1- دور العربية
2- افتح الغطاء
3- زود مياة لحد نص القرية بس لحد الحذ بتعها
الفراغ المتبقى دا علشان غليان المياة و البخار
لا هتزود من القربة.
في على القربة علامتين min وmax
المية المفروض تكون بين العلامتين دول.
نننننننييييييييييههههههه
الشعب المصري ده يمووت في الفتي
جارك ده تحفة والله
انت تبص على القربة تلاقي علامة min و max
يعني الحد الادني والحد الاقصي
ماتزودش مية عن الحد الاقصى
ولو العربية فيها مياه خضراء زودها مية خضرا
ولو فيها مية عادية زودها مية عادية بس والعربية باردة الصبح
اية يا شريف سابقني كدة على طول بدقيقة:)
انا ماشي خلاص اهة من دايو وهشوفلي قسم تاني:)
لا يا سيدي خليك ربنا ما يحرمني منكم انتم الاتنين
شكرا جزيلا تحياتي الخالصة لكما
وليد
سربنتينة التكيف خلف درج التابلوة
هو في حد مننا اكيـــــــد فاهم غلط ؟؟ ازاي سربنتينه التكيف خلف درج التابلوه ؟؟ انا اللي اعرفه ان السربنتينه نفس شكل الردياتير بالظبط ؟
وبتركب في نفس المكان بس الفرق ان الردياتير ليه غطاء علشان تحط منه ميه وهيا لاءه لنها بتاخد من القربه علي طول.... فهمتني ؟؟
بص حضرتك
الى انا عارفة
الجزء الى المراوح متسبتة علية فى صدر العربية دا الردياتير و دا انا متئكد منة علشان انا فكيتة قبل كدة للتنضيف و دا واصل بخرطومين لدخول و خروج المياة و اكتمال دورة المياة بين القربة و المتور و الردياتير
السربنتينة الى خلف التابلوة دى بتاعت التكيف الساخن و مشعارف بظبت دورة التكيف البارد ماشية ازاى بس موسير الفريون طالعة من الكباس و داخلة على خلف التابلوة
لاكن الى انا متئكد منة ان كل اجزاء التكيف و المراوح بتعتة خلف التابلوة
جرب شغل التكيف و العربية باردة و افتح الكابوت مش هتلائى مراوح الردياتير بتلف و صوت المراوح جى من خلف التابلوة
و جرب افتح درج االتابلوة هتسمع صوت المراوح من الداخل
و كمان فى نقطة اهم انا بتكلم فى لانوس و انت بتتكلم فى نوبيرة و انا معرفش حاجة فى النوبير فا ممكن نحط احتمال اختلاف التصميم بس اعتقد مش هيختلف كتير
ممكن لان انا عندي لما بشغل التكيف والعربيه واقفه المروحتين اللي علي الساربنتيه الكبيره اللي مكان الردياتير هما دول اللي بيشتغلو
لان انا عندي بحط ميه في القربه بس معنديش اي مكان تاني احط فيه ميه غير القربه وهيا اللي بتدي للسربنتينه ده اللي عندي في النوبيرا
ما المياة دى بتروح للردياتير مش السربنتينة هيا بتاخد مياة فى حالة واحدة بس لما تشغل التكيف على الساخن بتلف فيها مياة من دورة التبريد و يتسخنها
و المراوح بتاعت التكيف تدفع الهواء الساخن للكبينة
انت اكيد شفت المراوح و العربية سخنة و السرمستات شغلت المراوح لتبريد المتور
حاجة تانية منطقية
المراوح دى بتشفط هواء من اتجاة الردياتير ناحية المتور علشات تبرد المياة الى جوا موسير الردياتير علشان تروح لغرف المياة بدرجة حرارة منخفضة للتبريد جوا المتور
المراوح دى بتلف فى الهوا يعنى مفيش حوليها غلاف او اى حاجة تحكم تدفق الهواء و تمشية فى مسار لحد ما يطلع الهواء من الريش فى التابلوة يعنى الهواء بتعها مشتت
يبقى بالعقل كدة هل دى هيا فعلا بتاعت التكيف؟ ;) :)
2 .........
جرب شغل التكيف اول ما تركب العربية و تتحرك بيها و هيا لسة باردة خالص
انت فى بلد الفتى
حط بردة احتمال انى بفتى بردة :):) و اتئكد بنفسك
و اصلا ازاى مروحة واحدة تقدر تبرد مسطح كبير زى الردياتير
بردة فكر ازاى المروحة دة بتوصل هواء لجوة
اصلا مفيش حاجة تحكم تدفق الهواء الهوا بتاع المروحة طالع مشتت امال الهوا بيوصل ازاى ؟!!! :)
حلك التجرب ة تعرفنا
علشان زى ما قلت ليك انت بتتكلم فى نوبيرة و انا بتكلم فى لانوس
ههههههههههههههههههههههههه ههههه
هو انا عندي بيحصل نفس الكلام الي بيقول عليه الاستاذ شريف لكن كنت عاوز اسال حضرتك سؤال وهو هل غسيل الردياتير في محطات البنزين بيفرق في درجه حرارة العربيه ولا كانك يا ابو زيد ما غزيت وعادي مفش فرق ؟! وكنت معلش سالت عن حاجة كده في موضوع تاني بس هساله هنا مادام حضرتك موجود ايه الفرق بين زجاجة الماء الخصراء الي بتتباع في الاسواق وتكون ب 13 ج تقريبا وبين الماء الخضراء الموجودة في محطات البنزين وبتكون ب 40 ج تقريبا ؟؟!
بالنسبة لغسيل الردياتير اكيد بيفرق علشان حصل معيا موقف الصيف الى فات انى عمرى ما نظفت الردياتير من اول ما جبت العربية فا الردياتير اتسد تماما فا فكيتة عند صنيعة و اعد يسلك فية و كانت الموسير مليانة صدا جامد فا اعتقد الغسيل هيغنيك عن فك و تسليك الردياتير من النرسبات دية
بالنسبة للمياة الخضراء انا معرفش عنها حاجة و عن انوعها انا بستعمل نوع مصرى مش فاكر اسمة الجركن بى 18 جم و مركزة جدا و مش عاملة معايا اى مشاكل الحمد للة
اعتقد ان الفرق فى الاسعار نتيجة ان دا مستورد و التانى مصرى بس الله اعلم مش متئكد من النقطة دى اوى
طيب حضرتك لما بتحب تنظف الردياتير وتعبئ ماء خضراء بتعمل الموضوع ده فين يعني في اي بنزين وهل لو بتعمل الكلام ده حضرتك الي بتجيب " جركن الماء الخضراء " معاك وبتخليهم يحطوه ولو بتعمل كده بتجبوا منين علشان عاوز اجيب واحد واحط ماء خضراء
فى اى محطة عندهم غسيل ردياتير و هتلائى عندهم المياة الخضراء
بس انا عن نفسى بعمل الموضوع دا بنفسى بخرطوم مياة و مزيل صدا و بعد كدة بحط المياة الخضراء
الساربنتينا يابرنس قدام الرادياتير :D
وو ظيفتها تبريد الفريون ودية متصلة بالكمبريسور مالهاش دعوة بتبريد العربية
الرادياتير ورا الساربنتينا على طول تحس انهم لازقين فى بعض ودة اللى بيمر فية الماية اللى جاية من القربة وبتخش على طرمبة الماية علشان تخش بعد كدة على الموتور للتبريد
الرادياتير حاجة و الساربنتينا حاجة تانية خالص :confused:
يا جدعان واحدة واحدة علشان فيه لخبطة
فى صدر العربية عند الشنب فيه سربنتينة تكييف وراها الرادياتير
سربنتينة التكييف هى اللى فى الوش ناحية الكلاكس و الرادياتير هو اللى راكب علية مراوح التبريد
لما درجة الحرارة بتاعت مية التبريد توصل 92 المروحتين بيشتغلوا مع بعض على السرعة المنخفضة و لما حرارة الميه توصل 97 المروحتين بيشتغلوا على السرعة العالية... يعنى مينفعش مروحة واحدة بس تشتغل الا اذا كان عندك مشكلة
لو شغلت التكييف المروحتين حيشتغلوا على السرعة الواطية طول الوقت الا اذا حرارة امية عدت 97 فا بيشتغلوا على السرعة العالية
اللانوس مفيهاش غطاء رادياتير و ملو الميه بيبقى من الاربة
الدايو مفيش فيها مسامير هوا و هى بتفضى الهوا بنفسها... سيب العربية دايرة و غطاء القربة مقفول لحد ما المراوح تشتغل و تفصل و بعد كدة افتح غطاء القربة عشان تخرج الهواء الزيادة و اقفلة تانى
احسن ميه خضراء هى ماركةIADA و دى فى جركن 5 لتر ب 25 جنية فقط و تركيزها 5%
MMamdouh
امال انا لما بشغل التكيف و العربية باردة مراوح الردياتير مش بتشتغل خالص و بتشتغل على اول سرعة مع سخونة العربية
الاختلاف كان فى مكان مراوح ضخ الهواء للتكيف نفسة
و دى اعرف انها ورا درج التابلوة او فى المنطقة دى
فعلا شرح واف والاستاذ محمد موضح كل كبيره وصغير في الموضوع واظن ده اخر الكلام تسلم ايدك بجد يا استاذ محمد وبالفعل هو ده الي بيحصل معايا والحمد لله وان المروحتين بيشتغلوا مع بعض وكمان لاحظت سرعتهم يعني حسيت لما بيتكون العربيه الى حد ما بارده وبشغل المكيف بيشتغلوا على سرعات واطيه ولما تكون سخنه بيشتغلوا على سرعات عاليه بس مش كنت اعرف حوار حرارة الماء دي بس في تعليق بسيط اوي وان ازاي اعرف ان الهواء خرج من القربه بعد ما اعمل القصه دي ؟
اخيرا وقف اطلاق النار
ههههههههههههههههههههههههه ههههههههههههههههههههههههه ههههههه
:):d:):d:):d:)
معلش يا جماعة انا طلعت بفتى بردة فى نفطة
ان مراوح الردياتير الاتنين بتشتغل مع التكيف هيا فعلا بتشتغل مع التكيف على السرعة الاولى بس انا مكنتش واخد بالى منها و هيا الى بتهوى على سربنتينة التكيف الى خلف الردياتير
بس مش دى هيا مصدر هواء التكيف دا لية مراوح تانية و دى انا متئكد منها اوى :):)
اسف على الخطأ
طبعا الهوا اللى جوة الكابينة مصدرة المروحة بتاعت التكييف اللى ورا درج التابلوة
MMamdouh