انطباعى عن الجين 2 من اول 30 كلم

**ahmedsiyam** · 05-05-2008 10:00 AM

حبيب قلبى يا مزاجانجى يا جامد
صباح الورد و مشكور يا نجم على مداخلتك

**ahmedsiyam** · 07-05-2008 11:53 AM

السـلام عليكـم

احب اوضح فى النهاية المشاكل اللى قابلتنى فى العربية و ملاحظاتى عليها و ده قبل صيانة الـ 1000 و بعد لما اروح التوكيل اعمل الصيانة هابقى ابلغكم بتقييمى بعد الـصيانة ان شاء الله

- التكييف بيفصل و بيشتغل بسرعة و صوته داخل الكابينة عالى مع صوت واضح لضخ الفريون عند بدء تشغيل الكباس
- صوت تزييق جاى من الخلف عند المطبات و عالى جدا و الصوت اختفى لما كنا 4 افراد فى العربية بنسبة 80% و بدء يرجع تانى طول ما انا راكب لوحدى :o
- صوت تزييق جامد جدا عند بدء التحرك كل مرة كأن الفرامل ماسكة فى الطنابير
- الملتى فنكشن بايظ الجزء الايمن الخاص بالتحويل بين الراديو و السى دى
- تقشير الفتيس من اول يوم
- فقدان الطبة الموجودة فى الاكصدام اللى بتغطى مكان جر العربية من الامام من اول يوم وشكل الاكصدام الامامى بايخ زيى مايكون فيه خرم
- تقفيل الابواب الخلفية للسيارة ضايع و عايز يتعاد عليه و ده مالهوش دعوة بالخامات الرخيصة المستخدمة فى التصنيع
- هايبقى فى سؤال عن استهلاك البنزين لانه كده عالى جدا 11.4لتر لكل 100 كيلو داخل المدينة
- التوكيل بيرفض تغيير نوع الزيت اللى بيستخدمه و انا مصر على استخدام نوع تانى هانشوف هاوصل معاهم لحد فين

العربية النهاردة عاملة 925 كلم و ان شاء الله هاعمل الصيانة يوم السبت القادم بأمر الله

تحياتى لكل الاخوة الافاضل و مشكورين على متابعة الموضوع و ابداء الاراء و اتمنى لو ربنا اراد اشوف اى حد منكم فى مقابلة الربوة الجمعة القادمة باذن الله :)

**ahmedsiyam** · 08-05-2008 02:05 PM

احب اضيف ان العربية بتحدف يمين من يوم ما استلمتها مع انى باظبط الهواء مع كل تموين للوقود
المالتى فنكشن الجزء الخاص بالصوت باظ امبارح
بالنسبة لاى وضعية لتغيير الهواء المتدفق من فتحات التكييف الهواء بيضعف جدا فيما عدا الجزء الامامى فقط هو اللى بيكون احسن وضع للتكيف

دعواتكم يا رجالة علشان عندى خناقة جامدة جدا مع التوكيل و يا مسهل

**Ahmed REDA** · 08-05-2008 02:35 PM

اية يا عم احمد دة كلة!!!
العربية بتاعت حضرتك شكلها كدة friday car

**ahmedsiyam** · 08-05-2008 03:25 PM

يا احمد بك مشكور على مرورك

دى موش فرايداى كار

دى تقريبا اتعملت فى العيد الكبير و مافيش حد طايق ينزل الشغل و اتقفلت من غير نفس خالص

**Powert** · 08-05-2008 04:11 PM

استاذ احمد ممكن نعرف نوع عربيتك اية

انا مش مصدق ان الكلام ده على بروتون وكمان على الجين2

دي اكيد العربية دي صيني و شبة الجين2
:(:(:(

**Powert** · 08-05-2008 04:29 PM

ربنا يكون معاك بس انت ماتسيبش حقك وكلم استاذ حبيب واقلب الدنيا عليهم

ولو ما اتصلحتش خليهم يغيروا العربية

**ussamalh** · 10-05-2008 01:42 PM

ارجوك طمنا عملت ايه فى التوكيل لان اعتقد المشاكل الى عندك دى هتبقى اختبار حقيقى لجودة التوكيل يعنى بمعنى اصح تقييم عملى للتوكيل .
و ان شاء الله بتمنالك كل خير و تتحل المشاكل كلها و مستنين ردك غدا ان شاء الله

أسامة

-

-

الموضوع: انطباعى عن الجين 2 من اول 30 كلم

LinkBack

أدوات الموضوع

عرض

-

-

-

-

-

-

المواضيع المتشابهه

انطباعى عن النترا بعد 1000 كم

انطباعى عن نيسانى الجديده

انطباعى عن جينا من اول لمسة

انطباعى بعد صيانة الـ 1000 كلم

انطباعى عن الجين 2 بعد تجربة القيادة

الكلمات الدلالية لهذا الموضوع

المفضلات

المفضلات

ضوابط المشاركة