لو سمحتم عندي مشكله

**abdallah23** · 21-04-2008 02:23 PM

بفضل من الله وحمده اشتريت اللادا 2107 مصري + باور والحمدلله كويسة وعلى فكرة انا اول مرة اشتري سيارة وفي السواقة لسة مبتدئ وارجو التواصل منكم معي وذلك لما رأيته من احترامكم للأخرين في الرد علي من يسألكم على اي استفسار فانا اشتريتها من حوالي اسبوع ولكن عند تشغيل الكونتاكت لا يعمل من اول مرة ويعمل من ثالث او رابع مرة وشميت ريحة بنزين خفيفة ويوجد صوت صفارة في تيل الفرامل وباب السواق بيقفل بصعوبة بعد اغلافه بشدة.
اسف جدا علي الاطالة وارجو الافادة وشكراً وسلام الله عليكم ورحمته وبركاته

**osama_alam** · 21-04-2008 08:14 PM

روح للتوكيل وخليه يعملك كل اللي انته شايفه فالعربية ومتتهونش لأني ديه عيوب صناعة

**mahamedaraby** · 21-04-2008 08:17 PM

عادى تقريبا الحاجات دى عيوب صناعه وروح لتوكيل علشان يعملهالك بس
خالى بالك من العربيه علشان انا سمعت انى فيه حاجات بتدل وكده

**abdallah23** · 21-04-2008 08:21 PM

شكرا لكم جميعاً وجزاكم الله خير بس انا كنت عاوز اعرف العيب ده اية بالنسبة للكونتاكت في ناس قالولي انه فيشة الكونتاكت هل هذا صحيح والسلام عليكم

**ahmedsrs** · 21-04-2008 08:29 PM

انا عندى العربية 125 كانت بتعمل كده وغيرت الكونتاك الفكرة ان الأدا عربية كويسة بس طبعا فى عيوب صناعة فلازم فى التوكيل متتحركش الى لما يحلولك كل المشاكل دى

**abdallah23** · 21-04-2008 08:35 PM

شكرا اخواني جميعا

22-04-2008 03:30 AM

المشاركة الأصلية كتبت بواسطة abdallah23

بفضل من الله وحمده اشتريت اللادا 2107 مصري + باور والحمدلله كويسة وعلى فكرة انا اول مرة اشتري سيارة وفي السواقة لسة مبتدئ وارجو التواصل منكم معي وذلك لما رأيته من احترامكم للأخرين في الرد علي من يسألكم على اي استفسار فانا اشتريتها من حوالي اسبوع ولكن عند تشغيل الكونتاكت لا يعمل من اول مرة ويعمل من ثالث او رابع مرة وشميت ريحة بنزين خفيفة ويوجد صوت صفارة في تيل الفرامل وباب السواق بيقفل بصعوبة بعد اغلافه بشدة.
اسف جدا علي الاطالة وارجو الافادة وشكراً وسلام الله عليكم ورحمته وبركاته

بص ياباشا ...
1- بالنسبه لعيب الدواره اللى بيوجهك...هو حاجه من الاثنين
-تكشف على كابلات البطاريه والقواشيط كويس...عشان ساعات بتهررب...وبتعمل المشكله دى
-لو كل التوصيلات سليمه بيبقى العيب....من ترس البندكس الخاص بالمارش...

2- حكاية تقل بابا معين دى بترجع...
-عيب فىزوايا الباب نفسو
-عيب فى السككاكه
-عيب فى كاوتش الباب

3- صفارة التيل
-نوع التيل وحش
-وجود ذوائد معدنيه ...فى الطنبوره او التيل..ودى بتروح مع الاستخدام (تطببع)
-نسبة الخلوص بين التيل والطنبورة اقل من اللازم...وبردو بتروح مع الوقت
...دا لو مكنش فى عيب فى الماستر...

4-ريحة البنزين
- وجود تسريب ولو بسيط فى دورة البنزين
-اعتقد انك ...كربراتير...يعنى فى احتمال خلل فى حرق البنزين...او فى نسبة شرقان بسيطه..
.........

انا قولتلك الكلام دا فقط من بابا العلم بالشىء
بس مادام العربيه فى الضمان...لاااااااااااازم تروح التوكيييييييييييييييييييي ل

....
وشكرا
وياريت اى سندويتش عا الماشى :D
ص.م / هانىمحمد :D

**abdallah23** · 22-04-2008 09:30 PM

متشكر جدا لكم جميعا وجزاك الله خير يا م /هاني

**midonbtc** · 22-04-2008 11:18 PM

بص انا معايا 2107 مصرى باور+تكييف
العربيه ممتازه بس عيوبها كتير اوى
تصفير فرامل..ابواب زباله...تقفيل زباله..
كان عندى كمان كسر فى طنبوره عمود الكرنك اول ما اشترتها((بعد الشر على اى حد))
حل الكلام ده كله
روح التوكيل فورا ...وطلع عنيهم وزعق وبهدلهم ..لانهم بصراحه ناس صعبيين جدا وزى ما بتخشلهم العربيه زى ما بتخرج عشان كدا لاكم تزعق معاهم جامد جدا
وانا شارى العربيه بقالى اقل من شهريين ورحت التوكييل حوالى 6 او 7 مرات

الف مليون مبروك وربنا يديلك خيرها ويكفيك شرها
ولو فى اى استفسار انا فى الخدمه