عندى مشكله مع والدى

**mohamed ibiza** · 21-04-2008 11:16 PM

بص يا Talent انت راجل طالب جامعي يعني من سني احنا اكيد سننا و دماغنا قريبة من بعض انا هقوك حاجة قريبة من موضوعك ده كنت بفكر اعملها و والدي قالي عايز تتعلم اتعلم انما تشتغلها لا و الف لا انا بعشق العربيات و الميكانيكا و كان نفسي اعمل شغل ميكانيكا بأيدي والدي رفض عملت زيك كده زعلت و اضايقت و ليه و كلام كده و طلعت عبيط في الاخر ههههه اول حاجة انك تاخدها مصدر رزق انسي انه يوافق لانه بيصرف عليك و مكفيك و مش مخليك محتاج حاجة و الكلام ده كله فانسي تاني حاجة هيقولك انا مش بعلم و اربي و اكبر و اعد احلم سنين انك تبقي حاجة كبيرة و مشرفة ليك و ليا و في الاخر تقولي اشتغل مش عارف ايه حتي لو في الاجازة ده لا من مقامك ولا من مقام ابوك اللي هو استاذ جامعي موقر انا اعتقد ان ده رأي والدك و انا مع الرأي ده عندك والدي انا بحب الميكانيكا و العربيت هو معارضنيش اكن ممسكش بأيدي و افك و اربط و اتوسخ كده بقيت ميكانيكي كل واحد وليه وظيفته هواية اوك احتراف لا بالثلث و اديني دلوقتي بعد مع الميكانيكي اقرفه و اطلع عينه و اعرف منه كل اللي انا عايزه و ابقي فاهم و عندي معلومات و في نفس الوقت مضيعش مكانة ابويه و نفسي لاني في يوم من الايام ان شاء الله هكون وكيل نيابة احم احم هههههههه و ان شاء الله انت كمان هتتفوق في مجالك اعتقد ان هو ده رأي والدك

Ibiiiiiiiiiiiiiiiiiiiiiiiiiiiiiizzzzzzzzzzzzzzzzzz zzzzzaaaaaaaaaaaaa For Ever

**segsauer** · 21-04-2008 11:41 PM

المشاركة الأصلية كتبت بواسطة hazem_khidr

خلص دراستك و اعمل اللي انت عاوزه
انت صبرت 11 سنه زي ما بتقول ما فرقتش كمان سنتين تلاته.
بس طاعه الاهل فرض عليك
و صدقني لو عملت حجه غصب عنهم ربنا مش حيباركلك فيها.
لازم يكونوا راضيين

+10000000000000

**talent** · 22-04-2008 12:13 AM

انا حاسس انكوا مش قادرين تفهمونى
انا مش عايز ابقى صنايعى
انا عايز اتعلم و افيد ال حواليه
و الافكار ال عندى هنفذها فى عربيتى ان شاء الله
و فى عربياتكوا لو عايزين
لكن مش مهنه
و حتى لو مهنه ايه يعنى مش شغلانه شريفه ولا انا بسرق
ولا اطلع موظف كبير مرتشى مثلا
الشغل مش عيبولا ايه

**ams** · 22-04-2008 12:22 AM

المشاركة الأصلية كتبت بواسطة محمد ابراهيم 1

إسمع كلام أبوك
إذا كان رأيه صح يبقى كسبت ثواب طاعته وكسبت العمل بخبرته
إذا كان رأيه خطأ يبقى كسبت ثواب طاعته ورضاه عنك
يعنى طاعه أبوك
فى الحالتين إنت الكسبان

انا معاك فى الكلام ده جدا
أصبر بعد ما تخلص الدراسه و بعدين اشتغل زى ما انت عاوز

المشاركة الأصلية كتبت بواسطة mohamed ibiza

بص يا Talent انت راجل طالب جامعي يعني من سني احنا اكيد سننا و دماغنا قريبة من بعض انا هقوك حاجة قريبة من موضوعك ده كنت بفكر اعملها و والدي قالي عايز تتعلم اتعلم انما تشتغلها لا و الف لا انا بعشق العربيات و الميكانيكا و كان نفسي اعمل شغل ميكانيكا بأيدي والدي رفض عملت زيك كده زعلت و اضايقت و ليه و كلام كده و طلعت عبيط في الاخر ههههه اول حاجة انك تاخدها مصدر رزق انسي انه يوافق لانه بيصرف عليك و مكفيك و مش مخليك محتاج حاجة و الكلام ده كله فانسي تاني حاجة هيقولك انا مش بعلم و اربي و اكبر و اعد احلم سنين انك تبقي حاجة كبيرة و مشرفة ليك و ليا و في الاخر تقولي اشتغل مش عارف ايه حتي لو في الاجازة ده لا من مقامك ولا من مقام ابوك اللي هو استاذ جامعي موقر انا اعتقد ان ده رأي والدك و انا مع الرأي ده عندك والدي انا بحب الميكانيكا و العربيت هو معارضنيش اكن ممسكش بأيدي و افك و اربط و اتوسخ كده بقيت ميكانيكي كل واحد وليه وظيفته هواية اوك احتراف لا بالثلث و اديني دلوقتي بعد مع الميكانيكي اقرفه و اطلع عينه و اعرف منه كل اللي انا عايزه و ابقي فاهم و عندي معلومات و في نفس الوقت مضيعش مكانة ابويه و نفسي لاني في يوم من الايام ان شاء الله هكون وكيل نيابة احم احم هههههههه و ان شاء الله انت كمان هتتفوق في مجالك اعتقد ان هو ده رأي والدك
For Ever

"مقامك" هو ده مربط الفرس الموضوع ده شاغلنى من فتره خلينا نتكلم شويه.هل لما تفك و تربط وتوسخ ايدك ده يقلل من مقامك ؟ لما بتشوف واحد نازل من سياره فاخره و لابس هدوم ماركات وغاليه انت شايف ان مقامه عالى ؟ طب ايه الفرق بين المهندس و الفنى "الميكانيكى" ؟ و الشهاده الجامعيه "فى تعليمنا" مهما كانت بترفع المقام ؟
وانت بتقيس مقام اللى قدامك ازاى ؟

**3mr Farrag** · 22-04-2008 12:27 AM

انا يا تالنت نفس دماغك علي فكره....
من و انا يجي عندي 6 سنين و انا غاوي عربيات ....
و فكرت كتير اني اتعلم ميكانيكا و نفسي افتح ورشه سمكره و فايبر....لأني برضوا الحمدلله عندي موهبه في التصميمات
بس الفكره اني مش لاقي فرصه اتعلم ....غير بس واحد صاحبي الله يمسيه بالخير...
ماشاء الله بيفهم جامد فيالعربيات و بحاول اتعلم منه.....
انا لو في مكانك هتشقلبلهم في البيت و انزل اشتغل عند حواجب.....مش لازم بفلوس
علشان متحسش انك صنايعي....انزل وقت ما تحب و اتعلم و قت ماتحب....و في نفس الوقت اكيد الراجل مش هيخسر حاجه
بس طبعا حاول تفهم والدك واحده واحده الفكره صح.....

بس ايه رايك ننزل نعمل كبسه علي فلاينج و نبقي نخليه يفهمنا الدنيا ماشيه ازاي:)

**mohamed ibiza** · 22-04-2008 12:58 AM

"مقامك" هو ده مربط الفرس الموضوع ده شاغلنى من فتره خلينا نتكلم شويه.هل لما تفك و تربط وتوسخ ايدك ده يقلل من مقامك ؟ لما بتشوف واحد نازل من سياره فاخره و لابس هدوم ماركات وغاليه انت شايف ان مقامه عالى ؟ طب ايه الفرق بين المهندس و الفنى "الميكانيكى" ؟ و الشهاده الجامعيه "فى تعليمنا" مهما كانت بترفع المقام ؟
وانت بتقيس مقام اللى قدامك ازاى ؟

باشا انا مش قصدي اني اقيس مقام اللي ادامي بالطريقة دي لا انا قلتله الكلام ده لان الابهات بيبصوا لولادهم بالطريقة دي عايزينهم دايما فوووووووووووووووووووووووو وووووووووووق و اي حاجة زي دي كده بيعتبروها تقلل من مقام ولادهم لان ولادهم عندهم مقامهم عالي اوي اوي

Ibiiiiiiiiiiiiiiiiiiiiiiiiiiiiiiiiiiiizzzzzzzzzzzz zzzzaaaaaaaaaaaaaaaaaaaaa For Ever

**talent** · 22-04-2008 01:04 AM

المشاركة الأصلية كتبت بواسطة 3mr Farrag

بس ايه رايك ننزل نعمل كبسه علي فلاينج و نبقي نخليه يفهمنا الدنيا ماشيه ازاي:)

انا معاك فى الفكره دى و عايزه يعلمنى

**ehab08** · 22-04-2008 01:44 AM

خلص دراستك وبتفوق على قد ما تقدر لأن أى تهاون فى الدراسه بيخلى الأهل يربطو بين التقصير فى الدراسه وبين أحلامك الآخرى
وبالنسبه لموضوع العربيات أهتم بيه فى أوقات فراغك وأجازات الكليه وأدرس فيه نظرى زى ما أنت عاوز من غير ما تمد أيدك فى أى حاجه
وبعد ما تتخرج إن شاء الله وتشتغل فى وظيفه حسب تخصصك وتجربها تقرر اذا كنت ممكن تستمر فى تخصصك وتكون بارع فيه ولا حتكون شغل والسلام
اذا كانت اجابتك ساعتها شغل والسلام دور على حد تشاركه ويكون ده مشروع اضافى لك
وماتنساش حاجه مهمه لما تيجى تتقدم لبنت الحلال وتقول لها انا عندى ورشه بس؟؟؟؟
ولا تقول أنا بشتغل فى الحته الفلانيه وعندى مشروع على جنب عباره عن ورشه

على فكره انا مش ضد الشغل الحر ابدا أيا كان بس دى بلدنا ومجتمعنا
وطبعا اهم حاجه فى كل الكلام ده
حذارى ثم حذارى انك تزعل أبوك
آسف على الأطاله بس انا بعتبرك زى أخويا الصغير

**SEATLOVER** · 22-04-2008 01:55 AM

بص يا talent انت تمسك العصاية من النص
1-تتابع الموضوع بتاع العربيات و تاخد خبرة فية ...مع نفسك (ماتقولش لحد)
2-تذاكر كويس و تخلص ..و (بتفوق)
3-لما تخلص إن شاء الله ...
-لو لقيت شغل اشتغل ..وخلى عندك حلم انك تعمل مشروعك الخاص و تحوش لة راس مال من مجهودك
-لو ما لقيتش شغل ..(ودة اغلب الظن ) ساعتها ممكن تشتغل فى العربيات على الاقل لغاية ما تلاقى شغل فى تخصصك ..و يبقى عداك العيب
...كلنا مرينا بنفس التفكير و الظروف اللى انت فيها

وربنا يوفقك

SS · 22-04-2008 02:58 AM

انا اللى فهمته من كلامك انك عايز تتعلم الموضوع ده كهوايه عندك بتحاول تنميها و ليس كمهنة زى ما واحد بيحب الموسيقى و بيتعلم العزف على الة معينة عشان يشبع هوايته ده مش معناه ان هو هيشتغل عازف و زى اى واحد محترف فى رياضة معينة بس ما بيمتهناش لانه ليه شغله و مجال عمله اللى هو متفوق فيه و انا مؤمن بالموضوع ده جدا و عارف موضوع جنان العربيات ده لانى كنت زيك كده وانا صغير بس هديت دلوقتى نوعا ما بس للاسف هى ثقافة و عقلية مجتمع زيها زى حاجات كتير فى مجتمعنا بنتمسك بيها بغض النظر مدى اللى وصلنا له من ثقافة وعلم يعنى انت بره ممكن تلاقى استاذ جامعة بيركب عجلة مش عشان ما عندوش عربية لأ و لكن لانها رياضة لانه بيحبها لاى سبب و عمر ماحد هيعتبره تقليل من شأنه لكن عندنا و الحمد لله لو حد عمل كده انت عارف هيتبصلو ازاى .... طبعا مفروض الواحد لو عايز يعيش صح يبدأ يغير تفكيره و يعمل اللى صح و اللى مقتنع بيه مادام ما بيغضبش ربنا ...بس فيه حاجة انت ما عندكش حق و مش حتقدر تفرض رأيك على الناس او تجبرهم انهم يغيروا مفاهيم اللى اتربو عليها طول عمرهم وخاصة لو حد كبير ....فالرغم من انى معاك بشدة و حاسس بيك ...بس برده هاقولك ماينعش تعمل حاجة بدون رغبة و الدك خاصة و انك بتقول ان والدك طيب جدا فانا رأيى انك تفضل و راه باللين والمناقشة و الاستعانة بالمعارف من المقتنعين برأيك ...و دول اكيد قليلين طبعا ..لحد ما يوافق ..بس خلى بالك ان والدك اكتر خبرة و دراية من الدنيا منك و ممكن يكون شايف حاجة انت مش شايفها او حتى لو شايفها مش هتفهمها و تقدرها صح يعنى مش شرط انه يكون و اخد الموضوع بالمظاهر بس زى ما انت شايف ....و خللى بقالك ان التعامل مع الصنايعية مش سهل و بعدين مين ادراك ان حواجب ده هيرحب بتعليمك و هيعرفك كل حاجة ..عموما مؤقتا انت ممكن تشبع هوايتك عن طريق الناس اللى فى المنتدى اللى عندهم خبرة و بيقدروا يشتغلوا بايديهم زى ما فلاينج بيجو و ده مش هيقل فايدة بالعكس هيبقى احسن لانك هتتعامل ناس فاهمة على العكس من اغلب الصنايعية ....اسف جدا للاطالة انا عارف ان كلامى ده غالبا رغى لا ها يودى و لا يجيب بس انا حبيت اقولك رأيي