الموضوع: زيت كاسترول ايدج-زيت يستحق التجربه

كريم باشا حبيبي
تهاني الحارة لاستعمالك كاسترول
انا حاطيت كاسترول ايدج الدهبي وماشي عليه دلوقتي 3000 كم تقريبا وهو رائع جدا !
بس تعديل بسيط لمعلومة حضرتك كاسترول ايدج بيعد في الموتور 15000 كم او 12 شهر أيهما أقرب ودا من الموقع الرسمي بتاعه
اما عن ملاحظاتي عن كاسترول في خلال ال 3000 كم فهو رائع جدا وصوت الموتور يكاد يكون مختفي ومش بيظهر غير بعد سرعة 140 ودا طبيعي ان صوته بيبدأ يعلى فعلا
اما عن اللزوجة فزي ما هي مفيش فيه اي مشاكل
وانا فعليا بقنع اصحابي انهم يحطوه وجبته لواحد منهم كمان فعليا وحطه في عربيته وهشوفه بكرة ان شاء الله وهسأله عن انطباعه الاول عنه

المشاركة الأصلية كتبت بواسطة yoko

انا هموت وأحطة بس التوكيل رافض

التوكيل ملهوش حق انه يرفض لأنك تقدر تغير زيت برا التوكيل عادي جدا
مانيوال العربية هتلاقي التوكيل يوصي بنزع زيت معين او ما يكافؤه من زيوت
هنا في مصر هيونداي بتوصي باستعمال شل مثلا
ولما قريت مانيوال الفيرنا بتاعتي لقيت ان شركة هيونداي الكورية الأم تنصح باستعمال زيوت كاسترول او ما يعادلها من زيوت
الوكيل ملهوش حق يتحكم في نوع الزيت خالص على فكرة ودا شيء عمره ما يخرجك من الضمان وإلا يبقوا بيستعبطوا!

المشاركة الأصلية كتبت بواسطة alaasaid

السلام عليكم .

شكرا على المعلومات المفيدة و يا ريت بقى عشان الافادة تكمل واحد من الزملاء يقولنا الانواع و كل نوع بيقعد كام كيلومتر و السعر .

الأسعار فيه زميلنا جابها في موضوع انا كنت عامله قبل كدة
اما عن الانواع والمسافات فكالتالي:-

كاسترول ايدج بيمشي 15000 كم او 12 شهر أيهما أقرب

كاسترول ماجنيتيك بيمشي 10000 كم او 12 شهر برده ايهما اقرب

كاسترول جي تي اكس بيمشي 5000 كم او 12 شهر برده ايهما اقرب

معتقدش هتحتاج تستعمل حجات تانية غير دول

طبعا الايدج تخليقي كامل

الماجنيتيك نصف تخليقي

الجي تي اكس معدني بالكامل

المشاركة الأصلية كتبت بواسطة ayman-ahmed

السلام عليكم ورحمة الله وبركاته

معلش يا جماعة ممكن تفيدونى فى حاجات محيرانى:

-انا بستعمل شل الترا 10000 وفاضلى 3000 كم وانزله وعاوز اجرب زيت تانى لاننى حاسس انه سبب علو صوت الموتور(ولا مش عارف ده العادى فى النيو اكسنت).

-من كتالوج العربية الزيت المفضل استخدامه طبعا شل ولكن الخيارات الاخرى :

Api service sm or above

ilsac gf-4 or above

ولو الاتنين غير موجودين يبقى :

Api service sl ,على الا تكون درجة لزوجته sae 5w-20

ومن موقع كاسترول :

الايدج :

المواصفات:

* يلائم: Api sl/cf, acea a3/b3/b4
* مُثبت. Vw 502 00, vw 505 00. Mb 229 3. Bmw longlife98

الماجنيتك :

• تحتوي تركيبته على أفضل ما في فئة api sl/cf.
• اللزوجة: Sae 10w-40.

اعمل ايه بقى.؟ ايهما انسب؟

مشكورين

عربية حضرتك عاملة كام كيلو ؟!
منها هنحدد !
بس مبدئيا بما انك بتستعمل شل الترا يبقا حط كاسترول ايدج يا عزيزي وصدقا لن تندم ان شاء الله
انا عن نفسي حاطه في عربيتي وراضي تماما عن أداؤه !