علامة الرينو ب 310 جندى

**Morgan** · 17-05-2011 01:51 PM

ا[overline]نا اشتريت عربية لوجان مستعملة من واحد كان شاريها واول يوم اشتراها اتسرق منه علامة الرينو الخلفية اللى على الشنطة(عادى وبتحصل فى احسن العائلات والعربيات وده هو سلو بلدنا) مش دى الطامة ..الطامة او الطوبة الكبرى انا قلت اتصل بالتوكيل علشان اشتريها من عندهم بعد ما اتصلت بالرقم المختصر كلمت فرع سموحة وبعد محاولات كثيرة فكرتنى بايام زمان لما كنت بتتصل بدليل التليفونات ويلطعك ساعة المهم قالى انها ب 310 جندى ومفيش فصال ده احنا التوكيل..حد يعرف هى كام جرام فضة :)
يا ريت حد يدلنا على حد بيبعها فى اسكندرية او القاهرة بس تكون زى الاصلى عشان انا شفت واحده باللزق[/overline]

**elshaky** · 17-05-2011 02:14 PM

يا باشا العلامه فى التوفيقيه ب 10 جنيه تقريبا والاتنين ب 25 جنيه
معلش اصلا مفيش حد يتصل بتوكيل يقلهم علامه الرينو بلاش تشويه لسمعه العربيه وبلاش كلام تانى يا ريت محدش يرد بعدى وبطلب اغلاق الموضوع

**clenceman** · 17-05-2011 02:19 PM

انا سألت علي العلامة الأمامية من شهر بالضبط كانت ب 85
بس ما سألتش على الخلفية بصراحة

وعموما لو بتنزل القاهرة قدامك حل من اتنين

1- لو عاوز حاجة تمشى بيها حالك بالذات انه خلفية وممكن تتسرق تانى ,, روح عالتوفيقية ومش هاتعدى 10 جنيه
2- لو عاوزها أصليه , مكان جديد لقيت عنده حاجات كتير للوجان منها العلامة
المكان ده عبارة عن محل فى الدور الأرضى فى عمارة جنب جريدة الجمهورية فى وسط البلد اسمه توشكى فرانس
كنت جايب الأمامية أصلية مستوردة ب 45 جنيه
وان شاء الله تلاقى عنده الخلفية

**MOUSTAFA_SAAD** · 17-05-2011 02:28 PM

توشكى فرانس ده محل بيع جديد ولا مستعمل

**clenceman** · 17-05-2011 02:30 PM

يا باشا العلامه فى التوفيقيه ب 10 جنيه تقريبا والاتنين ب 25 جنيه

الراجل عاوز حاجة أصلية
معلش اصلا مفيش حد يتصل بتوكيل يقلهم علامه الرينو بلاش تشويه لسمعه العربيه
لما الراجل يسأل ويستفسر مننا اعتقد مفيش فيها حاجة
ودا عمره ما يشوه صورة العربية
وبلاش كلام تانى يا ريت محدش يرد بعدى

المنتدى معمول عشان كلنا نتواصل ونتبادل الخبرات
وبطلب اغلاق الموضوع
الراجل ماعملش حاجة تنافى قوانين المنتدى