هنا لانتخاب الاعضاء اللى حيمثلونا فى زيارة التوكيل

**MOUSTAFA_SAAD** · 24-05-2011 05:08 PM

السلام عليكم

الموضوع ده علشان نتنخب مجموعه من 4 او 5 اعضاء علشان يمثلوا ملاك العربيه فى زيارتهم للتوكيل والتفاوض معهم ومهمتهم الاتى
1 - تحديد قطع الغيار المبالغ جدا فى سعرها ومقارنتها مع اسعارها فى نفس الفئه من السيارات الاخرى , وده اهم موضوع علشان منروحشى على الفاضى ويطلع فى الاخر احنا بنتكلم فى كلام فارغ فى فروقات السعر لان المشكله ان محدش فينا يعرف اسعار قطع غيار باقى العربيات فى توكيلها نظامها

2 - زيارة التوكيل ومحاولة اخد ميعاد لمقابلة مسئول وصاحب قرار هناك وده ممكن يحتاج عدة مشاوير لان مش من السهوله انه يخلص فى جلسه واحده او تقابل المسئول من اول مره

مطلوب من الاعضاء دول انهم يملكوا الوقت والصبر والقدره على الحوار والموضوع مش اجبار على احد يعنى انا عن نفسى حارشح ringoo _ gebreel _Dr.Karim Emam ودول الاعضاء اللى اتكرموا فى القسم لنشاطهم وافادتهم لباقى الاعضاء ( وانا مش عاوز حد يفهمنى غلط ان انا قصدى احرجهم او شىء من هذا القبيل لانهم اعضاء قدامى بس انا حاسس انهم فعل عندهم قدره على الحوار والاخد والرد )

اللى حاسس انه مش حيقدر يقوم بالمهمه بسبب البعد الجغرافى او عدم وجود الوقت يعتذر بدون اى حرج لان الموضوع ده خدمه حيقدموها لينا بدون مقابل يعنى محدش يجبر حد على حاجه

ومنتظر ترشيح باقى اخوانا الاعضاء

**gebreel** · 24-05-2011 05:16 PM

بص يا مصطفى القصة دي اتعملت في بروتون و جابت فعلا نتيجة بس كانوا طلبوا من الاعضاء في الاقسام الثانية انهم يجيبلهم اسعار قطع غيار من توكيلاتهم بحيث تبقى المقارنة توكيل بتوكيل فعاوزين نعمل الموضوع ده

و ولو نعرف ناخد صورة من المقايسات اللي اتعملت للوجان و اعتقد اني اقدر اجيب واحدة من العقيد خالد كنا بنتكلم على الموضوع ده قبل كدة و قالي انو تقريبا عندو صورة من مقايسة

نرتب ورقنا قبل مانطلع على هناك

**a7madahly** · 24-05-2011 05:32 PM

لو عايزين منى اى مساعده انا فى الخدمه

**MOUSTAFA_SAAD** · 24-05-2011 05:37 PM

المشاركة الأصلية كتبت بواسطة a7madahly

لو عايزين منى اى مساعده انا فى الخدمه

ياريت واى حد شايف انه عنده المقدره على القيام بالموضوع ده يتفضل لان الحكايه دية ملهاش علاقه بالاقدميه فى القسم ولكن المفروض يكون ليهم المواصفات المطلوبه فوق بس للاسف الواحد مايعرفشى غيرالاعضاء القدامى فياجماعه اللى شايف نفسه مؤهل للموضوع ده يتفضل

**amrelzawawy** · 24-05-2011 06:15 PM

استاذ مصطفى سعد هو على راس المجموعه دى فعلا صاحب جهد مشكور وجدى جدا ومن الناس على درجه عاليه من الكفائه..... وارشح كمان استاذ ابو مريم اول من عانى من مشكله قطع غيار والمقايسه المشهوره ياريت عشان الموضوع يكون منظم لو امكن ترشيح اسماء عن طريق استطلاع فى الموقع يبقى كتر خيرهم لو مرضيوش ترشيح 5 اسماء على الاقل ويكون عندهم استعداد وموافقين واللى عايز يكلم رئيس المجموعه استاذ مصطفى ...دكتور كريم مش عارف بحكم اداره للموقع وعلاقاته مع التوكيلات هيرضى يكون طرف ولا لا استاذذ جبريل من زمان معانا وجه وقته لاظهار مجهوده وفيه استاذ هيثم صاحب جهد مشكور ....بالنسبالى استاذ مصطفى سعد .... استاذ ابو مريم .....استاذ جبريل ...استاذ هيثم ... دكتور كريم لو يقدر واللى عايز ينضم تيليفون واحد منكم يترك للاتصال به .... واى تفويض كتابى انا معاكم

**haytham1542** · 24-05-2011 07:39 PM

انا ارشح الاستاذ مصطفى سعد لايجابيته
و ايضا الاستاذ وسيم ناصر

**MOUSTAFA_SAAD** · 24-05-2011 07:55 PM

ياجماعه الله يخليكم والف شكر على الثقه الغاليه دية بس انا للاسف من دمنهور وحيبقى صعب جدا ويكاد يكون مستحيلعلشان ظروف شغلى كمان انهى اقدر اتابع الموضوع ده وانزل القاهره عدة مرات
فالموضوع عاوز حبايبنا من القاهره وخاصة اللى ظروفهم تسمحلهم بالوصول للتوكيل بدون عناء وانا رشحت التلات اعضاء و مش عارف للاسف اذا كان فيهم حد من خارج القاهره ولا لا غير استاذ جبريل اللى واضح انه من مدينة نصر زى ماهو كاتب
وعموما انا عملت موضوعين فى قسم اللانوس والهيونداى للسؤل عن قطع الغيار فى التوكيل هنا

http://www.nilemotors.net/Nile/221640-a.html

http://www.nilemotors.net/Nile/221642-a.html

**mosomodo** · 24-05-2011 08:03 PM

ياريت اولا: انتخاب المجموعة اللى تمثلنا و تدير عملية التنظيم و التفاوض.
ثم ثانيا: تحديد موعد محدد مع الوكيل واعلان هذا الموعد لنا لحضور اكبر عدد منا لهذه المقابلة (مشهد مهم) على ان يتحدث فقط المجموعة المنتخبة و ده هيكون شكل حضارى يجمع بين = امكانية التفاوض مع الوكيل + اظهار الاعتراض عمليا + نتعرف كلنا على بعض و نبقى ايد واحدة لكل ما يخص اللوجان بتعتنا فى المستقبل.

وشكرا للجميع.

**waleedfadeel** · 24-05-2011 08:30 PM

انا موافق على من تختاروه وياريت نحط الاسماء مجمعة فى صورة استفتاء وبالاصوات

-

الموضوع: هنا لانتخاب الاعضاء اللى حيمثلونا فى زيارة التوكيل

LinkBack

أدوات الموضوع

عرض

هنا لانتخاب الاعضاء اللى حيمثلونا فى زيارة التوكيل - انشر الموضوع فى :

-

-

-

-

المواضيع المتشابهه

دعوة الى الاعضاء لانتخاب محمد مرسى

تيل الفرامل وإعادة التأمين و زيارة بدون حجز و تعامل رائع من التوكيل

بعد زيارة التوكيل اليوم

مشكلة الـ rpm رايح جاي - وما بعد زيارة التوكيل

الكلمات الدلالية لهذا الموضوع

المفضلات

المفضلات

ضوابط المشاركة