يعنى ايه اشتغل عشان البلد تمشى ياريت حد من اللى بيقول الجمله دى يفهمنى معناها

**misoalex** · 18-05-2011 12:52 AM

المشاركة الأصلية كتبت بواسطة otefa

طبعا الأمن رقم 1
أنا شغال في الكويت ومتردد جدا أنزل أجازة في الصيف علشان مش مطمن للأمن وغيري كتير بيفكر بنفس التفكير
بس عاجبك أعتصامات الأطباء الأخيرة كمان
وماسبيرو
طيب الأمن هايعمل أيه في وعي الناس دي ألي بيدورو على مصالحهم في وقت غلط!

لا طبعا مش عجبانى خالص المظاهرات الفئويه حاليا خالص
حتى اعتصام الاخوه المسحين انا بعتبره مظاهره فئويه
لان الموضوع مدبر ووراه ناس هى اللى عملته وناس تانيه فى الحكومه ساعدت انه يكبر اكتر من كده بالتكاسل وعدم اداره الازمه صح

لو الشرطه اتحركت فى اول الامر مكانش الموضوع وصل لكل ده من اول الموضوع خاااااااالص ليه الشرطه مسيطرتش على الامر
ليه كل مصيبه دلوقتى بتحصل بنلاقى فيها الشرطه والجيش واقفين يتفرجو ولما الموضوع يولع ويكبر يتدخلو ويضربو رصاص فى الهوا ويفركشو

طيب ليه مش الاول ليه

ومش حضرتك بس اللى عايش بره ومش حتنزل الصيف ده ناس كتييييييييير مصرين مش حينزلو الصيف ده
طيب يبقى ايه نظام الاخوه العرب اللى كانو بينفعو ناس كتير هنا من اول سواق التاكس والسماسره لحد الاماكن الكبيره والفنادق السياحيه وغيره

مش عارف احنا رايحين فين

**misoalex** · 18-05-2011 12:55 AM

المشاركة الأصلية كتبت بواسطة تامر.محمد

انت لسه شاكك ان فيه مؤامرة ؟

بكدب نفسى :((

**misoalex** · 18-05-2011 12:59 AM

المشاركة الأصلية كتبت بواسطة khaled_nowaihy

البلد كانت واقعة من قبل الثورة أساساً
بطالة .. أزمات بنزين وعيش وسولار وبوتاجاز
القائمين على ادارة شئون البلاد مسكوها خربانة أصلاٌ
ما فيش حد منهم قادر ياخد قرار فى أى حاجة
كله خايف من كله
حط عليهم بتوع ماسبيرو ... والمصطلحات الجديدة اللى ظهرت دلوقت ... العلمانية والليبرالية والميكافلية والسلفية والأقباط
الثورة اللى حاربت الفساد وأسقطت رموز الفساد تحولت الى حوارات سفسطائية
ومظاهرات فئوية وازدهار للبلطجية
والحرامية اللى ماليين البلد ولسه ما حدش قرب لهم لحد الآن
اللى وقعوا بس هم مبارك وعائلته وبعض أعضاء الشلة
سمك لبن تمر هندى

مهم سابو سوزان وحيسيبو مبارك وحبسو واعتقلو الشعب والثوار
والحراميه والبلطجيه لسه بياخدو اوامر من الشرطه وطلع ان فيه بلطجيه منهم فى حادثه امبابه الاخيره

زى منت قولت كده بالظبط سمك لبن تمر هندى

**viper911s** · 18-05-2011 01:01 AM

الفكرة يا ميسو ان الاضرابات والاعتصامات مش مدية فرصة لتدوير الحركة الانتاجية
انا شركتى فى احتمالات انها تقفل بعد فترة او تستمر محدش بقا عارف حاجة المكان بيخسر مش بيكسب
يعنى هقولك حاجة (احنا فى الشغل عندنا عمالنا اضراب داخل الشركة مش على طريق وقولنا طلباتنا وكملنا شغل لحد وقت الراحة ورجعنا الى الادارة وفى النهاية نفذوا اغلب المطالب
معادا واحد وقالوا انوا محتاج مناقشة وبعدين يتقرر ولازم المركز الرئيسى يتدخل والكلام دة بس الى الى انا بتكلم علية انك لو عاوز تضرب متوقفش الشغل يكون ماشى الشغل ليك ولغيرك

**misoalex** · 18-05-2011 01:08 AM

المشاركة الأصلية كتبت بواسطة viper911s

الفكرة يا ميسو ان الاضرابات والاعتصامات مش مدية فرصة لتدوير الحركة الانتاجية
انا شركتى فى احتمالات انها تقفل بعد فترة او تستمر محدش بقا عارف حاجة المكان بيخسر مش بيكسب
يعنى هقولك حاجة (احنا فى الشغل عندنا عمالنا اضراب داخل الشركة مش على طريق وقولنا طلباتنا وكملنا شغل لحد وقت الراحة ورجعنا الى الادارة وفى النهاية نفذوا اغلب المطالب
معادا واحد وقالوا انوا محتاج مناقشة وبعدين يتقرر ولازم المركز الرئيسى يتدخل والكلام دة بس الى الى انا بتكلم علية انك لو عاوز تضرب متوقفش الشغل يكون ماشى الشغل ليك ولغيرك

طيب راجع الاحداث الفتره الاخيره حتلاقى مفيش اى مظاهره او اضراب حصل او حتى لو حصل حيبقى زى محضرتك قولت داخل شركه او يوم واحد كده عشان يلفتو النظر وخلاص ومحدش سمع عن حاجه اصلا

طبعا بخلاف الازمه المصطنعه الاخيره بتاعه امبابه اللى محدش عارف مين وراها وكلها تكهنات ومحدش عارف الحقيقه

فيه حاجه غلط

**ahmed-moga** · 18-05-2011 01:09 AM

حكومة شرف بما فيهم سمير رضوان وزير الماليه خربها وقعد علي تلها علشان نقول ولايوم من ايام مبارك ياريت ايام مبارك تعود دية خطه موضوعه وبتتنفذ بدقه بالغه هو سمير رضوان مش كان من حكومه احمد شفيق واللي اختاره احمد شفيق هتنتظروا خير منه ولاتطور اقتصادي ديما عجز في الموازنه وعماله تتفاقم يوم ورا يوم وشهر ورا شهر حسبنا الله ونعم الوكيل

**misoalex** · 18-05-2011 01:14 AM

المشاركة الأصلية كتبت بواسطة ahmed-moga

حكومة شرف بما فيهم سمير رضوان وزير الماليه خربها وقعد علي تلها علشان نقول ولايوم من ايام مبارك ياريت ايام مبارك تعود دية خطه موضوعه وبتتنفذ بدقه بالغه هو سمير رضوان مش كان من حكومه احمد شفيق واللي اختاره احمد شفيق هتنتظروا خير منه ولاتطور اقتصادي ديما عجز في الموازنه وعماله تتفاقم يوم ورا يوم وشهر ورا شهر حسبنا الله ونعم الوكيل

والعيسوى الباشا الكبير اللى قاعد فى المكتب وسايبها تخرب وسايب رجالته يعملو الى عاوزينه وقاعدين يقزقزو لب فى مكاتبهم
والله والله الناس بقت تروح دلوقتى من الساعه 11 باليل
الناس بتخاف تمشى فى الشارع

احنا فى نص شهر 5 يعنى المفروض فى اول الصيف ومش باين ليها صيف السنه دى بالوضع ده

**tarekomar66** · 18-05-2011 01:17 AM

انا رأى مختلف معاكوا شويه يعنى اقصد العجله ها تمشى ازاى الا اذا كان فى رؤوس اموال ودى بتيجى منين غير من رجال الاعمال اللى هما يا اما منهم فى التحفظ او مستنى دوره فى التحفظ او ماشى سليم وخايف يلطه اى شكوى وتبقى فضيحه وبعدين نتأكد انه شريف ساعتها رأس ماله اللى هوه سمعته " طبعا بخلاف فلوسه " هايبقوا فى الارض وحاجه تانيه ان الحكومه الانتقاليه مش قادره تاخد قرار من الخوف يطلع واحد تانى يوم مش عاجبه القرار دا يقوم يقول شوفتوا اهوه من فلول النظام السابق
اعتقد ان الموضوع محتاج شويه حزم بقى من القياده العسكريه ونزول فعلى للشرطه وقرارات وسياسات واضحه من الحكومه وكل دا يعلن واحنا علينا نديهم الفرصه المناسبه للتنفيذ

**BUNSH** · 18-05-2011 01:20 AM

مش مقتنع بحتة المؤامرة دى ...

أنا حاسس بمؤامرة من أطراف تانية طامعة فى الحكم و بتقوى الفتن ( الإخوان )

الاسم حركى بتاعهم دلوقتى الاوائل ...

-

الموضوع: يعنى ايه اشتغل عشان البلد تمشى ياريت حد من اللى بيقول الجمله دى يفهمنى معناها

LinkBack

أدوات الموضوع

عرض

-

-

-

-

-

المواضيع المتشابهه

حد يفهمنى يعنى ايه انذار upgrade

كيا برايد تطلع من سوبارو امبريزا؟؟ يعنى ايه حد يفهمنى

ياريت تقولولى الحاجات دى معناها ايه فى 128

الكلمات الدلالية لهذا الموضوع

المفضلات

المفضلات

ضوابط المشاركة