الموضوع: تابلوه ابيزا

المشاركة الأصلية كتبت بواسطة windsofchange

طيب انا هعمل زيك برده يا سيد باشا انا عندي طق من الصهد من الجنب اليمين.... لأن العربية وقفت فالشمس يجي شهرين كده السؤال دلوقت افضل مادة نلزقه بيها ايه؟ امير ابو جنيه ولا 2 وكده ولا ايبوكسي الانبوبتين اللي بيتخلطوا علي بعض ب8 جنيه؟ ولا حاجة تانية

والله ياباشا انا احتمال كبير جدا الزقها فعلا لأن الاسعار نظام هبل اوي
يا أما الطابلوه كله ب 500
يا أما الكونسولة ب 350 مستعمل بس بهوايات التكييف والمفاتيح الزجاج والطفاية والولاعة
يا أما الكونسولة جديدة فاضية تماما من غير حتي مسامير ب 320 من التوكيل

اعتقد اللزق احسن حاجة (أمير او ايبوكسي او حتي جن ازرق) اعتقد هيبقي اوفر ولو جلدتها بالكروبون او اي استيكر او فينيل هتبقي اوفر وارخص

المهم في الموضوع الفك والتركيب

انا جربت الزقها وهي راكبة صباعي لزق فيها وبردو اللزق فك وخسرت بس انبوبة الأمير علي الفاضي ولقيت واحد جاري دمه تقيل جه اقعد جمبي واقعد يرغي وبصراحة حاول يساعدني واعتقد هو الي بوزها كتر خيره

انا صورتها دلوقتي ولما الزقها هقولكوا النتيجة وبردو هصورها تاني انشاء الله

والله المستعان
،
،

المشاركة الأصلية كتبت بواسطة m.mostafa80

هو كان عايز تركيز شويه اكتر من كدا

يا استاذ مصطفي انا والله فكيت بكل الحذر زي ماحضرتك قولتلي
بس المشكلة وانا بفك المسامير بلاقي تحتها مكسر
مش ذنبي
وبالنسبة للتركيب كان بنفس الحذر

المشكلة في اللزق هو الي زبالة والواد ايده مش حلوة في الشغل
هو كان محل ومشهور كمان في شارع المطبعة بس مش هقول اسمه وربنا يسامح الواد الي اشتغل ودة الي مخليني ماقولش اسمه ولا اعمل شوشرة للمحل لأن المحل مالوش ذنب الواد هو السبب وممكن يمشي او يقعد لكن المحل مالوش دعوة خالص

المطلوب دلوقتي حد يكون بيبيع الطابلوه كامل بسعر كويس وحالة كويسة وياريت لو الطابلوه بتاع عربية كاملة عشان مش ناوي افك واركب من الطابلوه القديم

حد يعرف محل عنده المواصفات دي ؟؟؟
واكون شاكر جدا

والله المستعان
،
،