بيكانتو ولا الانوس

**mohammed tanta** · 21-04-2008 11:06 PM

والله يا جماعة انا حيران بنهم اوي ومش عارف اي فرق الاوبشن الي فيهم فيريت حد يساعدني

**hazem_khidr** · 22-04-2008 12:21 AM

طب حضرتك حدودك السعريه ايه؟؟
و يا تري فارق معاك الشنطه و لا لاء.
بس البيكانتو حكايه الصراحه و الكل بيشكر فيها لو حاببها توكل علي الله مش حتزعلك
و اهم شئ الاستخاره

**mohammed tanta** · 22-04-2008 12:34 AM

يعني علي65انا هي الشنطة مهمة لكن ممكن اركب شبك علي البيكانتو لما اسافر المهم مين احسن كسيارة كسواقة واتزان وتحمل اصل انا مش ناوى اغيرها قبل 5 سنوات

**fahd_628** · 22-04-2008 12:43 AM

انا رأى لانوس لأنها اكبر و اقوى فى المحرك و تستحمل سفرك و شنطتها اكبر من البيكانتو بكتيير

بس البيكانتو ممتازة و موفرة اكتر فى البنزين و عربية فوق الممتازة للمدينة

مادام انت حتحتاج الشنطة يبقى خليك فى الدايو عربية ممتازة و اثبتت كفائتها فى مصر

**amr_elrashidy** · 22-04-2008 11:42 AM

اذا كنت بدور على عربية قوية و تقيلة و عائلية يبقى اكيد اللانوس..انا معايا بيكانتو 2004 فعلا حكاية..بس سواقتها ناعمة زيادة (حريمى شوية)..بس راحة مابعدها راحة..كان عندى لانوس 1 من فترة كنت بحس انى راكب عربية تقيلة على الارض و صاج طبعا و شاسيه جامد..لكن حريقة بنزين بالنسبة للبيكانتو..و طبعا من ناحية قطع الغيار و الصيانة اكيد الدايو اسهل و ارخص بكتير..إعادة البيع بعد كده العربيتين مطلوبين جدا جدا..يتباعو فى ساعه

**أبو ياسين** · 22-04-2008 12:51 PM

بيتهايقلى الانوس احسن بشكل عام
اوسع
اوفر (انا بدفع 50 ج مصنعيات فى التوكيل كل 5000 ك + الحاجات الطبيعيه)
قطع غيار ....متوفره فى كل شارع
تحمل سفر و طرق مدغدغه (عن البيكانتو طبعا)
انا مجربتش البيكانتو بس بيتهيقلى الانوس هتبقى اكثر ثباتا على الطريق عشان الوزن
و ربنا معاك