الموضوع: وحدات إضاءة جيدة ومتنوعة _ فيــــــــن ؟

السلام عليكم و مساء الخير
الف مبروك و ربنا يصلح حالك
و انت مغمض كده تروح الحرمين بشارع هارون الرشيد و موش هتمشى الا لما تاخذ حاجتك كلها و انصحك بالاتى :-
1 / غرف النوم و الحمامات طبق زجاج صينى 4 لمبه موفره ب 60 الى 70 جم و زى الفل .
2 / المطبخ كشاف نيون 120 سم 3 لمبه او 2 لمبه حسب المساحه.
3/ الاستقبال و الصالون و السفره نجف استالس مط ( الكريستال شيك لكن هيتعبك فى نظافته ) صينى متوسط الواحدهمن 200 الى 300 جم وبها من جوه 4 لمبه و هتديك اضاءه زى الفل .اللمبه الموفره الواحده اللى 15 وات تدى اضاءه 65 وات يا حيلاوه.
4/ الاباليك تجيبها زجاج او عندهم اباليك حلوه من الرخام ( الصناعى ) محدش هيعرفها - بس شكلها رائع الواحد ب 80 جم متوسط.
5/اللمض كلها تجيبها موفره مقاسات صوابع او سبيرل ( مللولوه ) بس الصوابع احسن .
6 / اللمبات الموفره فى منها اللى بيدى لون ابيض نيون - متعجبنيش بس بيحطوصها فى الحمام - و الباقى كله وورم ليت - يعنى تديك لون زى اللون العادى وده احسن.
7/ ماركات اللمض احسنها الاوزرام يليه الفيلبس ثم الصينى و الصينى منه انواع مضمونه و مجربه .
8/ ممكن ادلك على واحد عنده لمض صينى و مجربه متوسط اللمبه ال 15 وات ب 11 الى 12 جم للعاديه الابيض و من 12 الى 12.75 للورم ليت.
9/ لا تنسى 2 كشاف طوارئ لزوم انقطاع الكهرباء احسنهم ماركه صن شاين تجيبه لمض ليد 30 سم ب 80 الى 90 جم متوسط و لو علشان التكلفه فيه دوايه صينى بها 18 لمبه ليد بشحن كهربائى ب 25 جم.
10 / لا تنسى طقم سماعات كرييتف بتاعه الكمبيوتر 5.1 شانيل - علشان توصل بيها الريسيفر و تعمل كده هوم ثييتر ب حوالى 250 جم بدل ما تدفع 1200 جم - تبقى تدعيلى و انت بتسمع موسيقى البرنامج الموسيقى بعد 11.30 مساء على محطات الراديو بتاعه الريسيفر .
11 / البلكونه تحط فيها ابليك جنب من كارفور - او سبينس بيبقى فخار و شكله تحفه - ب 50 جم متوسط - و لازه يكون مفتوح من تحت علشان الاضاءه تعلم على الارض و السقف - ادعيلى .
يستحسن و انت بتختار وحدات الاضاءه - انك تجيب الوحدات اللى اللمبه موش باينه فيها - لان الكتاب بيقول تحس بالنور لكن متشوفهوش.( المقصود وهج اللمبه ميبانش ).
12/ لو المدام مصممه على النجف الكريستال و حضرتك لو موش هتقدرتقاوم رغبتها - هات النجف الكريستال و هاقولك على واحد عنده لمبه نجفه شكلها زى الدمعه كده بس موفره - هى احسن لان الحراره بتبوز الدوايه و بتسخن الكبلات وده غير استهلاك الكهرباء العالى .
13/ لو تتركب موتور مياه نتركبش اوتوماتيك من اللى فى سوق - فيه نوع ايطالى من شركه ايطال ميكانيكا - بيشتغل اوتوماتيك و بيفصل الكهرباء عند انقطاع المياه و بكده ضربت عصفورين بجهاز واحد.
14/ فلتر المياه العمومى ضرورى - يركب مره واحده و الحشوه بلاستيك بتتنظف بس كل شهر - وده ضرورى وده ب 110 جم تقريبا - اما ببشرب فلتر ثلاثى من يونيون تك - بيتصدر لامريكا بسعر 150 الى 180 جم تقريبا و تشرب منه ميه لوز.
15 الشفاطات تجبها ماركه الرائد - صناعه سعوديه الموتور انجليزى يا معلم - و ارخص من المصرى و اجود ال25 سم بحوالى 150 تقريبا
16/ البرايز و المفاتيح و اللقم و الوشوش سعودى ماركه الف alf ارخص من البيتشينو وعليها ضمان 25 سنه بشتغل فيها من 6 سنوات لما باسعاعد صحابى فى تشطيب شققهم
سف دوشتك بس انت اللى دست على الزرار و انا فى الخدمه .
اخبار الطوب الحرارى ايه ؟


دمت بود