الموضوع: ايه أخبار المازدا 3 الأيام دى أصلى ناوى اشترى ؟

شباب انتوا خرجتوا برا الموضوع الراجل بيسأل انهى احلى الصنى ولا المازدا
بص ياباشا انا معالك الصنى تقفلها وحش جدا و لو حظك بقى لو جتلك العربية فيها عيوب فى جلد الشباك لان فى واحد قريبى جاب صنى و انا لما شوفتها طلعت منها جلدى شبالك مش مقطوع لالالالا دا مش مطبوخة كويس و لا محطوطه عدل و متحرركة من مكانها ..........كمان عامل العزل الخاريجى سئ سئ سئ
اما المازدا ما شاء الله عليها شبابى اوى شيك
بتيجرى كويس الطلعة الاولينية كويسة اوى
العفشة حلوة
العزل ممتاز بس سعات انتا بتسمع صوت احتكاك الكاوتش مع الاسفلت
التكيف ثلاجة حتلاقى فيها 2 مروحة مش مروحة واحدة و مش بيأثر على سرعة المتور خالص غير الهوندا
عالية رغم بردوا المطبات فى مصر لازم تحك فيها
ثيات و الفرامل كويسة جدا
و خوش على النت http://www.mazda3-eg.com/ عشان تعرف المواصفات كلها
حريقة بنزين
لو انتا قصير مش طويل حتحس ان العربية واسة اوى

جائز بس هيا هيا نفس المشاوير

يا رب يا دوك الموضوع الاستهلاك دا يقل
انتا عامل كام كيلو فى عربيتك
انا عامل 4600 كم هاى لين
و قولى تعرف مكان طرمبة البنزين فين عندنا و كمان نوع البطارية جافة ولا .....
و جبت ليها اكسسوارات ولا اية الظروف

المازدا مازدا برضو

ياباشا متقارنش المازدا بالصنى علشان متظلمش الصنى
بص انا ركبت الاتنين و سقت الاتنين

1 - المازدا اعلى ارتفاع من الصنى الصنى بتحف ف اي طوبه في الشارع
2- المازدا شكل احسن بكتير واحدث لان تابلوه الصنى هو نفس تابلوه صنى 2001 قاعدين يغيرو فوانيس بس
3- سحب الصنى احسن من مازدا 3 لان فتيس مازدا 3 تحس انه كسلان و عاوز تصحيه
4-ثبات المازدا 3 لايقارن باي عربيه في فئتها لاصنى ولا سيراتو ولا هوندا هى عبارة عن ثبات
5-وسع الصنى و شنطتها اكبر
6- رفاية و تقفيل و جوده خامات طبعا للمازدا كفاية ان تابلوة الصنى مفيش فيه نقطة جلد
7- المازدا يابانى 100% غير الصنى التقفيل المصرى
8- قطع غيار و مراكز صيانه الصنى تكسب و خصوصا انك من المنصورة زيي انا لازم اسافر القاهرة علشان اعمل للعربيه صيانه ده غير قطع الغيار الحراقه

من الاخر لو مش فارق معاك الفلوس هات مازدا وانت مغمض بس يارب تلحق سعرها ال 128000 الى كلنا اشتريناه عليها مع انى سمعت انها بقت ب 138000 ال 2011
المنصورة معرض مازدا : احمد موتورز موزع معتمد من غبور - شارع الترعه امام مستشفى الصدر
او المصرية للسيارات -اولينجيل- شارع سعدزغلول - امام فيلا المحافظ