اوكى انا معاك فى كلامك بس ردك هو اللى قاسى شوية كان ممكن تقوله بطريقة تانية افضل ولو حضرتك عاوز تتأكد من الكلام روح شوف الصنى فى المعارض وهقولك عيوب التقفيل المصرى ايه ::
أولا بغض النظر عن أن الأجزاء يابانية فالعربية الفنيش بتاعها زى الزقت شيا الجلد بتاع الأبواب وهتلاق لحامات ظاهرة اوى كأنها طالعه من عند واحد سمكرى حمار ومخبيين الحاجات دى بالجلد والكلام ده ظاهر اوى جسم باب الشنطة والكبوت دا انا لو بعمل عربية بيجو 504 موديل 77 هتبقى احسن من كده
ثانيا :: معظم اجزاء الموتور مكشوفة ومفيش فيها اى وسائل حماية وشوف بنفسك هتلاحظ ان العربية مش جاية من اليابان لأ جاية من كوالا لامبور ..
ثالثا :: الأجزاء الداخلية مفيش فيها اى حاسة من حواس الذوق كلها ضعيفة وممكن تتكسر لو نفخت فيها وشوف مفاتيح الفوجات وذراع النور وغيرة وغيرة
رابعا :: هل تتخيل ان فى عربية بنقول انها مناسبة للطرف المصرية ومفهاش كرتيرة فى فجاوى العجل يعنى 504 طلعت بعمرها ...
فبغض النظر برده عن كل الحاجات دى ... العربية حلوة والناس بتقول عليها مناسبة للمصريين كعفشة بس فقط لا غير ولا اى حاجة تانية ...
وبعدين 28 ألف الفرق دول انا قصدى قصاد التكنولوجيا اللى فى المازدا وصناعتها اليابانى وثباتها وشرعتا وتقفيلها اللى يبهر فهى تساوى وغير كده طب انا ممكن احن كمان 16 ألف واجيب كيا كارينز خليجى من عند مصرية وفيها طارة ملتى فنكشن وكاسيت تحفة ووسع ملوش حل وعلو عن الأرض وتكنولوجيا متقدمة برده بس فى الآخر كورى وحتى الراجل اللى هناك قالى انها مش حلوة علشان الموتور ضعيف ...
وأزود كمان واجين سيفيك وازود واجيب سكودا وازود واجيت جيتا وازود واروح فين بعد كده ..طب ما جيب بقه مرسيدس 1950 ولا 1960 واهى ماشية برده .. العملية لا تقاس بالشكل ده ازود على المازدا واجيب سيفيك فاضية أو سكودا فاضية طب وليه وانا فى ايدى نص مميزات الحاجات دى وارخص بكتير ...
واتمنى انى أكون وضحتلك وجهة نظرى ...
المفضلات