الموضوع: Diy عمل فوانيس ليدات

ههههههههههههه خلاص ماشي لو انت بترفعهم من علي imageshack ابقى اختار الريزليوشين 800x600 علشان تتطلع مظبوطة وراعي النس اللي عندها شاشات صغيرة يا اخي

انا ليا سؤال هو شكل الاشارة ده في وراه معنى ولا هو مجرد شكل علشان انا مش مرتاحلو

المشاركة الأصلية كتبت بواسطة smsm_nabawy

هههههههههههههههههههههه !! لالالالا ،، متقلقش !! :))

دي صورة و خلاص !! :))
عامةً انا عامله كده ،، بحيث اني لما أعمل اليمين كمان ،، أوفسيت ليه !! ،، و أنور الأنتظار ،، بعد معمل بادبوي صغير كده على الأشارات برده !! يبقى شكلها جامد كده !!

حتشوفها لما تكمل ان شاء الله يا باسسم !!

بس متقلقش من الصورة يا بااسم

ماااااااااااااااااااااشي

موضوع جامد جدا تسلم ايديك

المشاركة الأصلية كتبت بواسطة tiktaktok2008

بص يا سيدي هتجيب الليدات الكمية اللي هتحتجها هات بزيادة علشان لو ليد باظ منك
1- ليدات علي حسب الرسمة بتاعتك في الفانوس ( الليد بـ 20 قرش أو 25 قرش وفي ناس بتجيبوا اقل من كده )
2- مكواة لحام ( من أول 4 جنية وانت طالع ) هات واحدة نضيفة متسترخصش واهم حاجة متسبهاش في الكهرباء اكتر من ساعة
3- كارت مخرم من عند الراجل بردو في حدود 4.5 وبيختلف السعر علي حسب الحجم
4- 2 متر سلك علشان التوصيلات ( سلك اللي هو رفيع ده مش لازم بتاع الكهرباء الكبير ) قول للراجل هتعمل بيه ايه و هو هيظبطك
5- لفة ازير للحام ( بتبدأ من 3 جنية ) هاتلك 2 لو مش متمكن من اللحام لسه
6- لو حبيت تجيب عواكس هات بس دي صعبة شوية و هتكلفك لو مش عايز بلاها انا مش عامل بردو علشان معرفتش اجبها
7- لو عندك مسدس شمع بالعود بتاعه علشان تلزق الكارت في الفانوس في الاخر يبقى قشطة مش عندك روح اشتري العود بس لواحده ولما تيجي تلزق روح عند البوتجاز و امسك العود و سيح طرفه و الزق يا معلم ومتكلفش نفسك حق المسدس وكمان لأنه مش عملي ( وده رأي طبعاً )
8- مقاومات من عند نفس ذات الراجل بتاع الليدات ودي هنقدر نحددها بعدين بس مبدئياً هاتلك مقاومات ( 270 اوم - 340 اوم ) 10 من كل نوع مش هيكلفوك جنية علي بعضه .

بس كده مش هتحتاج حاجه تانية وطبعاً احنا كلنا معاك لو احتجت أي حاجه أسأل أهل الخبرة ( أحمد عاطف - حسام نبوي ) وممكن تسألني وهفيدك علي قد ما اقدر

ملحوظة بس مهمة : شوف انت هتركب كام ليد في الفانوس وقولي علشان أقدر احددلك هتحتاج مقاومة كام إن شاء الله .

أشطه انا هنزل أجيبهم انهرده وهشوف ايه الدنيا وهبلغكم بالتفاصيل أول بأول حووووووول


طيب انا شوفت صوره كدا لفانوس شارك بعيد عنكم مشوفتهوش ف مصر قبل كدا المهم عاوز اعرف اللي من جوا دا ايه وممكن نعمله احنا ؟؟؟؟

اه صح نسيت باب اللوق الواحد يروحلها منين ياريت العنوان بالظبط وياسلام لو المحل اللي بيبع الليدات دي واجيب ال 5 مللي دل ولا أجيب ايه انا هجيب لون ابيض لأني مفيم الفانوس احمر ف كدا كدا مش هتبان لونها
ولو في حد ف مدينه نصر او كدا بيس بردو مفيش مشاكل

كل الشكر و التقدير لمن ساهم بمعلومه او بصوره فى هذا الموضوع ، بجد مش عارف اقول ايه اكتر من شكرا ، شباب دماغه زى الفل و ممكن يعمل اى حاجه ، للأسف انا معنديش اى فكره بعمل الدوائر الكهربائيه ، بس ان شاء الله استفاد منكم و اعرف اعمل حاجه لأنى احب الشغل بأيدى ، مع تمنياتى للجميع بالتوفيق اخوكم تامر