شكرا لكل الاعضاء اللى جابوا على اسئلتى و انا اسف لو طولت عليكوا فى الاسئلة
دلوقتى انا دخلت على الموقع لحساب قيمة المقاومة المطلوبة و اللى فهمته عبارة عن
1 - فى الخانة الاولى اكتب الفولت اللى هشغل عليه الليدات ( اللى هو 12 فولت )
2- فى الخانة الثانية اكتب الفولت بتاع الليد ( لما اشتريت ليد ابيض الراجل قالى انه 3.3 فولت )
3- فى الخانة الثالثة اكتب الليد كام مللى ( انا جبت 5 مللى )
4- فى الخانة الرابعة اكتب عدد اليدات اللى هستخدمها
و هو بيحسب و يدينى قيمة المقاومة ( فى حالة المدخلات السابقة ادانى مقاومات 470 اوم )
يا ريت حد يصححلى اللى انا قولته دا و لا غلط
و كمان انا ملاحظ انى مهما غيرت عدد الليدات لى الخانة الرابعة بيدينى فى الرسم كل 3 ليدات مع بعض على التوالى
طيب لو انا احتجت اركب اكتر من 3 ليدات اوصلهم ازاى
انا اسف طولت عليكوا بس الموضوع شيق جدا و جميل جدا
المفضلات