رابطة مالكي وعشاق التمبرا (الجزء الخامس)

**sohagy** · 06-08-2011 04:22 AM

ماشي يا استاذ وسام يا معلم .. يلا هقوم اسحر .. قبل الفجر

**aymanamr** · 06-08-2011 05:37 AM

ازيكوا يا شباب عاملين ايه في الحر ده مع الصيام با رب يكون الجميع بخير

**aymanamr** · 06-08-2011 05:39 AM

انا كونت كملت التانك 80 مرتين علي مدار الشهر اللي فات لاني كونت في البنزينه بغسل واستفزني ان مكنش فيه حد ولا تابور انا محستش بفرق في اداء العربيه او سحبها بس لما التنك خلص وحطيت امبارح 92 خسيت بفرق مش قليل حسيت العربيه سحبها احسن طتير وبتجري لوحدها هو الكلام ده صح ولا انا بيتهيالي؟

**zago** · 06-08-2011 09:51 PM

المشاركة الأصلية كتبت بواسطة aymanamr

انا كونت كملت التانك 80 مرتين علي مدار الشهر اللي فات لاني كونت في البنزينه بغسل واستفزني ان مكنش فيه حد ولا تابور انا محستش بفرق في اداء العربيه او سحبها بس لما التنك خلص وحطيت امبارح 92 خسيت بفرق مش قليل حسيت العربيه سحبها احسن طتير وبتجري لوحدها هو الكلام ده صح ولا انا بيتهيالي؟

بيتهيألك
مدام الكهربا مظبوطه يبقى فكك
انا عندي بحطلها 80 غالبا
و 92 كل فين وفين
وماشيه عادي زي القرد
المشكله عندي ان بقالها بتاع اسبوع مخنوقه مش عارف من ايه
مبتجمعش بسرعه زي الاول
روحت استنين لما لمبه البنزين نورت وفولتها 92
فضلت مخنوقه برضو

لكن مره حطيت 80 في الاوبل ... بقت بطه بلدي

**zago** · 06-08-2011 09:56 PM

المشاركة الأصلية كتبت بواسطة JUVENTUS

انا اقصد انها كان عربية مفيهاش اي رفاهية من جوة مثلا
هي عربية شقا و شغل بس لكن متحسش كده انك في عربية تقفيلها حلو من جوة و شكلها حلو مثلا حاجة كده حديد في حديد راكب عليها كراسي و خلاص

رفاهيه !!!
يابني انت كأنك سايق مازنجر وتقولي رفاهيه
يالهوي على الرفاهيه يا احمد ...
سواق ميكروباص يحدف عليك جنبه كله يتسمكر ويتدهن ... رفاهيه
بوكس شرطه يقطع عليك الطريق تلبس فيه تشوطه 5 متر ( حدث بالفعل مرتين واحد فيهم كان عند مجلس الدوله ) ... رفاهيه
واحد عمال يديلك كلاكسات بغباوه تفرمل في وشه يلبس في الاستبن يتعجن ... رفاهيه
لو الطريق مقفول والرصيف ارتفاعه نص متر اطلع عليه وسلك نفسك ... رفاهيه

يخرب بيت الرفاهيه يا عم ده انا عجنت بيها نص العربيات اللي طلعت شق التعبان ههههههههههه

بس للأمانه مكنش عندي كاسيت ولا ازاز كهربا ولا تكييف ولا سنتر ولا مرايات كهربا ولا حتى دي في دي

... بس كنت مبسوط

انشاء الله لو بعت التمبرا يا اما حجيب اوبل يا اما رانجلر تسعينات
لو جبت الرانجلر حنزلكم صورتها علشان لو حد شافني في الشارع يوسع ... الا لو مش خايف على نفسه

**heshamzaky** · 06-08-2011 10:12 PM

هههههههههههههههههه ماشى يا عم مازنجر هههههههههه
انت ماشى تقول شكل للبيع مع العربيات ههههههههههههههههههههههههه ههههههههههههههههههه

**ahmed79** · 06-08-2011 11:14 PM

السلام عليكم ورحمه الله وبركاته
ايه اخبار الجميع
الميزه الحلوه فى الجيب يوسام انك بتمشى بالعربيه انت فوق وباقى العربيات تحت

**zago** · 06-08-2011 11:19 PM

المشاركة الأصلية كتبت بواسطة ahmed79

السلام عليكم ورحمه الله وبركاته
ايه اخبار الجميع
الميزه الحلوه فى الجيب انك بتمشى بالعربيه انت فوق وباقى العربيات تحت

لا مش كده
انت بتمشي بالعربيه فوق وملكش دعوه بحد تاني سواء كان فوق او تحت او ورا اي في اي حته ... يغور يقعد في بيته
هههههههههه

كنت حجيلك انا وهشام بك بس قاللي انك بتمشي على 11
سك على البيبسي خلاص

**ahmed79** · 06-08-2011 11:31 PM

المشاركة الأصلية كتبت بواسطة zago

لا مش كده
انت بتمشي بالعربيه فوق وملكش دعوه بحد تاني سواء كان فوق او تحت او ورا اي في اي حته ... يغور يقعد في بيته
هههههههههه

كنت حجيلك انا وهشام بك بس قاللي انك بتمشي على 11
سك على البيبسي خلاص

ياباشا تعاله انا فى رمضان بمشى 12 او 12.30
والببسى موجود

**zago** · 07-08-2011 12:03 AM

سوهاجي
انت عربيتك لونها ايه ؟

الموضوع: رابطة مالكي وعشاق التمبرا (الجزء الخامس)

LinkBack

أدوات الموضوع

عرض

-

-

-

-

المواضيع المتشابهه

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة