الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة aymanamr

انهارده روحت مركز الصفا للكربرتير والانجيكشن اللي ورا اوماترا وابو الفتوح اللي في اخر جسر السويس سمعت انه كويس وجنب بيتي والتقرير كالاتي:
1:المركز طلع كبير عكس ماكنت متخيل ونظيف جدا وريسبشن وقاعه انتظار مكيفه وشاشه lcd وحمام نظيف وحاجه اخر دلع هههههههه
2:المركز فيه جيش من العربيات اشكال وانواع وجيش اخر من الفنيين والمهندسين بحيث تقريبا كان مع كل عربيه فني ومهندس وفي المركز كان حوالي 10 عربيات وزيهم واقف بره واخد دور
3:تم الكشف علي الكاربريتير وهو راكب بجهاز قياس الكربون في العادم والراجل اول لما شغله ودورت حسيت ان الجهاز هينفجر هههههههههه اخر المؤشر فيه كلن سته عربيتي وبلا فخر عديت ال 6 وقالي لازم يتحل وده هيكلفك 85 جنيه غير اسعار قطع الغيار لو محتاج
4:تم سحب بتاع 6 ولا 7 لتر بنزين اللي كانوا فيها اساسا وكنت فاكر انهم هيرجعهم تاني واكتشفت ان ولاد الحرميه اخدوهم ينظفوا بيه الكاربيرتير ههههههههه وعملو كده مع كل عربيه
5:قعدت حوالي ساعتين في قاعه الانتظار وبعدين نزلت وقالي المهندس ان اللي لعب قبل كده فيه كان خربه وسادد حاجات المهم قالي انه ظبطه زي الفابريكا وغير البامات باك الرسرعه وباك السلانسيه وغير بلف مثلث كده وتمن قطع الغيار 75 جنيه
6:تم تركيب الكاربيرتير وقاس بالجهاز وسبحان الخلاق القياس بقي اقل من 1 وظبط ال rpm علي 8-9 بناء علي طلبي
7:طلع معايا المهندس يحرب العربيه وبعدين رجعت معاه دفعت 160 ملطوش وقالولي معاك ضمان اسبوعسن لو فيه حاجه تعالي ولسه مجربتش استهلاك البنيزن هو الهمندس قالي كده تعمل معاك 180 -200 في الصفيحه في الطريق المفتوح
تقيمي للمركز كلاتي
1:اتعدبت عقبال ماوصلت لانه في اخر الشارع والشارع كله مكسر
2:استقبال ممتاز واهتمام كامل بعربيتك
3:مكان نظيف جدا وتحس فيه اهتمام وناس فاهمه وبتشتغل بضمير
4:غالي حبتين
لسه بقي مجربتش النتيجه في الاستهلاك بس العربيه حاسس انها بقت مظبرطه مفيش رجرجه سحبها بقت تحلي وفيش دخان من الشكمان

السلام عليكم
والله برافو عليك
ما شاء الله لا قوة الال بالله على افكارك الجميله واصرارك على حل المشكله
بصراحه انا الموضوع ده كان مدوخنى والحمد لله اتضح ان انا مش فاهم حاجه وان استهلاك العربيه مش بطال فى الطرق الطوالى يعنى مثلا اخر مرة عملت 230 كيلو ب 24 ليتر تقريبا وده معناه 200 كيلو فى الصفيحه تقريبا
وكل الناس بتقول ان ده الاستهلاك الطبيعى بس طبعا هى حوت جوا البلد يعنى ممكن الصفيحه تعملها 150 ك ويمكن اقل بالذات لو فى توقفات كتير او اشارات ومطبات والحاجات اللى ما بتخرججش من الثالث يعنى بختصار يبقى انت اكيد فى مصر
مبروك عليك انا ان شاء الله انا متفق مع الميكانيكى على كذا حاجه هعملهم مع بعض وهما كالاتى:
1- تغيير البوجيهات
2- تغيير فلتر البنزين
3- غسيل وتنظيف الكربراتير
4- فحص الجفرنر ومحاوله لاصلاحه
5- تغيير التيل الامامى
لو فى حد عاوز ينصحنى بحاجه اخد بالى منها وانا بعمل الحاجات دى يقولى يبقى كثر خيرة
لو فى حد عاوز يساعدنى باى مبلغ يبقى له الاجر والثواب عند الله
لو فى حد يحب ياخد العربيه يعمل فيها الكلام اللى فوق ده يبقى له الجنه ان شاء الله وهدعيله باستمرار
لو فى حد ياخد العربيه ويدينى عربيه زيرو يبقى
^
^
^
^
^
^
مجنون