الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة juventus

مساء الفل يا استاذ ياسر ازيك يا باشا
انا مقصدش دراع المساحه نفسها لا انا قصدي الدراع اللي بتشغل منه المساحه اللي بيكون راكب في قطمه الدركسيون
كنت جايب واحد من فاروق شغال زي الفل و بينور كمان بس هرجعه عشان كان فيه عيب عندي طلع مش من الدراع

خلاص براءة من الشق الاول من الدعوى طيب بالنسبة للشق التانى
مقلتش هتروحوا العزبة امتى اصل انا رايح لفاروق ان شاء الله علشان اغير طرمبة الباور اللى مغلبانى انا جربت اكتر من 5 طلمبات اخر مرة كنت عند فاروق قالى ممكن العيب يكون من علبة الدريكسيون فا انا قطعت الشورت فى البسييين وقمت ايه جايب مقصين جداد وصوابع ميزان وبارات داخلية وبارات طرف لعلبة الدريكسيون وقمت مغير العلبة اللى راكبة بعلبة تانية وركبت طبعا البارات الجديدة عليها وغيرت المقصين وصوابع الميزان يعنى كان فاضل اغير المساعدين علشان تبقى عفشة كاملة لولا انى مغيرهم من كام شهر ومع ذلك مازالت الطارة تقيلة والكل اجمع على ان الطلمبة هى السبب ودمتم بخير

المشاركة الأصلية كتبت بواسطة elkoptan

لو سمحتم يا جماعة سيارة فيات تمبرا 1600 موديل 1993 ايطالي لسه فكه حظر الشهر اللي فات .... باور وسنتر وزجاج كهرباء امامي ومرايات كهرباء واير باج بالدركسيون والسيارة فابريكة برة وجوة كاوتش زيرو ومعاها رخصة سنة والموتور متعمر من 6 شهور وحالته دلوقتي 65 % بس خرطوم الفايز بيطلع دخان خفيف كده مش عارف ليه ومحتاجة سمكرة ودوكو حزام من باب النظافة وطبعا لو هتركب تكييف مع العلم ان الوحدة الداخلية تتش وكمان جوز كبالن وفوانيس النور الامامييين وجلب مقصات وعداد السرعة منور بس مش شغال جايب صفر بس .... انا خلصت العربية دي علي 25000 جنيه ... ايه رايكم في السعر يا تمبراوية

ولو حد يعرف ايه عيب العداد ده
وكمان قطع الغيار اللي انا قلت عليها دي ايه احسن نوع وبكام ومنين .. هتعبكم معايا
وفي النهاية تقبلوني تمبراوي جديييييييد

الف مبروك على العربيه وربنا يبارك لك فيها ويسترها معاك
السعر حلو عشان الشغل الى فيها هيصرف
الماتور كده خفيف خليك ماشى بيه عادى طول مهى مبتكولش زيت
التكييف سعره 2000 وهتزود عيه حوالى 700 مصنعيه وشحن
الكبالن هاتها استيراد احسن الواحد هيعمل حول 80
الفوانيس الاماميه الواحد 200 جنيه استيراد وهو طبعن افضل بكتير من الجديد
جلب المقصات مبتتغيرش غير المقص كلو على بعضو افضل والى هيقول لك على سعره الاستاذ هشام لانو هو الى جبهم ويعرف النوع
عداد السرعه شوف الفيشه بتعته الى ركبه على الفتيس شوف السلكين بتعها وصلين ولا لا والفيشه دى تمنها حوالى 70 جنيه هيطلع العيب اكيد منها
وكل ده من عزبه شلبى بس فى رسم دخول لكبير الرابطه عشان يعرفك المحل الى بنتعامل معاه
ولو فى اى غلط من الى قولتو هتلاقى ان شاء الله الاخوه هيصلحو الغلط ويقولو لك الصح

المشاركة الأصلية كتبت بواسطة moh1973

ايوه ده قصدي ياريت حد عندة عداد ديجيتال يقولي لمبة الانجيكشن فين برجاء الافادة للاهمية

اللمبه دى بتاعه عصايه الزيت انت دى فيها مشكله عندك ولا ايه بالظبط