الموضوع: رابطة مالكي وعشاق التمبرا (الجزء الخامس)

لسة مشتري التمبرا أول امبارح وعندي كذا سؤال هحضرهم واقولهم هنا عشان الاخوة الخبراء يفيديوني اتصرف ازاى ومبسوط لأني وسط ناس بيساعدوا لوجهة الله

أول مشكلة في العربية هيا ان فيه صوت عالي بيطلع لما بتلف الدريكسيون وغالبا ده يخص البور , ومع العلم البور شغال كويس الى حد ما . فهل الزيت عاوزو يتغير ولا في حاجة تانية ؟ وهل هيتغير ولا ممكن صيانته؟ انا مش عاوز اروح لصنايعي يشتغلني وخلاص .
وعندي عداد السرعة و مؤشر التانك بتاع البنزين فاصلين , في حين ان مؤشر الحرارة وال rpm شغالين , هل هحتاج اغير تابلوه العدادات كله ولا هل من صيانة .
وعندي العربية واطية من قدام لدرجة ان الاكصدام بيحك في اي مطب من المطبات المصري اللي عندنا فهل اعليها بسوست ولا اعمل ايه
وسمعت من الاخوه ان في حد في عين شمس متخصص يا ريت لو اعرف عنوانه وايه تخصصه بالظبط , يعني ميكانيكي ولا كهربائي ولا عفشجي
منتظر رد الاخوة ولو جدت اى مشكلة هبعت إن شاء الله لانى عشمان فيكم خير

المشاركة الأصلية كتبت بواسطة haythoom_7

أول مشكلة في العربية هيا ان فيه صوت عالي بيطلع لما بتلف الدريكسيون وغالبا ده يخص البور , ومع العلم البور شغال كويس الى حد ما . فهل الزيت عاوزو يتغير ولا في حاجة تانية ؟ وهل هيتغير ولا ممكن صيانته؟ انا مش عاوز اروح لصنايعي يشتغلني وخلاص .
وعندي عداد السرعة و مؤشر التانك بتاع البنزين فاصلين , في حين ان مؤشر الحرارة وال rpm شغالين , هل هحتاج اغير تابلوه العدادات كله ولا هل من صيانة .
وعندي العربية واطية من قدام لدرجة ان الاكصدام بيحك في اي مطب من المطبات المصري اللي عندنا فهل اعليها بسوست ولا اعمل ايه
وسمعت من الاخوه ان في حد في عين شمس متخصص يا ريت لو اعرف عنوانه وايه تخصصه بالظبط , يعني ميكانيكي ولا كهربائي ولا عفشجي
منتظر رد الاخوة ولو جدت اى مشكلة هبعت إن شاء الله لانى عشمان فيكم خير

لو الصوت الى بتسمع لما تلف الدريكسيون زى صوت زن كدة يبقى طرمبة الباور و دى بتتغير ما تصلحهاش
و تمنها بالطمبورة بتاعتها 250 جنية
بالنسبة لموضوع الاكصدام الى بيحك أغلب الظن ان عندك المساعدين تعبانين جدا و أكيد ضاربين
بالنسبة للسوست أفضل حاجة سوست 6 لفات بس دول صعب شوية تلاقيهم و تمنهم 120 جنية
أنا شخصيا بجيبهم بالواسطة ههههههههههههههههه
و جبت جوز مرة لزاجو باشا و مرة لخالد باشا بتاع البرافا
لو صادف قدامى و لقيتهم خا اقولك لو أنت عايزهم بس مش اكيد اعرف اجيبهم دول بجيبهم بالحظ و مش كل المحلات حا يرضو يفكوهم من المساعدين لانهم بيتفكو ب زرجينة
موضوع الكهرباء أحنا بنروح للاسطى كرولوس دة كهربائى و بتاع تكيف و 9 من رجالة الرابطة راحو لو و هو حافظ كهرباء التمبرا و عارفنا بالاسم كويس جدا لو روحتلة قولة انك تبعنا و تعرفنا

طيب عنوان الاسطى كرلوس ده ايه ؟
وأخباره في المصنعية ايه ؟
ولو رحتله اقوله رابطة التمبرا بتاعت نايل موتورز ولا اقوله استاذ هشام زكي وزاجو ولا ايه ؟

معلش سؤال ساذج
هما المساعدين ايه والسوست ايه ؟
يعني ايه اللى هغيره في حال ان العربية مايلة لقدام ؟
معذرة هتزهقوا مني في الفترة الجاية عشان جايب العربية فيها شغل كتير و مليش اصلا في العربيات نهائي ومحتاج حد ينورني
جزاكم الله خيرا

المشاركة الأصلية كتبت بواسطة haythoom_7

طيب عنوان الاسطى كرلوس ده ايه ؟
وأخباره في المصنعية ايه ؟
ولو رحتله اقوله رابطة التمبرا بتاعت نايل موتورز ولا اقوله استاذ هشام زكي وزاجو ولا ايه ؟

لآ لآ قولة من طرف هشام
و هو عارفنا بس يعرف اسمائنا الحقيقية مش الاسامى الى على المنتدى
قولة من طرف هشام

المشاركة الأصلية كتبت بواسطة haythoom_7

معلش سؤال ساذج
هما المساعدين ايه والسوست ايه ؟
يعني ايه اللى هغيره في حال ان العربية مايلة لقدام ؟
معذرة هتزهقوا مني في الفترة الجاية عشان جايب العربية فيها شغل كتير و مليش اصلا في العربيات نهائي ومحتاج حد ينورني
جزاكم الله خيرا

لو العربية مايلة للامام يبقى 99 بالمائة المساعدين بايظة
و المساعد زى الى فى أول صورة الى لونة احمر مش مهم اللون دة شكلة عموما يعنى
و السوستة الى هية زى الحلزونة حوالين المساعد
السوست ال 6 لفات بتبقى صلبة اكثر من السوست العادية لان السوست العادية 5 لفات فقط مش 6 لفات
نصيحتى لك اشترى جوز مساعدين أمامى جداد و تجيب علايات 3 سنتى و ركب سوست 6 لفات لو لقيتهم و انسى الموضوع دة نهائيا بعد كدة
الصورة دى الفرق بين السوست ال 5 لفات و السوست ال 6 لفات