رابطة مالكي وعشاق التمبرا (الجزء الخامس)

**JUVENTUS** · 08-12-2011 02:43 PM

المشاركة الأصلية كتبت بواسطة ahmed79

انا معاك ياحمد ان الانجكشن افضل بكتير حتى فى الصيانه يوم ميحصل حاجه شيل وارمى وهات غيره بخلاف الكربراتير متعب
بس انت بتتكلم فى ضفيره جديده هتعملها للماتور يعنى مش سهله برضك وهل الضفيره دى هتوصل فى ضفيره العربيه ولا هتوصل على ايه بخلاف العربيه التيبو بتاعت الاستاذ هشام هى اصلن كانت انجكشن بس اتلعب فيها
على العموم اعملها ياوسام ونجرب نفعت يبقى خير وبعد كده الى يحب يغير الماتور يجيب انجكشن

معاك يا باشا في كل كلمه و المشكله كمان انه الضفيره و الكنترول مش عند فاروق و بيقول صعب دلوقتي يبقى عنده حاجه منهم فشكلها كده هتبقى كاربيراتير يا وسام

**zago** · 08-12-2011 05:16 PM

خلاص يا جدعان
كربراتير كربراتير
:(

دلوقتي مروحه الدرياتير قفشت
وعايز مروحه
وعايز معلومات عن الحوار بتاع المروحه
ممكنيكون بوظت ايه غير المفتاح بتاعها والترموستات ؟
وبكام
ومين بيركبها
وكل اللي عارف حاجه يقول

**zago** · 08-12-2011 05:18 PM

احمد ملكش عندي حمبري هعهعهعهع

:)

**ZALABANY** · 08-12-2011 06:28 PM

يا وسام المروحه قفشت يعني ولا ايه
عامة المروحه الايطالي جديده ب 325
واستيراد تقريبا ب 150
وفؤاد ركبهالي زي الفل ولو المروحه نفسها اللي باظت موتورها قفش اهم حاجه تتاكد ان الضفيره ما حصلش فيها حاجه وقاعدة الفيوز الرئيسي بتاعها والفيوز نفسه عشان الضفيره دي دوختني لحد ما غيرتها كلها
قلنا ايه اللي حصل بالظبط

**zago** · 08-12-2011 07:58 PM

انااقولك اللي حصل يا ابيه زلاباني
وانا ماشي وفي حالي
وبشتم التمبرا والايطاللين كلهم ( بس في سري علشان كنت بشتم شتايم كبيييييره )
ببص لعداد الحراره شزرا
لقيته فوق شرطه التسعين بمسافه حوالي 3 مايكروميللي
وده مش طبيعي عندي لان اصلا الترموستات اللي انا حاطه بيخليها تشتغل عند الشرطه اللي تحت ال 90
بصيت على اللمبه اللي بتشتغل لما المروحه تشتغل ملقيتهاش منوره
ركنت وفتحت الكبوت وبطلت العربيه طبعا
وجيت الف المروحه بايدي لقيتها مش بتلف نهائي
لفيتها جامد شويه راحت لفت بس برضو قافشه
ركبت العربيه وجيت اشغلها من مفتاح الشده واحده اللي انا عاملهولها مريش يتشد
رحت فكيت المفتاح ولمست السلكتين في بعش راحت اللمبه بتاعه المروحه نورت والمروحه مردتش تشتغل والسلك في ايدي سخن جدا
بس كده

طبعا فضلت واقف شويه لحد ما العربيه بردت بعدين دورت عادي ورجعتها البيت
:)

**zago** · 08-12-2011 08:10 PM

وعلبا الفيوزات ولاكلام ده عندي على فكره اعتقد ملغي علشان مفيش تكييف
صح ولا غلط ؟؟؟
اصل انا مش عارف حاجه في المروحه للأمانه
لاني عندي تكييف في الاوضه
:)

**heshamzaky** · 08-12-2011 09:59 PM

المشاركة الأصلية كتبت بواسطة zago

وعلبا الفيوزات ولاكلام ده عندي على فكره اعتقد ملغي علشان مفيش تكييف
صح ولا غلط ؟؟؟
اصل انا مش عارف حاجه في المروحه للأمانه
لاني عندي تكييف في الاوضه
:)

وسام معنكدش الى زلبانى بيقول علية كلة عندك ملغى
انا فتحت الصور بتاعت عربيتك الى عندى و شزفت المنظر
ملغى مفيش أى حاجة هههههههههه
بس تخيل راكب عندك فى العربية خرطوم من بتوع التكيف بجد و الله شوفتة فى الصور