رابطة مالكي وعشاق التمبرا (الجزء الخامس)

**eng_tefa** · 19-05-2011 05:23 PM

المشاركة الأصلية كتبت بواسطة adelco

السلام عليكم

الحمد لله ان ربنا مد فى عمرى لحد ما اشوف الجزء الخامس
مبروك عليكم يا رجاله عقبال ما نضرب العاشر ان شاء الله
واحب اشكر السيد المحافظ والساده اللواءات واعضاء اللجان والداخليه والخارجيه
وكمان اشكر السيد على حسن سلوكه اللى عمل كل اللى عليه واكثر شويتين
واخيرا احب اتهم كلا من
heshamzaky zago juventus eng_tefa madyyuri ahmed79 man_faraway zalabany aymanamr nona4455

بالاسراف الشديد فى المشاركات وخاصه كلا من جوز العفاريت zago&madyyuri اللى دمهم زى العسل

وانا بلسان كل المنتدى يعنى كل واحد هيدينى لسانه اتكلم بيه واحتمال ارجعهوله تانى
احب اشكر h على المجهود الوافر والاثراء الغير عادى فى مشاركاته
وكمان juventus على ايجابيته الشديده
eng_tefa على تعديلاته الجامده وان شاء الله انا حاسس ان فى حد من فيات متابع مواضيعه واحتمال يتخطف او يجيله عقد احتراف
وطبعا كل الاسماء اللى فوق دى تستحق نيشان بس مش من عندى روحوا دوروا عليه فى اى حته
وكمان اشكر الراجل صاحب فكرة الرابطه اللى جمعنا كلنا
واخيرا اشكر كل واحد دخل شارك او قرا مشاركتنا
واسال الله العظيم رب العرش العظيم ان يجمعنا دائما على الخير وفى الخير من كبيرنا لصغيرنا ومن اولنا لاخرنا وان لا يفرق جمعنا ابدا
صباح الفل على كل التمبراويه تمن

الف الف شكر يا استاذ عادل والله حضرتك اللى المفروض نشكرك على كلامك الطيب ورح حضرتك

**eng_tefa** · 19-05-2011 05:25 PM

ايوا كداااااااااااااااااا
ظهر الحق
لا والاسم الوحيد فى الفيات
دى اقل حاجه للكبير وربنا
الف الف مبروك يا كبيرنا وكبير المنتدى كله

**mohmdomar** · 19-05-2011 05:49 PM

يا تمبراوية ويا برافاوية

انا عندي سؤال لولبي شلبي

منين اجيب ماتور البرافا ال 1300 من عزبة شلبي وياريت ارقام تليفونات ان امكن

**heshamzaky** · 19-05-2011 05:52 PM

المشاركة الأصلية كتبت بواسطة eng_tefa

ايوا كداااااااااااااااااا
ظهر الحق
لا والاسم الوحيد فى الفيات
دى اقل حاجه للكبير وربنا
الف الف مبروك يا كبيرنا وكبير المنتدى كله

أزيك يا تيفا عامل اية يا باشا أية اخبارك . تسلم يا استاذ و كتر الف خيرك

**heshamzaky** · 19-05-2011 06:00 PM

المشاركة الأصلية كتبت بواسطة mohmdomar

يا تمبراوية ويا برافاوية

انا عندي سؤال لولبي شلبي

منين اجيب ماتور البرافا ال 1300 من عزبة شلبي وياريت ارقام تليفونات ان امكن

بص الى بنتعامل دايما معاهم بكثرة محلين فى العزبة علشان مريحين فى المعاملة معانا كرابطة التمبرا
محل أسمة أولاد الشحات و اعتقد المواتير موجودة بس مش عارف عندة 1300 سى سى و لا لآ
و المحل الاخر محل أسمة البطل و صاحبة اسمة فاروق دة معرفة و طيدة و سعرة بالنسبة لنا فوق الممتاز هو كان قالى السعر 2200 جنية تقريبا بس أتأكد من السعر و من موديل الموتور الى عندك و شوف شكل الموتور الى عندة

**moh_hamid** · 19-05-2011 07:38 PM

السلام عليكم ورحمة الله وبركاته
انا زميلكم الجديد فى الرابطة ويسعدنى أن أنضم لكم نظراً لما سمعته من زميلى فى العمل Adelco عنكم.
بصراحة أن فكرة هذا المنتدى جيدة جداً وأنا فخور بالإنضمام لكم.
أنا إشتريت عربية تمبرا إنتاج 97 من حوالى 5 شهور .العدادات ليست ديجيتال.
عندى مشكلة فى مؤشر الحرارة أنه كثيراً ما يعطى حرارة عاليه غير حقيقية ( 90 درجة عندما تكون السيارة بتبدا تشغيل - أى أنه يكون الموتور بارد تماما ) وهذه المشكلة مقلقة جداً بالنسبة لى وتختفى أحياناً .وغيرت صباع الحرارة 3 مرات وغيرت ثرموستات الريداتير مرتين لكن العيب مازال موجود- علي الأرجح ان هذا العطل مرتبط بتوصيلات داخل التبلوه نفسه - أو عيب بالعداد .
دلنى زميلى فى العمل عن ورشة كورولوس لكهرباء السيارات حيث إتصلت ب كورولوس وحددت معه موعد ليقوم بالإصلاح بإذن الله.
أبلغنى زميلى أن الأستاذ/ هشام من الأعضاء النشطين بالرابطة فهل يمكن الحصول علي رقم تليفونه أن أمكن للإستفادة من خبراته ؟
مع الشكر،،

**zago** · 19-05-2011 09:03 PM

المشاركة الأصلية كتبت بواسطة moh_hamid

السلام عليكم ورحمة الله وبركاته
انا زميلكم الجديد فى الرابطة ويسعدنى أن أنضم لكم نظراً لما سمعته من زميلى فى العمل Adelco عنكم.
بصراحة أن فكرة هذا المنتدى جيدة جداً وأنا فخور بالإنضمام لكم.
أنا إشتريت عربية تمبرا إنتاج 97 من حوالى 5 شهور .العدادات ليست ديجيتال.
عندى مشكلة فى مؤشر الحرارة أنه كثيراً ما يعطى حرارة عاليه غير حقيقية ( 90 درجة عندما تكون السيارة بتبدا تشغيل - أى أنه يكون الموتور بارد تماما ) وهذه المشكلة مقلقة جداً بالنسبة لى وتختفى أحياناً .وغيرت صباع الحرارة 3 مرات وغيرت ثرموستات الريداتير مرتين لكن العيب مازال موجود- علي الأرجح ان هذا العطل مرتبط بتوصيلات داخل التبلوه نفسه - أو عيب بالعداد .
دلنى زميلى فى العمل عن ورشة كورولوس لكهرباء السيارات حيث إتصلت ب كورولوس وحددت معه موعد ليقوم بالإصلاح بإذن الله.
أبلغنى زميلى أن الأستاذ/ هشام من الأعضاء النشطين بالرابطة فهل يمكن الحصول علي رقم تليفونه أن أمكن للإستفادة من خبراته ؟
مع الشكر،،

وعليكم السلام ورحمه الله وبركاته
يا مراحب يا مراحب بريحه الحبايب
بص
مبدئيا
تراي تو يوز أرابيك لنجويتش ان يور توكينج
الترجمه : كلمنا عربي

عامي يعني بلاش عربيه فصحى علشان محدش يخاف منك
مبروك على حضرتك العربيه وعايزين نعرف انطباعك عنها ايه ...
بالنسبه للعداد كان فيه حد عنده نفس مشكله حضرتك وبرضو غير صباع الحراره ومفيش فايده وفي النهايه اشتراه استيراد ( مستعمل ) واشتغل كويس
ده على اساس ان العداد بتاع الحراره ذات نفسه سليم وان العيب من صباع الحراره مع اني اشك في العداد زي ما بتقول برضو
ممكن اديلك رقم استاذ هشام ...تدفع كام ؟؟

او ممكن ابدله معاك بجوز مقصات ههههههههههههه
ملاحظه أخيره .. البي ام دبليو بتتكتب bmw
مش pmw

**madyyuri** · 19-05-2011 09:09 PM

المشاركة الأصلية كتبت بواسطة heshamzaky

بص الى بنتعامل دايما معاهم بكثرة محلين فى العزبة علشان مريحين فى المعاملة معانا كرابطة التمبرا
محل أسمة أولاد الشحات و اعتقد المواتير موجودة بس مش عارف عندة 1300 سى سى و لا لآ
و المحل الاخر محل أسمة البطل و صاحبة اسمة فاروق دة معرفة و طيدة و سعرة بالنسبة لنا فوق الممتاز هو كان قالى السعر 2200 جنية تقريبا بس أتأكد من السعر و من موديل الموتور الى عندك و شوف شكل الموتور الى عندة

باشا هو فاروق معندوش مواتير برافا حاليا، ومين اولاد الشحات دول مقلتليش عليهم قبل كده

المشاركة الأصلية كتبت بواسطة zago

وعليكم السلام ورحمه الله وبركاته
يا مراحب يا مراحب بريحه الحبايب
بص
مبدئيا
تراي تو يوز أرابيك لنجويتش ان يور توكينج
الترجمه : كلمنا عربي

عامي يعني بلاش عربيه فصحى علشان محدش يخاف منك
مبروك على حضرتك العربيه وعايزين نعرف انطباعك عنها ايه ...
بالنسبه للعداد كان فيه حد عنده نفس مشكله حضرتك وبرضو غير صباع الحراره ومفيش فايده وفي النهايه اشتراه استيراد ( مستعمل ) واشتغل كويس
ده على اساس ان العداد بتاع الحراره ذات نفسه سليم وان العيب من صباع الحراره مع اني اشك في العداد زي ما بتقول برضو
ممكن اديلك رقم استاذ هشام ...تدفع كام ؟؟

او ممكن ابدله معاك بجوز مقصات ههههههههههههه
ملاحظه أخيره .. البي ام دبليو بتتكتب bmw
مش pmw

خف يا بني علي الراجل شوية دا لسه جديد مش عايزين نطفش الزباين من اولها كده
م مبتردش ليه علي التليفون ؟؟

**zago** · 19-05-2011 09:24 PM

المشاركة الأصلية كتبت بواسطة madyyuri

خف يا بني علي الراجل شوية دا لسه جديد مش عايزين نطفش الزباين من اولها كده
م مبتردش ليه علي التليفون ؟؟

ما انا رئيس لجنه استقبال الاعضاء الجدد
مينفعش اسيبه غشيم كده ... لازم افطمه على الحوارات علشان يستعد نفسيا انه يبقى عضو فعال

كمان ما انت لازم تتصل علشان أرد
ولو اتصلت وانا مردتش ما يمكن مش عايز اعبرك يا اخي

بص للأمانه ... لو قولتلي الموبايل فين حرد عليك ... ومش بعيد اتصل انا بيك واوفر عليك تمن المكالمه
السؤال هو ...
اين اختفى الموبايل ؟؟؟

**ZALABANY** · 19-05-2011 09:25 PM

المشاركة الأصلية كتبت بواسطة moh_hamid

السلام عليكم ورحمة الله وبركاته
انا زميلكم الجديد فى الرابطة ويسعدنى أن أنضم لكم نظراً لما سمعته من زميلى فى العمل adelco عنكم.
بصراحة أن فكرة هذا المنتدى جيدة جداً وأنا فخور بالإنضمام لكم.
أنا إشتريت عربية تمبرا إنتاج 97 من حوالى 5 شهور .العدادات ليست ديجيتال.
عندى مشكلة فى مؤشر الحرارة أنه كثيراً ما يعطى حرارة عاليه غير حقيقية ( 90 درجة عندما تكون السيارة بتبدا تشغيل - أى أنه يكون الموتور بارد تماما ) وهذه المشكلة مقلقة جداً بالنسبة لى وتختفى أحياناً .وغيرت صباع الحرارة 3 مرات وغيرت ثرموستات الريداتير مرتين لكن العيب مازال موجود- علي الأرجح ان هذا العطل مرتبط بتوصيلات داخل التبلوه نفسه - أو عيب بالعداد .
دلنى زميلى فى العمل عن ورشة كورولوس لكهرباء السيارات حيث إتصلت ب كورولوس وحددت معه موعد ليقوم بالإصلاح بإذن الله.
أبلغنى زميلى أن الأستاذ/ هشام من الأعضاء النشطين بالرابطة فهل يمكن الحصول علي رقم تليفونه أن أمكن للإستفادة من خبراته ؟
مع الشكر،،

أهلا بيك يا باشا
الصباع اللي ركبته جديد ولا استيراد لو ركبت الجديد غالبا العيب منه هات واحد استيراد المشكله ها تتحل بأمر الله صباع الحرارة الجديد اللي في السوق مضروب انا اشتريت 2 جداد فيهم نفس المشكله والاستيراد هو اللي ظبط