الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة moh_hamid

السلام عليكم ورحمة الله وبركاته
انا زميلكم الجديد فى الرابطة ويسعدنى أن أنضم لكم نظراً لما سمعته من زميلى فى العمل Adelco عنكم.
بصراحة أن فكرة هذا المنتدى جيدة جداً وأنا فخور بالإنضمام لكم.
أنا إشتريت عربية تمبرا إنتاج 97 من حوالى 5 شهور .العدادات ليست ديجيتال.
عندى مشكلة فى مؤشر الحرارة أنه كثيراً ما يعطى حرارة عاليه غير حقيقية ( 90 درجة عندما تكون السيارة بتبدا تشغيل - أى أنه يكون الموتور بارد تماما ) وهذه المشكلة مقلقة جداً بالنسبة لى وتختفى أحياناً .وغيرت صباع الحرارة 3 مرات وغيرت ثرموستات الريداتير مرتين لكن العيب مازال موجود- علي الأرجح ان هذا العطل مرتبط بتوصيلات داخل التبلوه نفسه - أو عيب بالعداد .
دلنى زميلى فى العمل عن ورشة كورولوس لكهرباء السيارات حيث إتصلت ب كورولوس وحددت معه موعد ليقوم بالإصلاح بإذن الله.
أبلغنى زميلى أن الأستاذ/ هشام من الأعضاء النشطين بالرابطة فهل يمكن الحصول علي رقم تليفونه أن أمكن للإستفادة من خبراته ؟
مع الشكر،،

و عليكم السلام و رحمة الله و بركاتة أهلا بيك يا باشا نورتنا و جاى لنا من ريحة الحبايب عدولة باشا كعب الغزال.
بص علشان بس أوضح السؤال لو أنت مثلا مشيت بالعربية و العربية سخنت عادى و جيبت طفيت العربية و جيت تدورها تانى الحرارة حا تلاقى المؤشر معدى فوق ال 90 درجة و يرجع بثبت على ال 90 دة عادى مش مشكلة .
لكن لو جيت تدورها الصبح بدرى و كانت باردة نهائيا و المؤشر وصل 90 أول ما تدور كدة يبقى فية حاجة مش صح بس أظن ان الحركة دى بتظهر معاك لما بتكون ماشى بالعربية و طفيت الموتور و جيت تدور العربية مرة اخرى .
الحرارة المئشر الى فى التابلوة بيقيس درجة الحرارة بسبب صباع الحرارة الى راكب فى البلوك بتاع الموتور الى انت غيرتة لو الكهربائى قالك العيب منة هاتة استيراد بلاش تشترية جديد زلبانى جاب منة جديد و رجعة لانة كان بيدى قراءة خطأ
تيلفونى طبعا حا ابعتة لك و كنت أخدتة من عدولة على طول بس أنا عارف عادل تلاقية قال عيب ما يصحش لازم اقول ل هشام الاول هههههههههههه عادل دة حبيبى و قولة يتصرف بتلقائية عادى
دى صورة الموتور مكان ما راكب صباع الحرارة