الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة zago

بسم الله الرحمن الرحيم
بما انكم عمالين تيجوا يمين وشمال لبعض في موضوع البنزين بييجي من فوق ولا من تحت
اطلعلي بره ادخل جوه تدخلي جوا اطلع بره
البنزين بيتسحب من النص هههههه
اكيد من تحت طبعا
لان لو من فوق يبقى كل ما منسوب البنزين ينقص اتنين مللي العربيه حتوقف وملوش لازمه بقى التنك ال 60 لتر ده
والطرمبه عليها زي شبكه بتنقي البنزين
بعدين فيه فلتر من عند التانك
وبعدين فيه فلتر عند الموتور
يعني احتماليه ان الشوائب تخش التك هي هي بالظبط احتماليه انك وانت بتشرب ميه من الحنفيه في المطبخ يطلعلك سمكه بلطي من النيل
صعبه بس وارده الحدوث
بالنسبه لتنك المحطات برضو فيه فلاتر على فكره
وبرضو صعب يبقى التنك مش نضيف بالصوره اللي في بالكو دي
بس ماعلينا
البنزين لو متوسخ وزي الطين على ما يعدي من الفلتر المعفن ابو 5 جنيه اللي راكب عند الموتور بس وسيبك من اي فلتر تاني حيكون بقى نضيف بنسبه 99 % ( ده على اساس انك حاطط لتر بنزين على شيكاره اسمنت )
ومادام الفلتر عندك نضيف يبقى البكات حتكون مسدوده ازاي يعني ؟؟ غلاسه ولا استقصاد يعني ؟؟
ومن ناحيه ....
العربيه تعمل كام كيلو احب اقولكم ان الاستهلاك المثالي هو ان سيادتك تكون ماشي على سرعه 90
89 لا هي 90 بالمللي

وبعد 120 استهلاك العربيه بيتضاعف بسبب عوامل كتير منها على وجه العموم احتكاك العربيه بالهوا لان الهوا ساعتها بتكون كثافته تقييييييييله على السرعه دي يعني
وعلى وجه الخصوص ...
التمبرا بتاعتنا يا جماعه الكربراتير بتاعها اسمه كربراتير اتنين باب
يعني لحد سرعه معينه في بوابه واحده شغاله
بعد السرعه دي في بوابه تانيه بتفتح علشان يخش بنزين اكتر يخلي العربيه تجيب السرعه اللي انت عايزها
وصلت ؟؟

حد مش فاهم ؟؟
اعيد تاني ؟؟؟
بكره امتحان شفوي وعلى الله محدش يجاوب

شكلك فاهم يا نصة
ايه الدمال والحلاوة دى انت بتذاكر من ورانا يا مرسى ههههههههههههههههههههههههه

المشاركة الأصلية كتبت بواسطة mikology

مساء الفل
مالكو نايمين كده ليه
صحصحو اوماااال

صباح الفل يا ميكو اخبارك ايه ؟؟
ايه الجديد فللى بالى بالك

السلام عليكم ورحمه الله وبركاته
ايه اخبار الجميع
هو انتم طلعتو المصيف ولا ايه مفيش حد موجود
ولا مفيش حاجه نتكلم فيها ولا ايه مش بعاده على الرابطه تبقى سكته كده

مساء الخير عليكو جميعا

المشاركة الأصلية كتبت بواسطة sohagy

انا عملت مشوار 100كم تقريبا ولما رجعت بصيت علي قربة المياه لقيها ناقصة .. زودتها واخدت نصف لتر .. بيتهيألي ده طبيعي .. وخصوصا ان الجو حر جدا .. ولا رأيكو ايه

دوره المياه لو سليمه الميه مبتنقصش الكميه الى انت بتقول عليها حتى لو الجو حر
ولم تزود مياه متعديش السهم الى مرسوم على القربه عشان العربيه متسخنش