الموضوع: للحماية من اشعة الشمس الضارة في الصيف وبديل الفامية وبضمان كمان

صباح الخير يا رجاله، إهدوا كده وبالراحة.
انا امبارح قابلت واحد معاه أوبل فيكترا الشكل الجديد ومركب الفيميه ده، شفاف جداً ومش باين أصلا انه مركب فيميه وقاللي ده مانع للحرارة والشمس وكسر الزجاج، سألته مركبه فين وبكام قاللى انه مركبه عند متخصص موجود فى محطة بنزين وطنية اللى جنب سيتي ستارز وسهره كله بالتركيب 900 علشان نسبة منع الحرارة 75% وقاللي ان عنده نوع بيمنع بنسبة 90% وبيتكلف 1200 وده على مسئوليته.
قاللى اسم المنتج في كول - V Cool بس بصراحة الفيميه ده كان هايل، الكلام ده كان الساعة 3.30 الضهر وركبت العربية وماكنش مشغل التكييف لقيت العربية طراوة من جوه.
الحقيقة انا ماعرفش اذا كان كده يبقي اعلان والا لأ انا بس لما لاقيتكم مهتمين بالموضوع قلت أوصل المعلومة،
وربنا يوفق.
طلب أخير الموضوع مش مختاج ندخل في بعض شمال. العضو اللى كتب الموضوع فى الاول كتر خيره طبعاً ماحتفظش بالمعلومة لنفسه، وكمان باقي الاعضاء معذورين علشان لو الموضوع مش محتاجينه مش هايكونوا معتمين كده. فحصل خير ويجعله عامر.