الموضوع: لو كان ده صحيح تبقي نصيبه سوده

المشاركة الأصلية كتبت بواسطة تامر.محمد

الى كل اللي معترضين على كلام الدكتور ده

ماذا لو لقيتوه بيتحقق او اتحقق اغلبه ؟

هل الجيش باقي على الحزب الوطني

هل هو باقي على صفوت الشريف و زكريا عزمي و فتحي سرور و أحمد عز

باقي عليهم بأمارة إيه و هو بقى في إيديه كل السلطات و الصلاحيات و بيحكم بإعلان دستوري و معاه شرعية الثورة الناس دي هيلوا دراع الجيش في إيه يعني!

خلاص الحزب الوطني و نظام مبارك كله إتحرق تماما

ناس تقولك مبارك لسه بيحكم إذا كان أهم حاجه في الحكم إن الناس تكون عارفه إني حاكم

الجيش لو كان عايز يفض الثورة كان فضها من زمان و الله العظيم كان في ناس كتيره جداااا ضد الثورة و ضد الناس اللي في التحرير و عارفين إنهم مظلومين من نظام مبارك بس الحكمه المصرية المعروفه "اللي نعرفه أحسن من اللي منعرفوش " كانت مسيطره عليهم و كان ممكن تحصل مجزره في التحرير و يوقلك دولا عملا و خونة و بس على كده و حقك علينا يا ريس

الجيش كان هيجيب 500 ضابط صاعقه على 2000 ضابط صف على 10000 جندي و مكنش بني آدم واحد هعتب ميدان التحرير ده تاني

شوفوا جيش سوريا بيعمل إيه في شعبه عشان نقولوا جيشنا بيحمي الحزب الوطني