شكرا تقرير زي الفل
عرض للطباعة
شكرا تقرير زي الفل
ربنا يباركلك فيها يارب
من فضلك تقولنا انطباعك عنها الآن ومشاكلها ومميزاتها
وكم قطعت بها من الكيلو مترات
لتعم الفائده
وشكرا جزيلا
يا جماعه استفسار
انا كنت مقتنع بالعربية 100% لغاية معرفت ان الفتيس المنيوال فى مشكلة فى الغيار التانى ولما سألت مدير فرع مصر الجديدة ...كان صريح.. قالى هى بتنزل كدا ....بس قالى الاتوماتيك زى الفل ....انا محتار جدا دلوقت وخايف اجازيف واجيب اتوماتيك تطلع فيها مشاكل......ارجو الافادة
انا معايا الاتوماتيك
نصيحة منى هات الاتوماتيك بدون تردد
هية معايا وعامل بيها لحد دلوقتى 6000كيلو وماكانش فية مشكلة غير انها بتاكل بنزين كتير لحد ما رحت عملت صيانة ال5000 فى فرع الشرابية وظبطوهالى
الحق هاتها قبل ما يتلعب فيها وتبقى ف مستوى المانيوال
بسم الله ما شاء الله ربنا يبارك لك فيها و يديلك خيرها و يبعد عند شرها
طب هى ماتورها من انتاج متسوبيشى و الكمبروسور بتاع التكييف انا سامع انه من انتاج شركة تانيه
و العفشة شركة ايه ؟ ولا انتاج ايه يابانى ولا المانى ؟؟
و العربيه من ورا لو انا مرجع الكرسى لورا الى ورايا بيكون قدامه مسافه قد ايه ؟؟
و عزل الصوت و الحرارة ؟؟
و الموتور راكب الهيدر لقدام ولا زى الاسبرانزا الهيدر ورا ناحية السواق؟
عربيه جميله مشاء الله عليها
مش عارف ليه الناس بتشكك فيها
يعنى لو العربيه دى نزلت من شركه فولكس او نيسان او هوندا
بنفس الاسم وبنفس المواصفات الناس هتقول عليها ايه
لك كل تحيه تقدير واحترام
السلام عليكم ورحمة الله
ممكن توضيح وتاكيد دون الانحياز
هل مكونات الموتور والعفشه يابانى فعلا مجمعه فى الصين
ولا تقليد وطبعا لو تقليد وصيني هتكون بخامات اقل من جودة اليابانى
من فضلكم وضحولنا نقطة التقليد دى دون الانحياز للسيارة وكمالياتها الضخمه
انا بتكلم على الاساسيات والمتانه والجوده ؟
لانها ببساطه 70 الف ج مش موبايل صيني ب 150 ج هنشيله اسبوع ونرميه (كعادة المنتج الصيني )
انا عارف ان العيب الاكبر فى المستورد المصري
وعشان كده بسال السؤال ده
لان الوكيل والمستورد للسيارة ايضا مصري
اسف للاطاله
وشكرا جزيلا
اولا التقرير اكثر من رائع
ثانيا / اشكرك كتير على المجهود و احب اعرف موديل 2013 هينزل امتى عشان ناوى اشترى